ساعدوني بسرعه :( الكاسكو تعبان

[cats.for.sale]

السلام عليكم


عندي كاسكو صغير عمره بحدود 7 شهور

كنت ادربه وماشي معاي تمام

وبديت ادربه يوقف على العصا ووقف مشاء الله ماعنده مشكله
بس مدري وش صار نط من فوق العصا وطاح وظربت رقبته في حافه الطاوله

صار يتنفس وهو يفتح فمه
كل نفس ياخذه يفتح فمه وزي الي يشهق
وديته البيطري يقولي جته كدمه في صدره
وهو مو راضي ياكل ولا يشرب وعطاني الدكتور مضاد على شكل بودره صفرا احطها في المويه ومع الاكل

واعطيه في ابره عن طريق فمه 3 مرات باليوم

بس هو رافض الاكل تماما له يومين مااكل
علموني وش اسوي

وهل اغره بالغصب اكل
ولا وش الحل


اخاف يموت

انتظركم تكفون علموني وش اسوي

[مروض الرمادي]

والله مادري والاخوان يفيدونك

[cats.for.sale]

اي احد عنده خبره !!!!

[الكاكي]

المحلول الاصفر جيد لانه يحتوي على نوعين من المضاد الحيوي وفتامينات
لكن التايلان من افضل المضادات الحيويه واقوها تأكد ان الصناعه سويسرية
الكميه اذا الحاله متأخره تحت الجلد بالابره عند البيطري واذا الحاله متوسطه نص ملي بمعلف الماء

[cats.for.sale]

عو عطاني دوكسين بودره

مو كويس؟


واهل اغره اكل بالغصب؟

[ProOoF]

المشاركة الأصلية كتبت بواسطة cats.for.sale

السلام عليكم
بس مدري وش صار نط من فوق العصا وطاح وظربت رقبته في حافه الطاوله
صار يتنفس وهو يفتح فمه
كل نفس ياخذه يفتح فمه وزي الي يشهق
وديته البيطري يقولي جته كدمه في صدره
وهو مو راضي ياكل ولا يشرب وعطاني الدكتور مضاد على شكل بودره صفرا احطها في المويه ومع الاكل
واعطيه في ابره عن طريق فمه 3 مرات باليوم
بس هو رافض الاكل تماما له يومين مااكل
علموني وش اسوي
انتظركم تكفون علموني وش اسوي

يا أخوان الرجال ماقال مرض , إصتدام رقبه الطير بطاوله

يا أخوي لاتايلان بيفيدك ولا البودره الي وصفها لك البيطري لأنها والله أعلم إذا ماكنت ناسي وهي الي ببالي أنها عباره عن مقويات وفيتامينات دعامه للطير , وهي حل ثانوي تساعد الطير يعني بالمختصر مثل المغذي ,

بهالحاله ماينفع إلا انك تودي الطير مستشفى والأفضل العيادات المتخصصه للصقور , وإذا ماعندك ممكن تتواصل معهم عن طريق التلفون وتستفسر

ممكن يكون فيه كسور لاقدر الله , وإن شاء الله تكون كدمه مثل ماذكر البيطري ,
أنصحك بالإبتعاد عن تجارب الأدويه والفتاوي خصوصا ً بمثل هالحالات

من قال لا أعلم فقد افتى

00000000000

والله يشفيه من عنده ,

[mr . bahman]

السلام عليكم
يا أخوي في هذي الحالة لازم الطير ياكل أي مخلوق حي لازم ياكل
وتقدر انك تأكله تفاح أو فواكه مهروسة عن طريق الابرة
و بالنسبة للمضاد الحيوي استمر عليه في طول الفترة اللي حددها لك البيطري
لانه الرضوض ممكن تتحول لالتهابات ولازم نعالجها بالمضاد الحيوي
وعلى فكرة
لازم تعطيه فيتامينات عشان ينشط ويسترد عافيته
أظن انه في فيتامينات على شكل كبسولات أو إذا ما حصلت أعطيه Elecamin نقطتين في الفم في غير وقت المضاد الحيوي تقريبا بساعتين
ومرة ثانية لازم الطير ياكل

[الكاكي]

المشاركة الأصلية كتبت بواسطة ProOoF

يا أخوان الرجال ماقال مرض , إصتدام رقبه الطير بطاوله

يا أخوي لاتايلان بيفيدك ولا البودره الي وصفها لك البيطري لأنها والله أعلم إذا ماكنت ناسي وهي الي ببالي أنها عباره عن مقويات وفيتامينات دعامه للطير , وهي حل ثانوي تساعد الطير يعني بالمختصر مثل المغذي ,

بهالحاله ماينفع إلا انك تودي الطير مستشفى والأفضل العيادات المتخصصه للصقور , وإذا ماعندك ممكن تتواصل معهم عن طريق التلفون وتستفسر

ممكن يكون فيه كسور لاقدر الله , وإن شاء الله تكون كدمه مثل ماذكر البيطري ,
أنصحك بالإبتعاد عن تجارب الأدويه والفتاوي خصوصا ً بمثل هالحالات

من قال لا أعلم فقد افتى

00000000000

والله يشفيه من عنده ,

اسلوبك ذوق جدا
الكدمه تعتبر التهاب واستفتيت احد الزملاء صارت عنده نفس الحاله (لإفادة زميلنا)
وقالي عالجته بالراحه التامه ومضاد حيوي يخفف الالتهاب والتايلان مضاد متخصص للجهاز التنفسي

[cats.for.sale]

مات

يوم جا يطيح شلته وطاح حيله بيدي وفتح فمه لقيت يطلع منه دم


الله يرحمه يارب والله انقطع قلبي عليه

مشكورين ياخوان لاجتهادكم والظاهر ان البيطري كان عارف انه بيموت وسلكلي ماقالي انه خلاص مافي اي امل وعطاني البورده والاعمار بيد الله يمكن يتحسن


بس الحمد الله ع كل حال

وجزاكم الله خير