انا وراك ياشوشو والزمن طويل

[كوكاتيل مشاغب]

السلام عليكم ورحمة الله وبركاته
طبعا رجعت بعد غياب بسبب الاختبارات وطبعا فترة نقاهه من الاختبارات كاني ما كنت اختبر كاني رحت بلاد مجاعه

المهم رجعت والاخبار توصلني يوميا من الاهل عن شوشو واللي مو عارف وش شوشو هذا انا اقول
اللهم اخزيك ياشوشو
شوشو هذا ببغاء امازوني من فصيله يلو كراون
شراه ولد عمي وتورط فيه وعشان خبرتي بترويض الكوكاتيل قال لي حاول تروضه وانا اجيب لك فرخ افريقي تجي تنقي اللي تبيه
طبعا ابو بلاش مافي احلى منه
اخذته وخليته بالبيت وانشغلت بالاختبارات برا البيت وكانت توصلني الاخبار عنه من الاهل ماشاء الله الاخ صار ينزل على الارض ويروح يتمشى بالبيت ويقرض بالطاولات كانه فار
وزاد وزنه من دلع امي وابوي ياحليلهم ما حصلوني قدامهم قاموا يدلعون فيه
رجعت البيت وماشاء الله وزنه زايد والدلع زايد ما ياكل الا من ايد امي وابوي لكن محد يقدر يلمسه
قلت انا بوريك اخذت الدلع علي
قلت ابدأ معه على حسب المواضيع اللي قريتها قالو من غير قفازات جربت المسه وياليتني ما جربت اظافره تقولون صناره صيد كلبش في اذرعي ولا سابهن ويعض العض اخف من مسكه الاظافر والله قلت يايد ما بعدك يد وشريت قفازات ومسكته وامسد عليه وهو يصارخ ويعض المهم شوي يسكت ويستسلم اشيل ايدي شوي واجي ابي ارجعها يرجع نفس الاول صراخ وملاحقه وصار ما يطلع من القفص مثل الاول اول كان بالقوه يدخل للقفص الحين بالقوه يطلع من القفص
اليوم اللي صار وشو والله شي يضحك
طلع من القفص قلت هيا بنا وشلته هو والقفص الى غرفة التعذيب لا تصدقون قصدي تدريب
وحطيته وقفلت الباب ورحت البس القفاز اول ما شاف القفاز طار من فوق القفص يبي يروح للباب كأنه عارف وملاحقه الين مسكته وصرت امسد عليه
ولا تغير شي احس الطير جاته حاله نفسيه مني يكون ياكل يسمع اسمي يطيح الاكل اجي عنده يهرب وش اسوي والله احترت انا قلت ابي اكمل المشوار للآخر
المطلوب شي واحد انه يكون اليف اقدر امسح على راسه يطلع على اليد
ساعدوني عشان اقدر اجيب الفرخ الافريقي

[عسوله جدة]

ولا عليييييييييييييك حاول معاااااااااااااااه واجلس معا وكلمه لين مايحس بالامااااااان معاك


انا البغغاء حقي كان كذا يخاف لمن اجي اشيله ويصرخ ويعض


بس الحمد الله الحين شوي بدي مايخاف مني وطلع على يدي

بس برضو يخاف حاول معاه وعليك اهم شي بالصبرررررررررررررر


تحياتي لك

[إحساس نادر]

السلام عليكم ورحمة الله وبركاته


قرب منه أكثر بدون ما تخوفه منك
أكله من إيدك كلمه كثير وحاول وأنت جنبه أن تمسح على راسه

وشوي شوي راح يألف وجودك وتكل المشوار
وزي ماقالت عسوله الصبر مفتاح الفرج



وعقبال الإفريقي البلوشي

[محمد الرياض]

و الله رحمتك أنت و طيرك ..

أكيد فيه طرق ترويض سريعة ممكن يقولون لك عنها الاخوان ..

لكني ما أفضلها أبدًا .. لانها تجعل الطير يهابك و لا يألفك ( حتى لوكان ما يعض و هادي ) ..

إذا ما كان طيرك يأتي إليك و هو كامل الجنحان لما يشوفك و لا ما اعتبره مروض ..

رؤيتي .. يتفق معي من يتفق .. و يختلف معي من يختلف ..

أؤيد رؤية ( إحساس نادر ) .. استخدم طريقة الأكل فقط ..

و الله الموفق ..

[عاشق الهمستر]

شف انت حاول تقعد معه يعني تتكلم

و تحطه عند التلفزيون

و توالفه شو شوي

و انشاالله يرقى على يد و على راسك اي مكان تبي

[كوكاتيل مشاغب]

اختي العزيزه عسوله جدة مشكوره على مرورك وكلامك المشجع وانشاء الله يولف معي وانا صابر عليه ماهمني الوقت


اخوي إحساس نادر والله ياخوي انا احاول اخليه ياكل من يدي ما يواطني بعيسة الله واحاول امسح على راسه يشوفني يهرب على طول لكن انا وراه وراه ومشكور على مرورك وتشجيعك وعقبال البللوشي هههههههه


اخوي محمد الرياض والله كلامك عين الصواب مثل امي تقول دايم اللي يجيك احسن من اللي تروح له وانا احاول معه والله يعين ومشكور على مرورك وتشجيعك


اخوي عاشق الهمستر والله ياخوي انا حاطه طول الوقت معنا في الصاله عند التلفزيون وكل واحد يمر من عنده ويكلمه الا انا بعد ما بدأت امسكه صار يشوفني يهرب كأنه شايف صقر وانا اللي ابيه انه يرقى على يدي بس وامسح على راسه ما ابي اكثر من كذا ماني طماع ومشكور على مرورك وتشجيعك

[!شاربه بيبسى ومدلعه نفسى!]

اعتقد انى مقدرش اقول اكثر من الى الاخوه قالوه
هما مقصروش
تحياتى لك