مشاكل في أصلاتي

[TNT]

السلام عليكم ورحمه الله اخواني أعضاء منتدى الزواحف

عندي وحده من الأصلات البورميه ألبينو تعاني من التهاب في الصدر و صوت خشخشه أثناء التنفس

السؤال : وين ممكن القا مضاد للالتهابات خاص بالثعابين انا قريت في أحد المواقع الاجنبية المتخصصه بالثعابين والاصلات ان من الممكن انها تكون قطعه من الجلد أثناء الانسلاخ عالقه في الانف وتسبب هالصوت لكن لما قربت من الاصله سمعت الصوت صادر من الصدر وكل يوم عن يوم يزيد مع العلم ان مستوى الرطوبه والحراره يتم مراقبتها بشكل يومي ونظافه الحوض أيضا ً

السؤال الثاني عندي أصله ثانيه فيها قراد من يوم ما شريتها جايبته معاها وجربت كل الطرق -زيت زيتون - فازلين - و اسبحها كل يوم فاللي يعرف أيضا دواء متخصص بالقراد للحيوانات والثعابين بشكل خاص موجود في الرياض يا ليت يفيدني .


أو الي يعرف دكتور ممتاز في الزواحف يقول لي لأن كل الدكاتره الي أقابلهم حدهم تطعيم قطاوه

[ثعبان]

مرحبا فيك اخوي

بالنسبة للمرض هذا الله يعينك لانه صعب في العلاج

وانا صار معي اكثر من مره والسبب ان الاصله اخذت برد

لكن في احد المرات قدرت اعالج وحده من الأصلات اللي عندي

الطريقة انه في العادة يصاحب الألتهاب تراكم لنوع من الافرازات تتجمع في داخل الفم وهي تشبة

في شكلها قطع الزبد لكن بكثافة اكبر

حاول انك تشوف اذا هي مجوده او لا عن طريق فتح الفم واذا لقيتها حاول انك تزيلها عن طريق

اعواد تنظيف الاذان القطنية هذي المرحلة الأولى

المرحلة الثانية

اترك الثعبان في مكان جاف ودافي بعيد عن الرطوبة واعزله لحاله واتركه في وضع هدوء ومن غير ازعاج

استمر على الطريقة هذي وان شاءالله راح تتخلص من المشكله في خلال اسبوع بأذن الله

اما عن موضوع القراد

في نوعين القراد وهو يعيش على الجلد الخارجي للثعبان

والنوع الثاني اللي هو السوس ويكون صغير جدآ في الحجم ويتحرك كثير ولما تشيل الأصله

يختفي تحت الحراشف

حددلي اي نوع وان شاءالله علاجها جدآ بسيط

وانتظر ردك اخوي

وماتقلق انا لي خبره 16 سنه مع الثعابين والامور ان شاءالله راح تكون بسيطة

وبالتوفيق ان شاءالله

[TNT]

الله يعطيك العافيه يا ثعبان ما قصرت كفيت ووفيت

القراد الي عندي الي تحت الحراشف (الغثيث) يجي صغير مره ما تشوفه الا بمجهر

[ثعبان]

مرحبا فيك اخوي واعتذر على التأخير

النوع هذا مزعج لانه غير انه يتغذا على دم اصله يسببلها حكة تحت الحراشف ويأذيها

العلاج سهل ولا بياخذ منك يومين بالكثيران شاءالله

المطلوب حوض فيه موية دافيه الموية تغطي ربع الحوض بحيث انك لو حطيت الأصله تكون

كلها مغموره بالمويه

النقطه الثانية اترك الحوض في مكان دافي ولا فيه مكيف واترك الأصله يوم كامل في الحوض

عيب السوس هذا انه لازم يتنفس عشان كذا يابيموت غرق او بيحاول يطلع على جدران الحوض

وفي مجموعه منه بتتجمع على رأس الأصله وكل ماتأذت الأصله منهم بتاخذ نفس وتغطس راسها

المهم بعد مرور يوم طلع الأصله من الموية وخذ معاك قطن وامسح على عيون الأصله لان في بعض

السوس بيدخل جوا العين امسح العين حتى تتأكد انه خلاص مافي شي وكذلك امسح

في الجهه السفليه للفم

طبعآ بيكون فيه سوس ميت تحت الحراشف ممكن انك تشيله او اتركه ولما تغير الأصله جلدها بيروح

