اشترك في نشرتنا البريدية ليصلك كل جديد

هوليووود · 08-01-2009, 08:39 PM

في الحقيقة انا متحمس لاكتب لكم من مشاهداتي لسوق الحمام اليوم الخميس من مشاهداتي اقبال كبير من الناس قبل صلاة العصر ايضا الببغاوات كثيرة الصغيرة الغيني الافريقي ب 300 ريال الصغيرة والهولندي والافريقي تقريبا نفس السعر
وهناك مبالغات من بعض الشريطية ولكن لفت نظري ببغاء امازوني عمره اقل من سنة بيع ب 160000 الف ريال بس يستاهل لاني يغني ويسولف ومن اغانيية اممم يلوو لولو الف الصلاة والسلام عليك يانبي الله محمد الغريب في هالسوق ان اللي يتكلمون الامازون ما تعرف وش تتفرج عليه من كثر ما يتكلمون
ولكن الافريقي طرمان مع ان بعضهم اصحابهم يحلفون انهم يتكلمون لكن الحياء ذابحهم هالكاسكو ذبحنا زي الاطرم اللي عندي وانا لما شفت الامازون خاصة واحد شايب حده 3500 ويتكلم ويسولف وفيه واحد جاب افريقي وحده بالفين وخمسمائه ريال والولد بيسافر والكاسكو بكلامه يتكلم ويلقط اريل ويحلف بهذا على طول شروه الشريطية ماتركوه الله يخلف
وفيه واحد يذكرلي انه فيه كويتي يجيب كاسكو من الكويت ويبعهم بالرياض 1700 يتكلمن انا قالي قلت اخبركم اذا احد يبي ويشوف ويتاكد من الكلام
معليش الكلام مخربط ومو مجمع بس وش اسوي انا كتبت على سرعه وراي عشاء واشوفكم على خير باي

كاسكو حبوب · 08-01-2009, 08:45 PM

موضوع رائع

ماقصرت

abood alsagaby · 08-01-2009, 08:53 PM

والله حلو
لكن الهولندي 300 ؟؟
فرخ؟
اذا شفت كاسكو يعني عينه رمادي
بكم؟
وهل
فيه كروان وبكم
وطيب
انا مرة
الاحظ الي بالمنتدى كرواناتهم مرة كبيرة
ولكن
مرة رحت للسوق لقيت كروان تقل بلبل صغيييييير فا باختصار هل شفت يعني كروان وبكم اذا كنت سائل

ابولمعه · 08-01-2009, 09:44 PM

اخوي معقول بيع امازوني ب 160000 الف ( مائة وستون الف ريال ) ام انك تقصد 16000 ؟؟

abood alsagaby · 08-01-2009, 10:01 PM

اقتباس:

المشاركة الأصلية كتبت بواسطة ابولمعه

اخوي معقول بيع امازوني ب 160000 الف ( مائة وستون الف ريال ) ام انك تقصد 16000 ؟؟

شكه غلطان 16000 بس انه متحمس

بحار الشوق · 08-01-2009, 10:19 PM

يا أخوان اخونا هوليود معه حق

والله اني شايفه الاسبوع الماضي (( الاامازوني)) وسيم ب15000 ولاهو راضي يبيعه الشريطي اللي كان عنده

فلا تستغربون والله اني سامعه باذني وهو يسولف ويغني

لا مبالغه ولا هم يحزنون صدقوني

ودمتم بود

الطير الجارح · 08-01-2009, 10:31 PM

معقولة 160000لكن 1000000000000%ماراح اشترية
هههههههههههههههههههعععععععععععععععععععععععع

مجنون عويشق · 08-01-2009, 11:14 PM

السلام عليكم .....لابو جده امزون ...وربي لو يحل معادلات ماشريته ...تهااااااي

العقل في حدود ....

غير المكاو لاتدور .....

ابو سفر · 08-01-2009, 11:43 PM

اخوي مجنون عويشق لاتستغرب لان اللببغاوات طيور جميله وذكيه ومذهله وتستاهل اكثر من ذلك

انا لي صاحب باع افريقي ب13 الف لديه جمل عديده وست سور من القران

البواردي · 09-01-2009, 12:31 AM

اقتباس:

المشاركة الأصلية كتبت بواسطة هوليووود

فالببغاوات كثيرة الصغيرة الغيني الافريقي ب 300 ريال الصغيرة والهولندي والافريقي تقريبا نفس السعر

معقول هذه الأسعار للهولندي .. خابرها فوق الألف ريال قبل أسبوعين.

لايكون سوق الطيور .. ماشي على موضة اسواق الأسهم ( تصحيح )