عندي بعض الاسئله طبعا مايجاوب غير الخبير ..

[semranso]

السلام عليكم


كيف افرق بين ( الشاهين - والحر - الجير - جير الشاهين - جير الحر )

وش معنى : قرناس - مثلوث وكيف اعرف هذا فرخ ولا لا

وكيف اعرف ان هذا قرناس - و مثلوث


سامحوني اني طولت عليكم

تحياتي لكم

[Qatar535]

عليكم السلام ,,,

أخوي بعرض عليك صور شاهين وجير شاهين , وحر وجير حر , وجير والجير الأصلي هو البيور والي يكون غير

مهجن والحين في الخليج صار تفريخ الجيره شي عادي خاصه في الإمارات ,,,

أخوي كيف تفرق بين الفرخ والقرناس الحر .. شي عادي أنا بعرض عليك صور تبين هذا الشي ,,,
وأسمحلي صراحه ماعرف المثلوث ...

ببدأ بالشاهين يكون شكله كذا :-وهذا شاهين قرناس

[IMG][/IMG]

والفرخ يكون ريشة صدره أغمق من الي نفس في الصوره ...

والحر يكون كذا :-هذا حر قرناس

[IMG][/IMG]

والفرخ يكون كذا أغمق من القرناس :-

[IMG][/IMG]

وجير الشاهين يكون كذا ويكون شكله أسود غامق نفس الي في الصوره :-

[IMG][/IMG]

وجير الحر يكون شكله كذا الأبيض يكون متركز في كل جسمه الأبيض والأسود .. نفس الي في الصوره :-

[IMG][/IMG]

شنو معنى قرناس:-

الطير يكون له أعمار أول شي فرخ بعدين بكر - قرناس - قرناس 2 -قرناس 3 الخ.. ولين يموت الطير ...

مابا تطويل ياطويل العمر ...وهذا واجب

واحنا في الخدمه ...

أخوك: بوناصر

[S7S7]

بسم الله الرحمن الرحيم

اخويQatar535 ماقصر



بالنسبه لسوالك عن المثلوث في الحرار الي يكون مقاسه 16 وتحت

اما القرناس الطير الي تعدا عمره السنه والفرخ في السنه الاولى من عمره

يعني القرناس الي يكون عمره فوق السنه والسنه الثالثه يسمى ثنو والرابعه قرناس ثالث

وكيف تفرق بين الفرخ والقرناس لازم تطلع مع صقار وتشووف على الطبيعه

اتمنى اكون افدتك بالتوفيق

[الفيصل]

اخوي بنسبة لصورة الحررر


الفرخ والقرناس .. الوانهم تختلف تماما

يعني الفرخ لقررنس مستحيل لونه يكشف ويصير مثل لون القرناس اللي انت حاط صورته


والقرناس يوم انك حطيت صورته وهو فرخ ماكان مثل الفرخ اللي انت حاط صورته

فيه فرق كبير بينهم جزاك الله خير

[Qatar535]

المشاركة الأصلية كتبت بواسطة الفيصل

اخوي بنسبة لصورة الحررر


الفرخ والقرناس .. الوانهم تختلف تماما

يعني الفرخ لقررنس مستحيل لونه يكشف ويصير مثل لون القرناس اللي انت حاط صورته


والقرناس يوم انك حطيت صورته وهو فرخ ماكان مثل الفرخ اللي انت حاط صورته

فيه فرق كبير بينهم جزاك الله خير

أخوي الفيصل ...
بنسبه للفرخ أنا حاط صورته يوم انه فرخ وانا ذاكر الأعمار بعد الفرخ بكر وبعد البكر قرناس يعني سنتين لين يكشف ريشه ويصير نفس الي في الصوره من يوم هو فرخ ...

وأن شاء الله اني افدتك ...

وأي سؤال انا جاهز ...

[النبع]

المشاركة الأصلية كتبت بواسطة semranso

السلام عليكم


كيف افرق بين ( الشاهين - والحر - الجير - جير الشاهين - جير الحر )

وش معنى : قرناس - مثلوث وكيف اعرف هذا فرخ ولا لا

وكيف اعرف ان هذا قرناس - و مثلوث


سامحوني اني طولت عليكم

تحياتي لكم

لون الريشة مو شرط على الطير جير الشياهين بس اسود؟؟
في حرار سود و في جير اسود اقصد اسود غطيس يعني كل ريشة اسود و في جير شياهين ابيض

لا تحكم على الطير من اللون ابدا
الطير ينعرف بالخبرة و لنا عشرات السنين في المقناص و للحين من يوم دخل الهجين في طيور ما اعرفها
الجير ينعرف بكبرة و دقوق ظهرة لاكن ان جاك اسود ما تعرفة غير من جرمة = حجمة
الشاهين تنعرف من راسها لاكن اذا جاك اسود بالكامل صعب اشرحلك
الحر و الوكري شبة بعض الا في الجرم و الوكري تلاقي فوق راسة مثل الطوق مطوق كل الراس
الشيهانة تفرق من ديرة لديرة و من جبلية بحرية في الحمر الهنديات و الحمر البحريات و في الايرانيات و في جبليات الديرة و في التركيات
التركية و البحرية نسخة مصورة من بعضها ما تفرق بينها غير بالحجم
و سق على كلامي مثل ما تبي
بالنسبة للمثلوث و التام مو شرط الطول و العرض ممكن يجيك حجمة صغير لاكن تكون كفوفة و بوزة كبار و هذا يخلية في عرف الصقارين طير تام و العكس صحيح

مو القصد اكسر شوكتك لاكن حبيت ان اوضح ان سؤالك مرررة عائم و بحر يبيلة خبرة الله يوفق الجميع

[كاتم العبره]

كان ودي أفيدك بس الأخوان وفو وكفو