[ شـاركنـا بوجـبــة قططــك ]

[دلوعةقطوتي]

مرحبا
كيفكم ان شاءالله تكونووووووا تمام
كثيرين يسالون وش ممكن ناكل قططنا من اكل البيت غير الدراي فوود
فقلت ياليت اللي بياكلوا قططهم من البيت كل وحده او واحد يكتب وصفات الاكل عشان نستفيد من بعض وقططنا ماتمل من الاكل
واذا ماعليكم تعب ممكن تكتبون كم وجبه باليوم تاكلونهم وعلى ايش بتعتمدوا اكثر شي مع ذكر اعمار القطط
وووبس
استناكم تردون

[wasim alhrama]

موضوع حلو وانا عن نفسي اوكل قطتي بوسي وهي شانشيلا بيكي فيس عمرها ستة شهور وجبة الفطور جبنة مثلثات وجبة الغداء اخد من الاكل التي تطبخه امي وجبة العشاء دراي فود

[توهقنا]

اما انا ماتحب تاكل الا دجاج مسلوق..

حاولت اخلط لها معه خضروات وجبن .. بس تاكل الدجاج وتترك الباقي ..

ايه صح تحب ويسكاس بس ماخليها تاكل منه كثير بس مكافئه لها

وعندي سؤال .. شو احسن نوع دراي فود .. ومنين اشتري كميه.. "جمله وبالرياض"

[*Meme Love*]

احسن نوع دراى فود هو Royel canin

فى منه للكيتنز وفى للبالغين وافضل طعم هو طعم الدجاج لا تشتريه بالسمك

وادخلى على Google وشوفى الصور

[دلوعةقطوتي]

يسلموووو وسيم عالرد وصحتين على قلب بوووووسي

[دلوعةقطوتي]

توووووهقنا ذكرتني بلوني كانت تاكل الدجاج وتترك الخضار وماتاكل الاصدر
صحتين وهنا على قلب قطوطتك
واحسن دراي فوود رويال كانون وفيه انواع غيره شوفي اللي تحب قطوتك
ورديتلك عالخاص للي يبيع كميه

[دلوعةقطوتي]

يسلمو ميمي عالمرور

[دلوعةقطوتي]

قطاوتي كل وحده لها شي تحبه بس الاساس الدجاج
لوني كانت تحب صدر دجاج مسلوق وبدون جلد ومقطع وتحب دراي فود بس لازم نكهة التشكن والاماتاكله كانت تخلط معاه مويه اذا كان نوع ماتحبه وتحب جبن كرافت سايل ونادر لما كنت اعطيها ملعقه صغيره كريم كراميل تحلي فيها بس كانت تحب الكريمه وكنا نتقاسم الاكل انا وياها الشي اللي اكله انا تاكله هي ماعدا الزبادي ماتحبه ولا اللحمه ماتاكلها
لوسي الحمدلله بتاكل خضار مع الدجاج وبتاكل زبادي وسيرلايك وجبن مثلثات وخبز نخاله وراح جرب اعطيها كورن فليكس دايت وبحاول ان شاءالله اعودها على كل شي
اما قطاوتي بنبون وفوفو وكوكو وجوجو ونمور وفلونا وكيشا اي شي بعطيهم ياكلون مايرفضون شي ويموتوووون على شي اسمه مهلبيه او سريلايك

[مربية قطط]

انا اطي قطاوتي جبن سايل وزبادي ودجاج شي اساسي واكثر شي يحبونه الساق
بارت ماياكل من الخضار الا الكوسة اما القطة الثانية ماشاء الله اي شي تشمة تاكله ومرتديلا
وعطيت بارت مهلبية اكل منها شوي وبس
ماشاء الله قطاوتي مفاجيع هههههههههههه
تقبلي مروري

[HaiDy]

انا عندي لوسي وليلى هذولا تعودو على بقايا اكلنا حنا .. ويوم اني دخلت المنتدى وعرفت ان البساس مفروض

مايحط مع اكلها ملح وبهارات وصلصه صرت اسويلهم دجاج مسلوق مع خضار بدون توابل بس مايبونه خصوصا

الذكر مايبيه مره بس لوسي يجي منها تاكل شوي عاد هذي تموت بالدراي فود اي نوع ماشاءالله احيان اجيب

لها دجاج ماتبيه عشان اعطيها دراي فود بس اطنشها وتاكل شوي من الدجاج هذا بعد المساحر والمداحر واوكلها

بيدي قطعه قطعه والاحقها فيه


للاسف اني ماكنت متبعه نظام معين بالاكل اعطيهم بأي وقت بقايا الاكل وبين حين وحين دراي فود


بس بعد ماحملت لوسي صرت ادخل المنتدى اقرأ عن الحمل والولاده ولقيت نفسي اجهل الكثير الكثييير

والحمدلله اللي تعلمت الكثير بعدين


وبديت مع الكيتنز امشي معهم خطوه خطوه .. اعطيهم الصباح حليب السعوديه مخفف او بودرة احلها بماء

والضحى كذا 10-11 اعطيهم جبن مثلث او كيري اهرسه في الصحن وعلى اخر الظهر كذا قبل انام عشان مايصحوني من النوم

اعطيهم كوبين وجبة مسويتها قبل وحاطتها بأكواب وبالليل دجاج مسلوق مع بطاطس واحط معه شوي زبادي

واحيان جبن سايل أو جزر او رز اغير لهم كل

يوم .. الحمدلله الكتنز على طول تعودو صحيح بالبدايه كان يجيهم اسهال ويتعبون واصومهم اعطيهم بس زبادي

ومحلول جفاف لين احس انه صحصح بعد كم ساعه الحمدلله ماوصل اني اعطيهم علاج .. وبعدين عاد تعودو

وصارو يحبون الاكل الي اسويه كله الحمدلله بس باقي الكبار الله يعين عليهم ...

بالنسبة للوجبه الي بأكواب لقيتها بالمنتدى وصرت احط الي موجود عندي مالتزم بكل المقادير :

دجاج مسلوق مفتت .. رز مسلوق .. كبدة دجاج مسلوقه .. فيتامينات .. شوي دراي فود مطحون .. كله يطحن

بالخلاط لين يصير متماسك مو لين مره وتوزعينه بأكواب او صحون وبالفريز وكل مرة تاخذين على حسب الاحتياج

^ انا انوع على حسب الموجود عندي احط مره دجاج مع رز وجبن ودراي فود .. احيان دجاج وخضار بطاطس جزر

كوسه مع دراي فود وشوي شوفان كويكر وفيتامين اكيد

الاكواب ذي مفيده في حالة السفر مثلا وخليتهم عند اخوي بس يجي يعطيهم واضمن انه اكلهم صحي ويشبع

وفي حالة المرض للمربي مثلا او حصل ظرف له او شي ..(من وجهة نظري يعني)..



اعذريني كتبت موضوع مو رد ياساتر !!

اكتب اكتب مادريت انه صار كذا هههههه



دلوعه ياقلبي ابي ترسلين عالخاص اسامي محلات بالرياض عندها كل شي عن القطط سواء اكل او ادوات نظافه من مجاميعه لاني ان شاءالله نازله الرياض وابي اروح المحل سيدا .. الله يعطيك العافيه