وعليكم السلام ورحمة الله وبركاته
1- من انت ...؟؟
بنت عادية ادرس في المتوسطه بعد الاجازه ثالث
واعيش في الرياض واموت في شي اسمه حيوانات
خاصة القوارض والقطط ^__^
2- متى كانت آخر مره ضحكت فيها من قلبك ...؟؟ ولماذا ؟؟
اممممممم امس شفت مقطع في اليوتيوب عن رجال يطرد القطط
من بيته ويخوفهم ويصارخ عليهم وقسم بالله لو تشوفين اشكال
القطاوه المسكينه كيف خايفه تخيلي من ضمن المواقف ان الرجال دخل المطبخ
ولقى القطوه حقته تاكل وقام يصارخ عليها وهي ياحياتي تركت كل شي وقامت تناقز
وتنحاش تحت الطاوله وتفحط في البيت وهو يطردها ويصارخ عليها بأعلى صوته قسم بالله
مشهد فظيع انا مدري ليش يكره قطاوته الى هذا الحد مع ان له اكثر من قطوه المهم آخر شي
طردهم كلهم في الشارع مع ان القطاوه اشكالهم مررررره تجننن ما يستاهلون الطرد حسبي الله ليتهم عندي بس
3- ما هي آخر مره بكيت فيها من قلبك ...؟؟ ولماذا؟؟
لما مرض هامستري شوشو وامي حلفت انها تبيعه
قسم بالله قلبي تقطع لكن الحمد لله شريت بعده ثلاث هامسترات
لكن للأسف كلهم ماتوا .
4- هل أحسست يوماً من الايام بالضعف ..؟؟ ومتى كان ذلك ؟؟
ما اتذكر
5- ما هو الشخص الذي تتمنى أن ياخذ فرحتك لكي لا تراه حزيناً ؟؟
اكيد امي الله يشفيها
6- اذا كنت متضايق ما هو اول شي تفكر القيام به ...؟؟
اول شي افكر فيه النوم طبعا عشان اريح تفكيري ونفسي واحيانا اجلس اكتب مذكرات
7- ما هي احلى ذكرى في حياتك ومن المستحيل أن تنساها ...؟؟
اول مره اشتريت هامستر وهم شوشو وبيجو
8- آخر شخص تتذكره قبل أن تنام ...؟؟
ما فيه شخص محدد لكن احيانا اتذكر هامستراتي اللي ماتوا
احس اني السبب واشعر بالذنب
9- كم شخص عندك بالمسنجر ...؟؟
كثييير
10- كم ساعه تجلس على الكمبيوتر ...؟؟
ما احدد وقت معين اذا مليت سكرته
11- هل فعلا انت مرتاح في تواجدك بالمنتدى ؟؟
نعم..
12- عضو يستحق الصداقة ...؟؟
عاشقه مجهوله وعاشقة البلابل وsnow11 وانتي
13- عضو قابلته وآخر تتمنى أن تقابله ...؟؟
ماقابلت احد، واتمنى اقابل snow11
14- عضو شخصيته مثل شخصيتك ...؟؟
مافيه عضو مثل شخصيتي..
15- عضو تود التعرف عليه ...؟؟
snow11
16- كلمة تود قولها ...؟؟
احب الحيوانات كثير واتمنى اشتري قطوه لكن للاسف بابا مايحب القطاوه من يوم كان صغير...
مايرضون يجيبونها ابببد الايمكن عادي يجيبون قوارض لكن قطط لا..
واتمنى اني اكون بيطريه عشاني تعقدت كثير من موت الهامسترات لكن مرره صعب لاني بالرياض
ومافيه كليات بنات للبيطره ...
مشكووووره ع الاسئله الحللوه تسلميييين ..^__^
مع السلامه*