النقطة الثانيه احضر غطاء وساده ابيض وضع الأصله بالداخل واربط الغطاء جيدآ حتى ماتطلع الاصله

بعد كم ساعاه افتح الغطاء واخرج الأصله وشوف داخل الغطاء اذا فيه سوس او لا

بعد كذا ممكن انك تخرج السوس الميت من تحت الحراشف

واترك الأصله معزوله كم يوم وتابعها لو في سوس ارجع سو العمليه هذي مره ثانية

الطريقه هذي جربتها عشرات المرات في ثعابيني

وثعابين المربين اللي اعرفهم وقضيت على السوس في يوم واحد

اتمنى اخوي انك استفت وننتظر النتايج منك

وبالتوفيق ان شاءالله

[TNT]

كلامك صحيح أنا قد سويتها من زمان بس ما اسمريت عليها فتره طويله لان الثعبان البينو ومزاجي وما يحب المويه أو لانهم يقرصونه اذا دخل المويه يبونه يطلع بس شكلي بحط شبك فوق الحوض حق المويه عشان ما يطلع وبخليه يومين .


الله يعطيك العافيه يا ثعبان وما قصرت معي أبد ومن ردودك واسلوبك باين انك فعلا خبير في الثعابين ولا غبار على كلامك وانشالله تحصل لي فرصه واخدمك زي ما خدمتني في هذي المشكله

[الخيّال]

لا تترك الثعبان اكثر من يوم في الماء لانة لازم يحتاج يرتاح وينام فقط كرر العملية مع ترك اوقات للنوم والراحة

[ثعبان]

حياك الله اخوي TNT

ماسويت شي وكلنا نستفيد من بعض وان شاءالله تتيسر الأمور ويرتاح الثعبان

اخوي الخيال الاصلات ماعندها مشكله مع الموية وخصوصآ

الأصله الشبكية والهندية والبورمية واصلة الصخور الهندية

عندها قدره انها تضل في الماء لمدة اسبوع كامل من غير مايصيبها شي بأذن الله

وفي حالات سجلة لأصلة الصخور الأفريقية انها ضلت في الماء اسبوع كامل وهي تنصب كمين

للحيوانات

واصلة الصخور الأفريقية تعتبر من نفس نوع الأصلة البورمية ويتشابهون في الأسم العلمي

وبالتوفيق للجميع ان شاءالله

[TNT]

لا تترك الثعبان اكثر من يوم في الماء لانة لازم يحتاج يرتاح وينام فقط كرر العملية مع ترك اوقات للنوم والراحة
05-05-2010 05:41 PM

الخيال يعطيك الف عافيه على النصيحه بس الاصلات البورميه تتواجد أصلا في المستنقعات والانهار

وعندي أصله بورميه عاديه مدمنه مويه أول ما اغير حوض المويه تجي وتتربع فيه وتقعد أحيانا

بالايام خاصه فتره تغيير الجلد لكب بلاك في الالبينو وما أدراك ما الالبينو نفسيه على كيف

كيفك تمسكه وتسبحه بالغصب ولا تلقاه ناشف كنه خشبه ما يتسبح ولا يتنظف ودك تخنقه من رفعه الضغط


استئناف موضوع المشاكل


بالنسبه لموضوع الحشرات بعد ما نصحني ثعبان بالمويه الحمد لله خفت وشوي شوي بتروح

لكن بالنسبه للابينو الي فيه صفير بالتنفس

مسكت الاصله وفتحت فمه وما لقيت أي شي كان نظيف تماما ..... تركته كم يوم بعدين لقيته

خف الصوت فيه رجع طبيعي بس صار ينام بطريقه غريبه

وصار كسول وصرت اذا شلته اشوفه يسوي حركات بحلقه من تحت ينتفخ شوي بعدين يرجع ينسم

و برضو صار ما ياكل


أنا بصبر عليه شوي وبشوف لانه احتمال يصير تغيير جلد واحيانا هذي حركاته اذا صار بيغير جلده

يصير عصبي ويسوي حركات غريبه



واشكرك يا ثعبان مره أخرى على المساعده واتمنى انك تفيدنا بخبراتك