اشترك في نشرتنا البريدية ليصلك كل جديد

بنت دبي · 28-08-2006, 03:12 PM

الحين انا بشرحلكم عن البطاقة الخضراء وهي بداية قفز الحواجز اول شي لازم يلبس الفاري جاكيت البادي قارد وكل مستلزمات الفروسية ويركب حصانة بعدين يسخن الفارس اشوي يعني يمشي الخيل ربع ساعة بعدين يطلع اتروت بعدين يطلع كانتر واخر شي يوقف ولازم يكون في المكان شخص ثاني علشان يعدل الحواجز .... وبعد مايوقف الفارس وياخذ استراحة يبدا الشخص الثاني يحط الجولجز والحواجز لازم ماتكون مرتفعة وايد لازم اتكون على شكل اكس وملامسة الارض وبعد الحاجز بنص متر لازم يكون هناك عامود طايح على الارض علشان يقدر الخيل يقفز والحين بيبدا الفارس بالركض وهو يركض في الخيل لازم يكون الرين قصير هذا اهم شي ولازم يكون الفارس شاد الرين على ورا واهم شي في قفز الحواجز انا الفارس لازم يخلي الخيل يشوف الحاجز ويدخل للحاجز دخلة عدلة وصحيحة والفارس يظرب الخيل ويطلع اتروت لان المسافة بين العامود والحاجز نصف متر اذا كانت متر يطلع الفارس كانتر ..... خل الخيل يركض ويشوف الحاجز وانت لازم اتقصر الحبل واتشدة بس مب وايد ويوم بتوصل عند العامود عط الخيل الحبل يعني رخله الحبل وطلع وياه جامبينج سيت ( جلسة القفز ) وانا شرحت قبل كيف اتكون هاي الجلسة لازم يكون الفارس ويه جريب من ويه الخيل ورافع جسمه وشاد بريله على السرج وبعدين الخيل بيقفز والفارس وياه وذا بغيت تتعلم على حواجز اعلى لازم تتدرب على هالحاجز اول بعدين على الحواجز العالية وتكرر نفس الشي كمن مرة لين ماتحس عمرك اوكي ابدا في حاجز ثاني وهالحاجز اقصد وهالحواجز بتكون على شكل اكسات ورا بعض والمسافة الي بتكون مابينهم متر واحد بس وبتكون اكسات مب املامسة الارض ويطبق الفارس التدريب وهو الاستعداد للقفز ويوم بيوصل عند العامود يرخي الرين اشوي ويطلع jumping set ويالحصان وبين كل حاجز وحاجز في خطوة وهاي الخطوة لازم الفارس يرجع ييلس مرة ثانية على السرج ويطلع jumping set ابسرعة ويالخيل هذا الشي يطبق اذا كانت الحواجز ورى بعض ويوم بيقفز الفارس لازم مايطالع ورى ولى تحت ولى يمين ولى يسار بس جدام اذا طبق الفارس هالاشياء يقدر بعدين يقفز على الحواجز العالية لان هاي الاشياء اساسيات قفز الحواجز

قانون قفز الحواجز: اذا كان شي في الحاجز الاول حوالي اربع عواميد وطاح اولهم تنحسب غلطة اما اذا طاحوا الي تحت وثبت الاول ماتنحسب غلطة

وشكرا................

بوفهد · 28-08-2006, 04:33 PM

ابدعتِ يا بنت دبي في طرح هذا الموضوع الجميل

واللي فعلا احسست اني فوق صهوة حصان في مضمار للقفز

اتمنى انك ماتحرمينا من مواضيعك الشيقه والمفيده فأنا من متابعيها بشغف

بالتوفيق