ببغائي المسكين

[ashoog]

السلام عليكم
اممم صارت لي مواقف مع الببغاء
قبل يومين دخلتها ع الحمام عشان اروشها
ومنها مره وحده اعلمها كيف تطلع على ايدي
من طريقة اخذتها بالمنتدى ((نسيت من صاحب الموضوع عذراً))
و عبيت المغطس وخليتها المهم سويت نفس الكلام اللي في الموضوع
وضبطت والله (( اشكر الاخ اللي كتب الموضوع على طريقته الحلوه ))
انا انبسطت وقمت امسح على راسها وتوني مديت لها الاكل الحب الاسود
وطاح الحب في الماي وتطمر على صبعي وتعضه وتطلع منه الدم
و من ذاك اليوم وانا حاقده عليها وقهرتني انها مو راضيه تطاوعني
هالكلام كله كان يوم السبت وفي اليوم الثاني طلعتها من القفص
مسحت على راسها كالعاده بس ماطولت واليوم اللي بعده اللي هو امس
اهملتها مره وحده ولا طلعتها من القفص ولا مسحت على راسها ابد لانها قاهرتني حيل
واليوم الصبح جا خالي وهو عنده خبره بالطيور وانواع الحمام قلت له قوم خلنا
ندرب الببغاء وجا و طلعها من القفص وحط صبعينه حول رقبتها
وقامت تصرخ وطول وهو ماسكها انا خفت عليها والله حسيت اني
بصيح وضلت فتره طويله تصرخ وكان فيها جرح وقام يطلع منه دم وانا خايفه انها
تضل على هالحاله دائما تخاف تكفون علموني طريقه اروضها واخليها حبوبه والله
عورت قلبي اليوم لا تقولون لي روحي على هالموضوع مكتوب فيها الخطوات
ياكثر المواضيع اللي قريتها بس هالببغاء حاله خاصه تكفون ساعدوني
والله خفت عليها اليوم حيل حيل
مع العلم اهي درة انثى و ما ادري كم عمرها
في مجال انها تتروض ولالا وابغى اعلمها على الرقص والكلام
بس مدام هذا حالها ماتوقع ارجو الرد من اهل الخبره تكفووون ساعدوني

[n-b-n-b]

اختي هذا الموضوع انشاء الله يبي يفيدك..

مقاطع فيديو لترويض الببغاء..

لكن لازم احد خبير طيور..

وهذا هو http://www.2zoo.com/vb/showthread.php?t=100354 وعاد انتي انسخيه ..

امنى اني افادتك..

تحياتي..

[ashoog]

مشكور اخوي ماقصرت
في طريقه المسح الحمد لله حسيته يتأقلم
وجربت مره احط صبعي عشان يمسكه يدخل
راسه داخل المفرش اللي لافته حوله ويبي يعض
وخفت وتركت الحركه ..