بعض من الاستفسارات؟ ارجو الرد وشكرا..

[المثولث]

بسم الله الرحمن الرحيم

انا عندي كلب جيرمني شبرد وعمره 5 شهور وعندي بعض من الاسئله مع العلم انه يسمع الكلام
ويطيعني

اولا:ماهو افضل تدريب له في هذا العمر؟


ثانيا:هل هناك فيتامينات جيده لصحته تنصحوني بها؟


ثالثا:لقد دربته على بعض التدريبات لكنه بعض الاحيان لايجيب بتاتا واحس ان مزاجه متعكر؟


رابعا:اذا الكلب اخطى فما العمل برايكم؟


خامسا:لمن كان في السعوديه ماهو افضل محل التدريب الكلاب ولوازمها؟



ولكم مني جزيل الشكر.......................


المثولث

[بوعزوز]

الاجوبه اخوي على اسألتك وايد سهله
اول سؤال :-
لازم اخوي اول شي اتحط ابالك شنو تبي اطلعه كلب عايله او للعرض او للحراسه فكل شي يختلف وفي هذا العمر يفضل فقط اللعب مع الكلب واعطه بعض الاوامر الخفيفه عن طريق قطع الاكل او لعبته المفضله .
ثاني سؤال:-
اخوي في فيتامينات كثيره او ماتخلص لازم اتروح او تستشير الطبيب لانه ممكن انه ما يحتاج نوع من الفيتامينات وانت تعطيه ياه مثل فيتامين فاتح الشهيه ممكن جلبك زين بالكل فهاذا ايأثر على جهازه العظمي او مثل واحد من الربع اعرفه عدل يعطي جلبه كميه كبره من الكلسيوم او شوفه الحين صعبه حركته من كثر الكالسيوم سواله تماسك قوي بين العضم فلازم اتعرف شنو جلبك يبي او طبعا اهو بهالعمر يحتاج كالسيوم بس بكميه معتدله و تره طعام الكلب كله فيتامينات ولازم اتراجع الطبيب البيطري احسن بواااااايد صدكني.
ثالث سؤال :-
الكلب يمر في مراحل عده يشعر بالملل حاله مثل حال الانسان بالضبط لا غير ولكنه لايقدر على الكلام فيجب عليك ان تتركه لوحده مده من الوقت او تجلس بجانبه تمشطه حسسه بالراحه والطوئنينه او رح اتشوف الكلب بالفضل حال انشالله.
رابع سؤال:-
عمر الكلب لايصلح للتصحيح عن طريق الصراخ او الضرب او الطوق فانه puppy لحد الان يجب ان تبني له ثقه بنفسه قويه لكي لايخاف ويستكشف الامور بلا تردد او خوف.
خامس سؤال:-
اسف اخوي ولامره رحت السعوديه ولا اعرف شي عن الاماكن اعذرني.

وشكراا

[abbaswcw]

مششششكور اخوي على هذا الرد المرتب اخوي ابو عزوز انا استفدت منها اكتر هههههههههههههههههههههه

[أحمد عبد الله بوحيمد]

أخي العزيز : كلاب الجيرمن شبرد لا يسهل تدريبها بسهولة وسرعة وبعض الكلاب يأخذ لها من سنة إلى سنة والنصف على أن يكون التدريب للغرض فقط أما للحراسة أو للسيرك أو لرعاية ضعاف البصر أو غيرها ولكل كلب تدريب خاص ليتفهم ما يؤمر عليه من قبل صاحبه وحيث ذكرت أن كلبك عمره 5 شهور وهو جيد في هذا العمر للتدريب ولكن افضل أن لا تطعهمه كثيراً قبل التدريب بـ 4 ساعات أو 6 ساعات وكل ما تقوم بأمر عليه وهو فعله تعطيه قطعة صغيرة من افضل وجبة له كذلك عدم ضربة أو الخناق عليه في كل شيء لأن بعض الكلاب بحاجة للمحبة من قبل صاحبهم وتلاحظ إذا جلست بصمت يتقرب منك الكلب وينظر إليك بنظرات تعارف ومحبة فما عليك هو الصبر عليه في كل خطيئة يسببها كلبك وكل شيء تحتاجه لكلبك لا بد ومن أخذ وقت كبير ولكن عليك أن تعيد وتصيغ بعض الكلمات بصفة مستمرة حيث ان الكلب لديه حاسة بسمع ما يؤمر عليه به وتفهم وسيكون هو خادمك في كل شيء بنجاحه والله يوفقك 00
اخوك / بو عبد الله

[nevada]

ماشاء الله ردود الشباب أكثر من رائعة...
يعطيكم العافية بوعزوز و بوعبدالله
الصراحة الواحد مايقدر يضيف شي
بس أقولك بالنسبة للفيتامينات راجع موضوع تغذية بالممنوع المكتوب بواسطة حبيبي لحن الخلود
وراح تحصل كل المعلومات التي تحتاجها للتغذية من ناحية الفيتامينات و البروتينات...

[مـطـ الشمس ـلع]

أما أنا يا أخي الكريم رح أجاوبك على آخر سؤال

أفضل مكاااان في السعودية ( جدة ) لتدريب الكلااااااب و بيع لوازمها

هو فيفا في شارع التحلية ... و في كمان محل ممتاز جدا ً لبيع

لوازم الكلاب اللي هو واحة الحيوان في البوادي لاصق بـ البيك

و في مدربين يجو عندك في البيت يدربو الكلب .... و أنا أعرف

مدرب ممتاااااز جدا ً إذا تبغ رقمه قللي ....... .. ..

[بوعزوز]

العفو اخواني او هذا واجبي.
وشكراا

[المثولث]

ياشباب يعطيكم العافيه على الردود الجميله

وتراني ماسجلت في المنتدى هذا الا عشاني ابي ازعجكم في لاسئله ههههههههه

ويسلمك ربي بوعزوز واحمد و abbaswcw و navada والله ما قصرتوا كلكم





اخوكـــــــــــــــــــــــــــم
المثولث

[لحن الخلود]

حياك الله أخي الكريم المثولث وخوش أسم
وأتمنى إن أفادوك الشباب بما طلبت
ويعطيكم العافيه جميعا