كيف يلاحقك الهامستر !!

[مستر هستر]

السلام عليكم ورحمة الله وبركاته ,,

اولاً الهامستر حيوان أليف جداً .. يميزه لطوفته

تصحيح : الهامستر الصيني لا يعض ابداً ... (اسئل مجرب)

انا امتلك هامستر يحبني واحبه .. امضي وقتي كله معه .. وألعابها وامشط شعره ووو ... إلخ

إلى انا وصلت إلى مرحلة ((الحب الشديد)) ..

معلومه عني : انا لا امتلك قفص .. بل كرتون وفي داخله لعبه واحده وهي العجله .

اسم هامستري (هستر)

إذا ذهبت عنه يبدأ بالصراخ ... وفي بعض الاحيان يخرج من البيت (الكرتون) ويأتي وينوم على رأسي !!


كيف تجعل الهامستر يلاحقك ؟؟
افعل لها مثل ما فعلت بالتمام ,,,


مهم : لا تأكله إلا بيدك ولعبه بيدك ووو كل شيء بيدك .


وشكراً ...

[توازن]

والله ما ادري وش اقول لكن الله واعلم


الهامستر اللي عند له ذيل؟؟؟؟

كم صوله تقريبا

مثل هالصور(لاحظ الذيل طويل)



وترا الفرق بسيط لاحظ صورة الروسي اللي هو عندك






وشكرا عالكلام المفيد وانا اتمنى ان هامستراتي يصيرون يحبوني زيك هامستك

[توازن]

الهامستر الصيني لا يعض ابداً ... (اسئل مجرب)

للاسف كلامك غير صحيح لا اظن انه فيه حيوان بالعالم لا يعض الا الحيوان اللي عنده قوة اقوى من العض

مثل الفيل والغزال وغيره من الحيوانات العاشبه...

وهمسترك ما يعض مو لنوعه بل من نفسه هو ولا فيه هامستر يعض وتلقى اخوه ما يعض...

انا عندي عتريس من اول يوم كان في منتهى الالفة بس غسق لا..


وشكرا

[رعوود]

نفس كلام توازن



رشيد ما يعض



شيخه تعض

[مستر هستر]

شكراً لكم على المرور ..

انا الهامستر حقي صيني مثل ما يقول العامل ..

بس مايعض ابداً ..

[Luis]

انت قلت كيف تجعل الهامستر يلاحقك ؟؟
افعل لها مثل ما فعلت بالتمام ,,,

احنا مافهمنا الا العبه وامشطه واوكله وووو إلخ..

ممكن توضح أكثر لو سمحت..

يعني كيف تلاعبه وكيف تمسكه يعني تفصيل بسيط بس...

ودمت بود...

[توازن]

يا مستر قسما عظما ان هامسترك مو صيني

عساني اموت مشنوقة وايديني مقطعة وعيوني مفضخه ومصاريني مدودلة ان هامسترك مو صيني ...

افهم بليز شوف الصور اللي انا حطيتها بالرد وتعرف ..صيني ولا روسي

[misca]

ياخوي هامستررررررررك مو صيني هامسترك روسي

ويا توازن تراك تروعين اذا عصبتي << بتتسطر

[Luis]

هههههههههه

اشوي اشوي اختي توازن ترى ماتسوى هالسالفه تسوين بروحج جذي..!!؟

خلاص هو مصرّ على ان العامل قاله صيني...خليه برايه...صيني صيني...

انا اقوله...أخوي مستر هستر...

كثير من المحلات يعطون اي اسم او اي نوع حق المشتري عشان يروجون البضاعه...

وفيه ناس يروحون محلات ويعرفون الأنواع اللي بيشترونها ومع ذلك يسئلون العمال...

تدري ليش...؟؟

عشان يبينون جذبتهم وان العامل يعطيك اي معلومه خاطئه عشان يمشي اللي عنده...

بس مو كل الناس جذي...في عمال انا اعرفهم ماشاء الله يعفون انواع السمك والهمسترات

والقطط وحتى الطيور....واذا كنت انا عارف شنو بشتري اختبر العامل..واشوف اذا بيقولي اسمه

الصحيح ولالا...وفعلاً يطلع يعرف اسمه ونوعه...بس مايعطي معلومات كثيرة اذا ماسئلت عنه...

لذلك...فيمكن العامل مو قصده انه يجذب عليك يمكن...او يمكن انه سمع معلومة غلط...او اشتبه

عليه الأنواع والمسميات...وعطاك اسمه غلط...

فأنت لو تفيدنا اكثر وتحط صورة لهمسترك...نقدر نقولك اذا صيني ولا روسي...

وتروح انت وتصحح المعلومة للعامل اذا بدك...

وتخف اشوي على توازن لأنه شعرها الحين صار واقف من العصبيه اللي فيها...

ومن كثر ماتقول روووووووووووووووووووووسي مو صييييييييييييييييني....

وتحياتي لك..

[توازن]

هو روسي والله روسي

وهو شاف صور غسق وعتريس وقالي زي هامستر

والله انه روسي