انا والببغاوات

[احمد 14]

حاول تقنعه قله الصيفيه وبي استانس وأوعدك اهتم فيه ومن هالكلام وعاد ابوك كل واحد يعرف ابوه وأسلوبه انا الوالد الله يحفظه لازم احطه قدام الامر الواقع عاد مايقول شيء ههههههه بس انت حاول تقنعه وذا اقنعته روح اقرىا عن الببغاوات لانها علم وذا ماقريت وعرفت كيف تختار رح تنغش لاني بصراحه ماقد شفت غش كثر الغش في بيع الطيور اولا اذا انت مو فاهم رح تنغش في السعر وياريت مع السعر الغالي رح تاخذ واحد كويس رح يعطونك واحد كبير وصعب فأنتبه وقرىا المواضيع الي في المنتدىا وشخصيا وبصراحه انصحك ماتشتري من الأسواق لان اسعارهم دبل انصحك تروح قسم البيع رح تلقىا طيور ممتازه بأسعار جدا حلو

والله يوفقك وتقنع ابوك لاني حاس فيك الله يسهل لك

[الشفق الأحمر]

الله يكون في عونك أخوي .
تبغي نصيحتي ، قول لأبوك يبا تكفى باخذ لي بغبغاء وبهتم فيه أنا لوحدي وماراح أخليه يسبب لكم أزعاج ، وقوله ببيعه بعد شهر إذا ماطاب خاطر أبوك من البغبغاء .
هي تجربة تعيشها ، وإن شاء الله تكون لك تجربة ناجحة ، وتأكد ردي هذا ماحرضك فيه ماتسمع كلام أبوك لكن حاول تقنعه .
الله يسر لك أمورك .

[عاشق الحمام والوبر]

شرفتوووو الموضوع

[الكناري المغرد]

شووف اناا زيك الوالد قاالي مافيه ببغاء لأنه ما يحب الطيور الا الكناري

قلتله خلاص ابي كناري قال طير و جبتلي كنااري وعطتني امي جواال

المهم ولفت الكناري و بعته بـ مكسب و بعت الجوال و جمعتلني قرشين

و شريتلي افريقي و بعته و الحين ادورلي واحد فرخ يعني انت بنفسك

جمعلك فلوس اشتري طير صغير و بعه بمكسب و بع يعني اي شي

يستاهل البيع و فيه فلووس و اشترك ببغاء

اناا بعت الكناري بـ 550 و الجوال بـ 700 550 + 700 = 1350

و شريت لي ببغاء بـ 850 لاكنه كبير بالعمر

و بعته و ادورلي فرخ

معليش لأني طولت عليك

[عاشقة الظلام]

هههههه
قصه روعة
تبقي ببغاء لح على والديك وكثر من الح لين ما يوافقوا.

وان شاء الله تنول مرادك

[عاشق الحمام والوبر]

مشكور اخوي الكناري المغرد
ومشكوره اختي عاشقه الظلام
ومشكورين على الردود

[m_jood]

حن على ابوك الين يشتريلك
والا قله انا بشترية بفلووسي
وبحطة في غرفتي ..!

[السيفين]

اول شى قصة مضحكة ومبكية في نفس الوقت وتراك بردت كبدي شوي في العيال اللي ذبحو الببغا مع انه ماالومهم لانهم اطفال ومايفهمون بس انت غلطت وخليته على المكشوف لهم.. فكرتني في ببغاء ولد عمي اغتيل من قبل اطفال الجيران بالسنادل اعزكم الله.
بالنسبة لوالدك الله يحفظة حاول تجيب له عرض لببغاء بسعر رخيص و صيدة حلوة وقول له ان بعد سنة يتدرب ويتكلم ويجب اضعاف سعره يعني كانه سبيكة ذهب ماتخسر ...وطبعا كيف الببغاء راح يونسكم ان شاء الله..بالتوفيق اخوي

تحياتي للجميع
السيفين