اشترك في نشرتنا البريدية ليصلك كل جديد

faisalqatar · 15-08-2009, 04:24 AM

بسم الله الرحمن الرحيم

السلام عليكم ورحمة الله وبركاته

اخواني الاعزاء / محبين الببغاوات ..

انا انسان اموت في شي اسمه ببغاء بدون تحديد نوع احبهم كلهم

ودربت كذا نوع والحمدلله

لكن من فترة تقريبا شهرين خذت لي مكاو بلو اند قولد عمره صغير تقريبا 7 شهور

أليف جنه ديايه ما شاءالله عليه لكن مشكلته ما يركب على اليد الا بالغصب لانه مايعرف

لازم اشيله واحطه على يدي

ومهما علمته وحاولت ادربه مافي فايده

شنو الحل معاه ؟؟؟

وجزاكم الله خير

lll_o · 15-08-2009, 04:32 AM

والله ما اعرف اخوي

بس انشاء الله يفيدوك الاعضاء

faisalqatar · 15-08-2009, 04:38 AM

تسلم لي على المرور اخوي

وان شاءالله يقدرون يساعدوني

عبووووووودي · 15-08-2009, 04:41 AM

هلا فيك اخوي
في طريقه
دايم اسويها
والحمد لله تنجح

اسحبه برجل وحده وطلعه بيدك

مره في مره

راح يولف سريع ع طلووع اليد

faisalqatar · 15-08-2009, 05:00 AM

اشكرك اخوي على التجاوب مع الموضوع

وان شاءالله راح اجرب طريقتك

تحياتي لك

NTFA · 15-08-2009, 05:16 AM

في طريقه حلوة..

أنك تخلي الببغاء واقف على المجثم.. أو على الأستاند..

طيب .. أنت تكون جمبة يعني يكون جناح الببغاء أمامك..

تمد له يدك قدامة يعني تقريبا قدام رجوله بشوي..

بعدين تاخذ يدك الثانية و تحركها عند مؤخرته يعني عند المنطقة الحساسة تقعد تحركها شوي شوي ..

و أنت تحركها قوله أصعد ولا أطلع.. أوكي

هو على طول تلقاه بيتحرك ما راح يلقه قدامة إلا يدك وراح يصعد عليها..

بعدين أنت كافأه بشئ يحبة واجد.. مثل حبة فول سوداني ولا حب دوار الشمس..!! أي شئ يحبة..

و أمسح على راسه..

و طبق عليه هذة الحركة لمن يصير معك ok بعدين مع الأيام بس تمد له يدك و تقوله أصعد ولا أطلع من حاله..

يصعد على يدك..

ولا تنسى أنك تكافأه لآن المكافأه لها دور..

تحياتي..

faisalqatar · 15-08-2009, 05:27 AM

مشكور اخوي على المعلومات

جزاك الله ألف خير

وان شاءالله راح اجرب طريقتك