قطوي مادري شفيه بليز مسااعده

[مِسك الكويت]

السلام عليكم ...

اولا هذا قطي .. عمره شهرين ماتطعم للحين ..





الحين بهالحظه مجنني بس ينط على الماوس وشمخ ايدي وبس اهد الماوس يهجم علييهاا ههههه
ومرات يعاطس ككك وانا شريته من وحده من 4-4-2010
المهم

اكتشفت فيه شي .. تحت اذنه في مكان طايح منه الشعر وو فيه زي القشره
وهذي الصوره

[مِسك الكويت]

شدعووووه يااانااس احد يرد عليينا

[همستراوي جديد]

عزيزي هذي فطريات

والله أعلم

علاجها بسيط كريم أو بخاخ أو شامبو حسب الحالة

لا تخاف مجرد ما تعالج الفطريات يرد يطلع الشعر

حاول تتجنب تلمسها بدون قفازات عشان لا تعديك

علاجها يأخذ 5 ألى 10 أيام

مهم جدآآ بعد ما تعالج الفطريات تعرض القطو لشمس بعد العصر عشات تموت الفطريات لو باقي فطريات ماهي ظاهرة

وبالمرة يأخذ أو تطعيمه له لمن تروح للدكتور

يعني عصفورين بحجر يتعالج من الفطريات ويأخذ أول تعطيمه

تحياتي

[مِسك الكويت]

شكرا اخووي والله ماقصرت ان شاء الله بسوي اللي قلت عليه

[مِسك الكويت]

بس المشكله اني لمستتهااا لما صورته بالغلط

[همستراوي جديد]

أخوي

مو مشكلة (( لا يصيبنا الا ما كتب الله لنا )) أنت أغسل أيدك زين بصابون ديتول

وطهر كل شي بالغرفة مكان نوم القط والليتر بوكس وصحن الاكل بماي حار وديتول

يا حليله صغير أكيد جات له الفطريات عدواء من قط ثاني ولا تخليه يحك كثير عشان لا تنتقل لمكان ثاني بجسمه

ومهم جدآآ تخليه يتعرض لشمس العصر مهم جدآ لعضامه ولمناعته ولجلده حتى لو ساعه

تحياتي

[مِسك الكويت]

ان شاء الله يارب ..

ومشكوور خيي وماقصرت ..

بس الله لايقووله اذا انتقلت العدوى لي .. شنو اعراضها واثارها؟؟

[sisi_moon]

هلا أختــي

بالضبط زي مـاقالك أخـونا همستراوي

هذي فطــريات وهي معـديه

فـ لازم تاخذين احتياطاتك معه

والأفضل انج تعزلينه بمكــان , يفضـل ان هالمكـان مايكون مفـروش لان السجاد والموكيت يحتفظون بالفطريااات

لما تلمسينه يكون عليك قفـاز واذا لمستيه بدون بس تخلصين على طوووووول عقمي يدينك

وآثـارها عليك لو تعاديتي بعيـد الشر راح تطـلع لك حبه دائـــريه تكون محدده وسطحهـا رطب بس لاتخافين ان شاءالله ماتعاديتي

والبيت كله يفضل انه يتعقم بكلوركس مخفف

اما العـلاجــات ,

كثيره كثيـره علاجاتها

بس راح أذكر لك منها الأشياء الطيبه والمجربه

شـامبو فـافو مرتين بالأسبـوع ( تخلينه خمس دقاييق وتدلكين المكـان المصاب تمااام وعقب تغسلينه )

بخاخ لاميزييل , مره أو مرتين باليـوم , تدلكين المكان المصـاب تمام بالبخاخ

المطهر بيتادين أو أيودين كثير من الأعضاء يثـنون عليه وقت الفطـريات وبراحتك في إستخدامه , فيك تخلينه قبل البخاخ وفيك تخلينه مره البخاخ مره هـو

المراهم كثيـره وجربت واحد زمان ناسيه أسمه بس عالعموم مالك فيـه ماحسيت له تـأثير

وخل التفـاح ممتــــاز جدا جدا وقت الفطـريات ,, البيطـري نصحني فيه كثيــــــــرر , ونفس الشي حطيه عالمكـان المصـاب مرتييــن ودلكيه

وفيـه حبوب اسمها جريزوفولفين , اسألي البيطري عنها وان شاءالله يوفرها لك ممتـازه جدا جدا جدا

طبعا مع هالعلاجات راح تلاحظين انها اختفت من أسبوع أو اسبوعين , بس انتي ماعليك استمري عالعلاجات 20 يـــووم أو شهـر , لان هي شكليا بس تختفي لكنها موجوده , فـ استمري عالمده هذي بالعلاجات ومن بعدها بتختفــــي تمامــــــــــاا

وبالـتــوفيـق يــارب

وماشاءالله قطوك جممميل وقمه البراءه

[محب الحياة البرية]

انا كان عندي وبر وانعديت منه هذا المرض واستلزم علاجي 5 شهور