استفســار

[Almaha.K]

السلام عليكم

انا قررت اشتري امزوني ان شاءالله

لكن قبل ما اشتريه حبيت اني استفسر عن بعض الاشياء

1- المعروف إن الكاسكو اول ما اشتريه اخليه اسبوع على الاقل بس اغير مويه واكل يعني ما العب معاه ولا اكلمه لين يتأقلم ,,, هل الامزوني نفس الشي؟؟

2- يحتاج اني احطه بمكان بحيث انه يشوف الداخل والطالع لكن محد يشوفه(مثل الكاسكو)؟؟<<<< اقصد بهذا المرحله الاولى اول مايجي للبيت (اول اسبوعين)

3- المضادات والفيتامينات الي اعطيها اياه اول اسبوع هل هي ضروريه اني اعطيه؟
وياليت تعطوني اسمائها وطريقتها ,,, يعني وش الكميه وكم مره باليوم؟؟

4- انا قريت كل المواضيع المثبته الي تخص الامزوني لكن مالقيت جدول غذائي
يعني الي اعرفه ان اكثر غذائه من الخضار والفواكه
لكن بأي كميه؟؟ وهل فيه انواع ماينفع انه ياكلها كل يوم؟؟
ياليت تفيدوني بهالشي

اخر شي ابي اسأل عن بيطري ممتاز, الي يعرف ياليت يرسلي عنوانه او اسم المحل او اي شي على الخاص

اسفه على الاطاله

[كاسكـــو]

1 : اي ببغاء نفس الشي ماتفرق اذا كاسكو او امازوني ولا نوع ثاني

2 : ايه حطيه بمكان يشوف الطالع والداخل لحد ما يتأقلم

3 : المضاد هذا علاج مانحتاجه الا اذا لاسمح الله مرض الببغاء اما الفيتامين فهو جيد وبعطيك اخر شي نوعيه طيبه

4 : الحبوب المشكله المخلطه اكثر شي ثم الفواكه والحضروات بشكل قليل وقطع صغيره لانها كثرتها تسبب اسهال
يعني مثلاً الفاكهه زي التفاح مره او مرتين بالاسبوع وتكون قطعه صغيره

انا شخيصاً طريقتي مع طيوري وهي طريقه شخصيه اعطيهم حبوب مشكله + فيتامينات شامله كل شهر فقط

يعني خضار فواكه انا ماستخدم والحمد لله طيوري عال العال

بالنسبه للعيادات البيطريه هو مذكور لي كم عياده كويسه لكن انا ماجربتها ابد والعهده على الراوي يمدحون فيها

اذا تبين اسمائها ارسلها عالخاص لاكن انا ماتحمل شي بس فيه ناس جربوها وقالو ممتازه والله اعلم

واخيراً هذا اسم الفيتامينات اللي انا استخدمها من كم سنه وهي شامله لكل الفيتامينات والعناصر الضروريه

واسمها مولتي فيتامينز << واضح من الاسم انها فل كامل كل شي موجود وطريقه الاستخدام هي

5 قطرات بالماء مع تغيير الماء كل 24 ساعه لمده 7 ايام من كل شهر ( كل شهر 7 ايام بس ) وهذي صورته

[Almaha.K]

مشكوووور اخوي كاسكو كفيت ووفيت

بالنسبه للفيتامينات 7 ايام ورا بعض ولا متفرقه؟؟

ايه والله ياليت ترسلي اسماء العيادات لان ودي اكشف على الطير اول ما اشريه

[كاسكـــو]

المشاركة الأصلية كتبت بواسطة Almaha.K

مشكوووور اخوي كاسكو كفيت ووفيت

بالنسبه للفيتامينات 7 ايام ورا بعض ولا متفرقه؟؟

ايه والله ياليت ترسلي اسماء العيادات لان ودي اكشف على الطير اول ما اشريه

ايه 7 ايام وراء بعض