المشاكل التي واجهتها كمبتدا وان شاء الله ما تكرر

[MR.Fahd]

بسم الله الرحمن الرحيم


السلام عليكم


حاب الليوم اطرح عليكم المشاكل التي واجهتها كمبتدا وان شاء الله ما تكرر بالنسبة للارانب


طبعا عدد النتاج المفروض يكونوا 8 بس ماتو 3 وصارو 5

نبدا بالاول والثاني اللي ماتو تعرفون فتحات البلوك دخلو 2 جوتها وانا ما شفتهم وبنيت بالبلوك وانتهى وبعدها لاحظت كثرة النمل عند هذا البلوك وتاكدت انهم دخلو جوا وماتو واكلهم النمل


والثالث امه اهملتة والمفروض اني ارضعة اجباري وما رضعتة ومات

وكمان كان في واحد منهم التلف على رقبتة خيوط من القامش طبعا الام ولدت على القماش

والمهم شفتة وما شفت الخيوط المهم بعد ساعة ونصف رجعت لقيته على نفس وضعة ما تحرك لا يمين ولا يسار ورحت لفيتة لقيت رقبتة ملفوف عليها خيوط قماش يا ليتة طلع خيط لعت 3 خيوط مربطة طبعا كيف تربطت ما ادري وفكيتها وجبت المقص وحوسة ما بعدها حوسة والحمد لله عاش وتمت العملية بنجاح


وبعدين الخمسة ذول لما كبروا شوي دخل واحد فيهم بالبلوك ومو قادر يطلع المهم عديتهم طلعو 4 ورحت ادور للخامس يمين ويسار هنا وهنا وما لقيتة قلت بس جوة فتحات البلوك وفعلا طلع جوت فتحات البلوك المهم ورحت احاول اطلعة ودفيتة بعصا وما نفع معاة وبعدها جلس احرك البلك والا الصغير يصيح صياح والله تقطع قلبي وبكبري ما قدرت استحمل وبكيت الصوت كان مؤلم جدا كانه يستنجد بامه المهم قلت مافي حل الا اننا نكسر هذا البلوك ونطلع الصغير المهم وكسرنا البلوك من كل محل وبقي المربع اللي فية الصغير كسرنا من قدام ومن ورا وباقي الجزء اللي هو فية

وما ادري ايش اسوي اذا كسرناه وهو فوقة بينطق ويموت وجبت استغفر الله انا واخواني وفجاة حاول يطلع وطلع ويوم طلع جليت اضحك علية وانا ابكي كان شكلة يضحك كان طالع ويعونة كبار والفرو حقة حالتة حالى منفش وشكلة يضحك وانتهينا


الاشياء التي تعلمتها من خلال الولادة الاولى

1 ـ سد فتحات البلوك الموجود بالاسمنت

2ـ عدم وضع قماش للولادة الانثى به

3ـ الخلفة التي لاترضع من امها ترضع اجباري


والسلام مسك الختام

[marshmallow]

يعطيـكـ العآفيـه ع التعليــمآت ..

أكيـــد رآح يستفيــد منهـ مربيــي الأرآنــب المبتدئيـن ..

ومشــكور على مشآركــة معلومـآتك مع الأعضآء ..

[احلى ارنوبه]

جد معلومات مررره حلوه ومفيده بقوه
انا ناويه ابداء مشروع بس استنى الام تيجي
تسلم يدينك اخوي

[MR.MAJED]

شكراً على المعلومات , يا مستر فهد ..

لكن شلون ارضع اجباري ؟

[MR.Fahd]

شكرا لكم

وبالنسبة للترضيع الخلفة اجباري

في طريقتين


الاولى انك تخلي الصغير مع الام بمكان تقريبا نص متر بنص متر امكن الطريقة هذة تنفع وفي بعصهم ما تنفع معاهم

والطريقة الثانية اذا ما نفعت الاولى

تمسك الام وتطيحها على الارض وتخلي الصغير يرضع براحتة لما يخلص

[محبه الحيوانات]

يعطيك العاافيه

[The Animals Lover]

يععععططططيك العافية ع التعليمات المفيدة

[صديق الحيوانات وبس]

مشكور يالغلا ماقصرت والله وانا من عشاق الارانب