مشكله كبيره ،، الرد بسرعه لو سمحتوا

[Abeer Moustafa]

السلام عليكم و رحمة الله و بركاته

---------------------------------------------------------

لو سمحتوا عندى مشكله كبيره مع البادجى و زعلانه عليهم خايفه يحصلهم حاجه

من اسبوع تقريبا اشتريت نوع تانى ليهم اللى هو البلكم الاصفر دا ،، كنت بس بحطلهم دنيبه فقط و هما عند اللى بيبيع برضه كان دنيبه بس مافيش انواع تانيه ،،

من اسبوع اشتريت دنيبه وبلكم نفس الكميه وخلطهم على بعض وابتديت احطلهم منه و انا مبسوطه انى بحطلهم اكلهم طبعا مش دنيبه بس ..

بس من اليوم دا وانا ملاحظه فيهم تغييرات كتيره الاول كانت العصفوره اللى هيا لونها لمونى اللى ابتديت اشك انها اصلا عصفور مش عصفوره ، المهم حسيت باسهال تقريبا ولونه اخضر واختلاف كبير وانا بنضفلهم الفضلات عن اول ماجبتهم او من قبل ما احطلهم النوع الجديد دا ، دا بالنسبه للعصفوره و ساعات بتغمض عين وتفتح التانيه يعنى مش دايما مغمضاه بس ساعات بتعمل كيدااا

الجديد بقى انه دلوقتى سمعت صوت وانا قاعده من عندهم جريت اعرف فى ايه ، العصفور بيحاول يطلع صوت بس مش عارف يعنى صوته رايح خالص بيحاول وكانه بيتنفض كيدا مع العلم انه ماشاءالله عادى بيتحرك بطبيعته زى قبل كيدا هى معاه بس مشكلة الصوووت لسه اخر مره سامعه صوته النهارده بس قليل اووووى ماسمعتش صوته النهارده كتير

أنا حطاه تحت الشباك على اساس ان الجو حر وتحت الشباك هايكون فى هواااا شويه
ايه اللى حصل برد مثلا ؟؟ ولا ايه انا حاليا حطيتلهم الدنيبه تانى لواحدها ونضفت القفص وحطيت الميا وفيها ليمون يمكن يحصل اختلاف ولا انتو شايفين ايه

انا مستيه رد لانى حزينه عليهم جدااااااااااااااااا


السؤال الاهم هل الاتنين ذكرين ؟ و لو لا يبقى اى واحد فيهم الانثى و الذكر ؟









و دى الدنيبه مع البلكم النوع الاضافى اللى حطيتهولهم ومن يومها تعبوااا تقريبا من يوم الخميس اللى فات يعنى اسبوع دلوقتى