ممكن المساعده باسرع وقت لاصحاب الخبره

[بومبارك]

يعطيكم العافيه الجميع مشكورين على الافاده وان شاء الله يا فرعون الكاسكو بيوصلك بعد جم يوووم انا بعطييه قناص يوصله لك وانت وشطارتك طالبك فرعون ولك مني جزيل الشكر لما اتوخر الجعره بلييز فرعووون اذا لك خلق يعني ومره ثانيه مشكور ين يا جماعه ....... البشمرقه

[هيبه اسد]

انا الضاهر ان طريقتي ما اعجبتك


ولاواحد قال على الاقل شكرا يا كوكاتو

[nevada]

ليش مزعلين كوكاتو يا الحبيب مشكور و ما قصرت
ان اعلمك فيهم عقابا لهم راح احرمهم من المنتدى لمدة يومين.....
بعد أمر....

بومبارك انا اقول شلك بالبحر و اهواله خلك على الامازون احسلك...

[لحن الخلود]

انزين انزين انزين يا نيفاده بلعدال
كل شي بالتفاهم.........
انزين لا تدز كاني بقول شنو يعني الواحد ماينسه ... والله
مشكور أخي وعزيزي كوكاتو أنا قريت المعلومه الجميله فعلا
ووالله مانستهين ابخبرتك الجميله
مو عشان نيفاده لات أذوني وزفني لا
عشان انت انسان مبدع
ولك الشكر والتحيه المعطره

[ALQ8i_79]

السلام عليكم ياجماعه وهذي اول مشاركه لي بهالمنتدى
حبيبي بومبارك انا اقولك رايي الشخصي بمشكلتك
بومبارك الكاسكو الي عندك خواف ,,, او يخاف منك انت بالذات يمكن اتطقه او شي ,,, او في احد مأذيه بالبيت ومن جذي قام يخاف ,,,, المهم حبيبي حاول انك تمسح عليه شوي شوي واهم شي من صوب راسه ,,, طبعا اذا الكاسكو مو أليف لا تعطيه صبعك على طول ,, لأ عطى قفا ايدك ,,, يعني سكر اصابعك وخل ايدك مسموته وعطى قفا ايدك ,,, لأن بهالوضعيه مالت ايدك ماراح يقدر يعضك ,,, المهم وحاول شوي شوي تمسح عليه لغاية مااهوا يتطمن لك ,,, بس لازم اتجابله شوي يعني يبيلك ساعه كامله وانت على هالحاله ,,, ولازم تكلمه وانت تمسح عليه ,,, وطبعا اذا حاول يعضك قوله لأ عشان يعرف او يفهم كلمة لأ يعني شي غلط ,,, وانشالله تروح الجعره منه ,,,, وفي طريقه ثانيه ,,, واهيا حطه بالحمام وسبحه بماي دافي ,, وجهزله مكان عشان دافي عشان ينشف على راحته ,,, طبعا السباحه راح تروح الجعره شوي
وانشالله تنفع معاك هالطريقه

[the snipr]

ie36ekom al3afiah

[القبطان1]

ابو مبارك انا بقلك على طريقتي الى استخدمتها وقد اكون مخالف كل الاساليب الى تنادي بتعامل بشكل اخر......... انا مثلك ماقدرت اصبر على هذا الوضع جيت يوم وجبت قفازات وبديت اتعامل معه بالقوة وكل ماجاء يعض اصيح عليه بصوت عالي لالالالالالالالالالالالالا وحطيت يدي على راسه وصرت امسح على راسه وكررت هذه العمليه ثلاث مرات في اليوم وبعد ذلك شلت القفاز من يدي وبديت احاول لمسه بيدي واذ قرب يعض اصيح عليه لالالالالالالالالالالا واضربه باصبعي او اهوش عليه على منقاره الان صدقني اصبح مسالم جداُ ويسمع الكلام وخف من الجعر وانا مادري هذي الطريقة الى استخدمتها تنفع معك وارجوك رد اذا كانت طريقتي نجحت معك ولا لا

[صاحبة وفا]

أنا كا ببغائي وااااايد يجعر وكل يوم البس قفاز وادخل ايدي وامسح عليه .. يتم يجعر وشوي يسكت ويرد يجعر .. ومع الأيام بدا يختفي الجعير ^^

[معاد تفرق]

عرفت مشكلتك طيرك يطلع على يدك بس يجعر شي طبيعي اصبر بس هذا المطلووب الصبر قبل كل شي وانا عندي مثل انا مخترعه ويقول المثل حقي.. قبل شراء الطير اشتر الصبر اول..لووول اخوي مطلوب منك شوي صبر وتمسح عليه كل يوم اكثر من مره وتحمل ازعاجه وصدقني بتروح الجعره الطير فيه خوووووووف واضحه