رد: طريقت تعديل رجل فرخ الكروان المصاب بإنزلاق القدم (معوق)
اختي اطال الله في عمرك
ملاحضاتي على ردك
اولا هل الفرخ بعد استخدام الشريط المطاطي تركتي الفرخ عند اهله او سحبتي الفرخ عندك
اذا كان الجواب تركتيه عند اهله شي طبيعي يموت الفرخ لان احتمال الجوز يترك الفرخ
واذا سحبتي الفرخ عندك هل كان الشريط المطاطي حاجز الدم برجل الفرخ او لا وهل قمتي بتغذيته التغذيه السليمه بعيد عن السريلاك ...
وبالنسبه للبيطري ما عندنا بيطري زي العالم كلهم حقين غنم وبعارين واما عن عياداتنا البيطريه حدث ولا حرج الكشف ب150 والطير كلله ما يسوا ويحط السماعه على الطير ابي اعرف وش دخل قلبه وتنفسه برجله وفي النهايه يعطيك الطير ويقول عطه فيتامين وشغله يعني الدعوه تجاره ماهي طبابه يعني يطلع منك ب300 ريال وهو يضحك
وفي النهايه عياداتنا البيطريه المحترمه ثنتين عندنا وحده للصقور ووحده للقطاوه والكلاب اعزكم الله
ولا عندهم ذيك الخبره بباقي الطيور (مجربهم كللهم)
وبالنسبه للنشاره انا متاكد انها سبب في تفحيج رجل الطير لانها ماهي ثابته والكروان معروف ما يقر يبتل يهز يمين ويسار مما يسبب تفرق النشاره تحته واللي يؤدي الى تفرق رجليه ومع الوقت تاخذ رجليه على الوضع السيئ بما ان عضامه وهو صغير لينه
وبالنسبه لإراحت الجوز ماله دخل بحكم ان المشكله تتكون مع مرور الوقت حتى لو ارحته بعدها بينتج وبترجع المشكله ...
شاكر لك ردك ومشاركتي تجربتك بالتوفيق
|