كيق اخلي صوصي يعيش مايموت لين يصير دجاجه

[فراس19]

اخواني انا استريت صوص عدد2 ممكن اسالكم كيف اخليهم يكبرون من دون مايموتون

[صمت الأمل]

أهلا وسهلا فيكـ يافراس 19



أول شيء أحب أقول لكـ إن الأعمار بيد اللهـ ,,



لو تهتم وتحافظ عليهم ولاتخلي أحد يلمسهم أو تسوي لهم عزل عن العالم كلهـ ,, وربي كاتب لهـ يموت ,, راح يموت ,



ولو جاهـ أخطر الأمراض وأشدها والصوص تعبان ماياكل ولا يشرب وخلاص الكل يقول لكـ راح يودع .. وربي كاتب لهـ حياة .. راح يعيش.



طبعا أنا ماأقول لكـ هالكلام وأعلمكـ كانكـ أول مرة تسمع عنهـ لأ , هذا بس تذكير ..



وفيهـ إحتياطات ممكن توفرها للصيصان عشان بإذن اللهـ يكبرون ويعيشون عندكـ .



اذا ماعندكـ خبرة في الصيصان أو رعايتها فالأفضل تاخذ لكـ الصوص البلدي .. صحيح إنها أغلى من الصيصان الملونهـ لكن مناعتها أقوى ..



وأيضا الصيصان الملونهـ أغلبها ديوكـ ,, فممكن تاخذ لكـ عشر صيصان ويعيش منها خمسهـ بس كلها ديوكـ ..



وممكن إنكـ ماتاخذ الصيصان الصغيرهـ جدا بعمر يومين أو ثلاثة ,, لأ . خذ الصيصان بعمر اسبوع أو اسبوعين بعد ماتعدي مرحلة الخطر .


وأيضا ممكن تعطي الصيصان بصل مقطع تقطيع صغير أو كراث أو حبة البركة لتقوية المناعهـ عندها .


وأحرص عليهم من التقلبات الجويهـ مثلا تاخذ الصوص لغرفة فيها تكييف ,, ثم شوي تروح بهـ للحوش .. ثم ترجع بهـ للتكييف .. هذا يضر بهم جدا ويسبب لهم إلتهابات في الصدر أو الزكام ولاقدر اللهـ يموت .



واحرص أيضا إن الأطفال الصغار مايمسكوهم كثير ويلعبون بهم بخشونهـ أو يطيروها مثل العصافير (( أنا شفت هالحالهـ )) ,,



وآخر شيء ممكن أقولهـ لكـ إنكـ تهتم بتغذيتهم كويس وتعطيهم حريتهم في اللعب لين إن شاء اللهـ يكبرون ويعيشون عندكـ وعقبال ماتشوف عيالهم ,,



تحياتي لكـ وأي أسألهـ أخرى تفضل بطرحها ,, وشكرا لكـ .

[محب الكتاكيت]

شوف مثل ما قالت صمت الامل الاعمار بيد الله
بس اعتن بهم واكلهم وشربهم وكليوم اطلقهم بالحوش بس تكون معهم علشان ما تجي البسس وتاكلهم طيب المهم وانتبه لا تاكلهم شي مو زين انتبه لهم دايمن خلهم مع بعض لا تشليلهم الا شوي لا تصلعهم كثير من القفص خلالاص

والسلام عليكم ورحمة الله وبركاته

[ميجر]

أخوي أنا كان عندي 150 كتكوت و كلهم ماتوا و السبب إن سقف القفص الكبير كان مفتوح يعني كل يوم يدخل نحو 9 قطط ياكلون الكتاكيت و يشردون ..

آآآآآآآآآآآآآآآآآآآآآآآآآآآآآآآآآآآآآآآآآآآآآآهه

[عماني143]

احب اضيف مع اللي قالوه الاخوان والاخوات
انك تهيء له مكان مناسب
وشوف حسب الجو
مرات الجو حر كثير فلازم تهيء له جو دافيء
ومرات الجو برد كثير فلازم تهيء له مصباح يعطيه حراره شوي عشان الدفيء مطلوب للصيصان

[mustaf]

الكتاكيت زي ما قال (عماني) بدها دفئ وحرارة مش باردة واذا كانوا من الملونين ففرصة نجاتهم ضعيفة و اذا كانوا مش بلديات (من المزارع) بطلعوا كلهم ديوك وارجو اني افدتك

[hamza1]

اعطيهم حشرات ذو بحبوها موت و ذرة و شوية لبن مع مية لانها بتفتح الشهية وتوفر لهم الكالسيوم حتى يكبرو بسرعة

[السمكة محمد]

السلام عليكم ورحمة الله وبركاتة
اكلهم وشربهم واذا خلص الأكل اللي انت شاريه عطهم سلطة هذا اللي كنت اسويه مع صيصاني ولا تعطيهم ماي بارد ولا تسبحهم يعني لاتروشهم

وحطهم في التهوية ونتبه عليهم من القطط والأفضل تكون عندك زراعة ولازم تطلعهم فترة لاتقل عن 10صباحا الى1ظهرا على الأقل خلهم في الشمس ساعة وحدة عشان تقوى عظامتهم

وشوف بعد ماتدخلهم داخل البيت مو تحطهم بجو بارد ولا بجو حار خلهم بدرجة معتدله تقريبا

وارجو اني افدتك