اخواني انا عندي الدرة بس ما تروض ويخاف بقوة بقوة وانا خايف عليه ممكن استسفار

[حياتي الرمادي]

السلام عليكم ورحمة الله ...
اخواني انا عندي الدرة الموطقه الهنديه طبعا عمره حوالي خمس شهور تقريبا طبعا انا اول ما جبته للبيت كان هادي بعد ما جبته بشهر بدا بالخوف الشديد واريد طريقه من عندكم لانكم انتم اصحاب الخبره انا ما عندي ما عندي جدتي ابي اعرف طريقه بسيطه تبعد الخوف وخاصة ابي اروضه ترى لفيت كل المنتديات ابي جواب لكن ما لقيت واحس اني ابي القى عندكم يا رب يا رب يارب ويعطيكم الف الف الف عافيه

[كروان]

تقول بعد شهر حس بالخوف طيب انت متأكد مافيه احد من وراك يضايقه او يرعبه

بعدبن الطريقه بسيطه وهي انك دايم ترفعه فوق 2 متر مثلا عن الارض ويكون بمكان اهل البيت رايحين وجايين من عنده وحاول انك تجلس مع الببغاء اكثر وقت وتكلمه وتصفر له وتحسسه بالامان
وحاول انك تخليه يجوع شوي عشان تعطيه الاكل من يدك وياليت انت بس تشرف عليه وتعطيه الاكل والمويه وتنضف القفص بروحك لا احد يقوم بالشغله هذي غيرك وبعدين معروفه الدره المطوقه انها عنيده لازم تصبر وانا اشوف شهر وقت بسيط خلها دايم تطلع من القفص وانت عندها لانها داخل القفص تحس بالامان عشان كذا ماتتجاوب معك واذا كانت برا القفص هي تكون قدام الامر الواقع ومع الوقت هي بتعرف انك مقصدك خير فيها بس انتبه من ردات فعلك لاتكون مفاجاه عشان ماتخوفها خلك معها دوم هادي وصوتك لها يكون حنون وتكون مبتسم لان الببغوات طيور ذكيه وتحس باللي حولها واذا قدرت تمسح على جسمها او تحك راسها يكون افضل ولاتستعجل دربها وحده وحده عندك مثلا انها تطلع على يدك هذا خله في الاخير المهم الحين تبعد عنها الخوف وتحس بالامان معك وتعطيك الثقه... عليك بالصبر صدقني مع الوقت يتعود عليك
ونبه على الصغار عدم الاقتراب منه وفي حاله حضور ضيوف حاول انك تخفيه عنهم عشان مايسببون له مضايقه

[حياتي الرمادي]

مشكوووووووووووووور اخوي مااااااا قصررررررررررت في ردك يالغالي