تعليق البت بول

[milano]

كيف امرن الكلب على التعليق يعني ( يعض شي مرتفع ويجلس ماسكه )ومايفكه ؟؟؟
اعرف انه مشهور جدا في البت بولات ، ،،،

[بو خالد]

حياك الله يا خوي شوف اول شي دخل كلب متعلم على الشغلا هذي او خل كلبك اطالعه كذا مره او بعدين دخل كلبك او خله اجرب حرك الشي المعلق امام وجه ليما اعضه او اذا ما عضه حاول ان تعلق شي فوق لستاند او خل الشي امام وجها او بس انا جربت الشغلا هذي او صارت انشالله الشباب افيدونك بعد بشغلا هذي

[milano]

مشكووور اخوي بو خالد وباجرب طريقتك ،، وننتظر افكار الاخوان ..

[uae_pitbull]

اخوي هذي الطريقه مش زينه اتخرب اسنان الكلب وهذي الطريقه اذا ماعلمت الكلب من هو في سنه ال3شهور مع اللعب ماتفيده اذا كبر يعني مايتعلم اذا كبر صعب لازم من هو صغير اتلعبه بلاشياء هذي

[بوعزوز]

مشكورين اخواني وصحيح يجب ان تعلم الكلب وهو صغير فقط ان يعض مثلا كره اليد او خيشه وترفعه قليلا لفوق واكيد لازم اتراعي اسنان الكلب ومع التدريج على ماتكتمل اسنانه تقدر ان تقف في كرسي و تمسك الكره و تجعل الكلب يقفز يريد ان يعضها و عندما يعضها تمسك به جيدا فق هذي هي الطريقه .
وشكراا

[shadygeniuss]

مشكوووووووووووووووور

[fag3a]

اخوي ماتقدر تبدأ كذا ولازم تكون عضلات الفك زعضلات الرقبه ممتازه علشان تساعده اما اذا كان ضعيف رح يهبد على ظهره
اخوي جوع كلب مره وبعدين خليه يشم الاكل وانته معلقه راح يحاول مره اثنين لما يجيب الاكل وعلشقها وخلك على الطريقه هذي اسبوع وبعد اسبوع علق لعبه وراح تكتشف انه راح يجيبها
بس في مساوء زي ماذكرو الاخوان وكمان راح يصير كلبك نقاز على اي شيء راح ينقز

[pitbull-lover]

بسم الله الرحمن الرحيم

اخوي عشان تعلم الكلب البتبول التعليق طريقه سهله جداً و ما تضر الاسنان مثل ما تفضل احد الشباب و قالها انا مره شريت بتبول تربية بيت يعني دلع و دربته عليها لا طاح ناب ولا انكسر ... المهم نرجع لموضوعنا ... طريقة التدريب :


1- تحتاج اولاً الى قطعة قماش و تعلم الكلب عليها يعني تخليه يعضها و انت ماسك القطعه و حاول انك تشد القطعه و لكن مو بطريقه قويه يعني تخلي الكلب يسحب القطعه و لما تحس انه رخا و يبي يفلتها اسحبها مره ثانيه .

2- اخوي لازم تسوي لك علاق فيه عجله يعني من النوع الي تربط الحبل فيها و تسحبه و بعدين راح اقولك ليش .

3-اخوي حاول انك تدرج له القطعه يعني ترفعها عنه و تخليه ينقز و يمسكها و حاول انك تلفها عنه يعني تمررها يمينه و تمررها يساره و تخليه يحاول يمسكها عشان تعلمه التركيز مو ينقز و يصدم بالجدار ( يعني تطبيق يدوي ) .

4- حاول انك تدرج له المسأله هنا تستفيد من العجله الي بالعلاق التدريج و بعد انك تنزل الكلب من العلاق دون ان تضره يعني بدال ما يفلت و يطيح انت احسب له الوقت الي انت تبيه في التعليق و بعدين نزله منها ... و انا اقولك شغله حلوه واجد كلنا نربي بتبول و كلنا نعرف ايش يسوي البتبول اذا شاف قطو ينخبل البتبول لو يشوف قطو وهو فقه يصير قرندايزر الحل اخوي اشتري لك ارنب و وديه المسلخ و و اذبحه و خذ الفرو حقه و بعدين احشي الفرو قطن و و علقه للكلب و ابدي درج له التعليقه يعني اول مره ربع متر و خليه يتعلم يضعها اكثر من مره ... و ثاني مره ارفعها بعد ربع متر و خليه يتدرب عليها و عليها زيد الارتفاع ...

5- اخوي ابيك بعد ما يتعلق الكلب و يعض قطعة الفرو المربوطه في العلاقه تكون ماسكه من تحت خصيصاً اذا كان المكان الي متعلق فيه اطول من متر و نص عشان ما يطيح و يتعور لان اغلب الكلاب الي تتعلق تطيح يا تلتوي اياديها يا تنكسر رجلها ..

6- ابيك اخوي بعد ما يتعلق تبدي تعطيه كالسيوم كثير عشان تقوي عضلت الفك عنده و عظامه .
و انصحك بالبودره الي تخلط مع الاكل ..

7- ابيك بعد كل تعليقه تعطيه اللعبه الي على شكل عضمه يبيعونها في محلات الحيوانات و تعطيها الكلب يقعد يعضها عشان بعد يقوي فكه ..

8- انصحك بعد اخوي بعد ما يتعلق الكلب تغسل فمه بماء و ملح و هاذي اهم خطوه عشان الماء و الملح يقوم بتقوية اللثه عنده و يمنع نزيفها ...

اخوي انشاء الله اني افدتك و اسمح لي على القصور ...


تقبل مني اجمل التحيات مع تمنياتي لك بالتوفيق ...

[pitbull-lover]

بسم الله الرحمن الرحيم

هاذي صوره حق الي طلبته اخوي و شوف شلون الكلب متعلق :


[IMG][/IMG]



تقبل مني اجمل التحيات مع تمنياتي لك بالتوفيق ...

[فايز]

السلام عليكم ورحمت الله تعالى وبركاته

يا سلام عليك يا بت بول لفر ماقصرت على الرد وكفيت ووفيت والصوره روعه...

مع السلامه تحياتي لك