مواقف محرجة وظريفة

[القطة الرمادية]

بسم الله الرحمن الرحيم
السلام عيكم ورحمة الله وبركاته
عندي فكرة مسلية اش رايكم أي واحد عندو موقف ظريف
أو محرج مع بسه أو بسته اكتبو
وبكدا نشوف مواقف كتيرة ومسلية يلا تفاعلو

وشكرا لكل الي راح اشارك

[هامسترتو]

ورونا جديدكم

[فراشة الرّبيع]

ان شاء الله اذا افتكرت باجي اقولها
لي عودة باذن الله

[فراشة الرّبيع]

كان في موقف مع احد قطط الشوارع
في وحدة كانت متعودة علينا وماتخاف مننا
وبعدين جاها بسة رجال مايستحي هو كان يخاف مننا الا بعدين الية جات عندنا من غير ماتخاف قام هو خاف مننا ومنها لاانو استغرب كيف هي عادي معانا ونحنا عادي معاها مو مستوعب المنضر وعلى طول راح من غير رجعة
واسفة على تاخيري
وكل مافتكر شي اكتبه

[pomme]

يعطيج العافية على الفكرة الحلوة
أنا بصراحة عندي موقف محرج بس صار مع أمي
كانت جارتنا مسيرة علينا الضحى وهي مرة حامل بتوم
وبشهرها التاسع
كان أخوي فوق يسبح "بيسو" قطوتي ذكر
وهذا ما صدق طلع من الحمام ونزل تحت
عند غرفة إستقبال الضيوف
إلي صار يا جماعة الخير
أنه كان واقف عند الباب
نسيت أقول أنه قطوتي سيامي
يعني من بعيد شكله جني
وهذي جارتنا بس شافته أنجنت على أمي
وشو..و.. ه..هذا ....؟ هذا جنييييييي.....؟!
يا أم فلان هذا جني (طبعا قالتها وهي تصيح من الخرعة وقامت من على الكنبة وهي خلاااااااااص..... منهارة)
المهم شوي وتستوعب أن هذا حيوان إلي قدامها فقالت لأمي أنتم عندكم شاذي في البيت ...؟
أمي من الفشلة قامت أرفست بيسو برا الغرفة وقالت : لأ يا أم فلان هذا قطو بنتي ....(هي معصبة حدهاا)
والمرة هني شوي هدت قالت لأمي : قلة قطاوة في السوق وهي بنتج مالقت غير هذا القطو إلي شكله جني
(أنا بصراحة حقدت ليش إني أمووووت في الدلوع بيسو...... ): وهي تقول أنه جني ....؟ )
طبعا بس رديت من كليتي
أمي هني عطتني وحدة من نظراتها الثعلبية (: (فديتها.. وفديت نظراتها الثعلبية)
وقالت لي على إلي صار
وطبعا وكم زفة محترمة
إلي يقول أنا قايله بيسو يخرع جارتنا ):
وبس هذا كل إلي صار ...

[اموت في القطو]

انا يوم من الايام لقيت قطوه في الشارع واعجبتني كثييييير


وهي ميشوو اتوقع عرفتوها انا حاط صورتها المهم

كنت اوكل ميشوو كل يوم واهلي مادرو ودي القطوه تحبني


كان يوم طلعت اختي ولقت علب تونه واسغرب ولا علمت احد (الحمد لله )


ويوم من اليام طلعت اختي نفسها (هاجر) ولقت القطوه تدورفي الحوش واختي تقول لها (هش هش) تبيها تروح ولاراحت



وقالت اختي هاجر اكيد اخوي معطيها اكل( الي هو انا)



وعلمت امي وقالت امي لعد تعطيها تونه وهاوشتني


هواش محترم

[Parrota]

موضوع جميل لكن انا للأسف لم
املك قط لكي اكتب عنه مواقف

[ذوق رائج]

ششششششششششششششششششكرا

[دلوعةقطوتي]

هاي فكره حلوه
قطوتي الدلوعه ماتحب شعرها يتمشط خصوصا عندالبطن فا يصير متشابك ولازم يحلق ولما بوديها تخربش العامل
فيضطرون يخدروها ويحلقوها بعدها صحت تمشي وتطيح كانها سكررانه واهلي يضحكون عليها وانا كاسره خاطري وكانوا يبون يصورونها بس انا حلفت عليهم احسه اختراق خصوصيه بس شكلها نكته وهي تمشي ومضيعه ومحلقه الشعر عالزيرو بس تادبت وصارت تمشط شعرها