تجارب منوعه مع الافريقي

[@ابو مشاري@]

بسم الله الرحمن الرحيم

صباح \ مساء الخيرات على الجميع

انا قليل اكتب مواضيع في هالمنتدى الكبير

لكن ما انكر فضله وجهوده في تنمية مهارات الهواة والمبتدئين

فلكل القائمين عليه كل الشكر والتقدير

اشتريت افريقي قبل تقريبا شهر كان يجعر ع خفيف وما يتكلم ولا يطلع ع اليد ويعض

خذيت واستفدت من المواضيع المثبته وغيرها الكثير واللحين الوضع في تحسن كبير والحمد لله

لكن فيه شغلات لاحظتها على طيري

اولآ :

اذا حطيته جنب المرايه ...

تضيع علومه ويصيير مررررررره هــادي ولا يتحرك ولو ابي اسوي له اللي ابي ما يقول لا

تحليلي لها الموضوع

انه بما انه اللي في المرايه ما عنده مشكله فانا بعد ما عندي مشكله
اجل سو اللي تبي معاي انا كمان ( وكلاهم واحد )

فهل تحليلي صحيح ؟!؟

الشي الثاني واللي كسر خاطري بجد

لما كنت جالس اقلب باليوتيوب ولقيت هالمقطع

http://www.youtube.com/watch?v=cL1d9...eature=related

وقتها ابو الشباب كان متكي في القفص وجاثم على الاستاند

و يوم سمع الاصوات اللي بالمقطع جاه هبآل و نشاط غير طبيعي ( الظاهر انه الحنين للديار و الوطن )
وصار يجعر مثلهم ويصفر ويدور في القفص

بصراحة رحمته وحسيت اني قلبت المواجع عنده وذكرته بدياره
بس اعطته جرعه نشاط غيييير طبيعية

والمعذره اذا طولت عليكم لكن بقي شغله اخيره

اليوم وانا العبه وادور به في البيت >> توه يعلمه يطلع على ايدهـ

وطبعا كالعادة اروح عند اقرب مرايه عشان امون عليه زي ماقلت اول ( تضيع علومه )
المهم وديته على التسريحه بغرفة النوم وهو يلعب طب في الفواحه حقت العطر
- ماكانت مولعه - بس مشى عليها ورجوله الاثنين غطست في العطر

نشفته على طول وزياده غسيل بالمويه
بس مدري هل العطر يضرره او شي ؟

وســـلآمتكم

[بوسارة]

ماشاءالله طير جميل ومطيع من خلال ماسمعت حديثك عنه

وبالنسبه للعطر فأن شاءالله مامن ضرر

تحياتي لك