مشكلتي مع الدرة ساعدوني

[رينقو]

[B]السلام عليكم ورحمة الله وبركاته
اعذروني فهذه اول مشاركه لي وكانت مشكله
انا اشتريت درة مطوق باكستاني من ثلاثة شهور ولا اقدر المسه او احك على راسه وهو عمره الحين 8 شهور تقريبا ولكنه يطلع على ايدي وعلى كتفي واكله من يدي لكن إلى الأن ما اقدر المسه وش الحل ساعدوني

[كاسكو البحرين]

رينقو افا عليك بس إحنا خدام لك سواء كانت اول مشاركة موضوع او طرح مشكلة فعتبرنا اخوانك وكثر واي سؤال عندك لا تتردد قول ولا تستحي



حبيب البي الأخ رنقو اولاً الدرة بشكل عام طير جميل وسريع التآلف عن باقي الطير من البغبغاوات يعني انا اجوف الكوكاتيل والدرة من اسهل البغبغاوات في الترويض والترويض يعني يصير الطير معاك أليف من كل النواحي انه يجي على يدك وياكل من يدك و غير ...



الأخ العزيز رنقو انت الحين الحمد لله الطير ما صار عندك على حسب كلامك الا 3 شهور وترى هذه الفترة كلش قليلة ، وانت تقدر تأكله من يدك وتخليه يصعد على يدك وكتفك وهذه خطوة من اهم الخطوات اللي يريد يكون الطير أليف معاه وانت الحمد لله تمتلك هالشي ، فأنصحك اخوي رنقو انك ماتستعجل على المسح فوق الراس والشغلات هذه لانه المسح فوق الراس نوعاً ما حساسه هالنقطة



طبعاً الدرة الباكستانية من الأحجام الكبيرة في انواع الدرر ، وصوته عند الكلام جيد ومقلد جيد وان شاء الله عقب فترة راح يتكلم طيرك وتستانس منه وعتقد جفت الفيديو اللي تم بثه على قناة العربية درة باكستانية تقرأ سورة الإخلاص وقل هو الله أحد ، يعني يتطلب منك شرط واحد فقط هو (الصبر) إذا بتصبر صدقني من خلال تجربتي مع الدرة للأسف بعتها لظروف خاصة ،تصدق يا أخ رنقو الطير اللي عندي بنفسه يقدم راسه عشان انا امسح عليه + يقوم بلحس ومداعبه اصبعي ويوم من الايام طار بعيد عن البيت بمسافة كبير ورجع لانه طير اذا يحب مربيه يحب ويرتبط بشكل جنوني وهذه اغلب مميزات البغبغاوات

خلاصة كلامي لك خلك مواظب على ان الطير ياكل من يدك وكثر من صعود الطير على اليد وكثف اللعب معاه ترى يا اخ رنقو البغبغاوات تعيش فوق ال70 سنة مو عيب او حرام نعطيها فرصة سنة وحده عشان تتأقلم معانا بشكل ممتاز وانا ماقول لك ان تصبر سنة لا بالعكس انا اعطيك كم شهر بس وراح تقول النتائج بنفسك انك قدرت بإذن الله تمسح على راسه وتلعب معاه بثقه تامه بدون عض او شراسه

ترى في بعض البغبغاوت اذا تربت مع المربي سنين طويلة ويقوم المربي بأي ظروف يبيع الطير يكون في الطير حالات نفسية او يؤدي الى موت الطير تخيل هذا الارتباط كله اشلون

اهلاً وسهلاً بك مره ثانية في المنتدى وتفضل هذه وردة لك ولدرة



وبالتوفيق

كاسكو البحرين