لو سمحتم .................

[بو منذر]

أحبائي

ذهبت الى السوق وأعجبني ديك حساوي فاشتريته ووضعته مع بقية الحلال وبعد 4 أيام حصلت الطامة الكبرى حيث انتشر فيروس فذهب نصف الحلال - وبعدها الآن مضى حوالي 3 اسابيع تسود حالة من الفتور في الحوش والكآبة وتوقفت الدجاجات عن البيض بشكل كامل . فما العمل ؟

[ابن الأحساء]

خلاص الله يعوضك
لازم أول ماتشتريه تحطها أسبوع في مكان لوحده وراغبة إذا شفت فيه أعراض لمرض ما إم تودي للبيطيري أو تذبحه علشان ماينتشر المرض

وإن شاء الله يفيدونك الأخوان

[abo abdulaziz]

اخوي خلاص اعزله و اذا كان المرض للحين موجود انشالله يفيدونك
لاكن انت الحين اذبحه او حاول تعالجه
وكذا انتعلمتني معلومه جميله جدا و اشكرك عليها
هو اني كل ما شريت دجاجه او ديك اتركهم بقفص لحالهم لمدة 3 ايام و اعرف اذا فيه مرض ولا لا عشان اتأكد و اظمن

[الكادي هواها]

الله يعوضك احسن منه بس اخوي اذا هو موجود عندك حاول انك
تعالجه وتشوف وش فيه اول شي تعزله وذا ظهر اعرض مرض على اي دجاجه اعزلها على طول
حتى لو كنت شاك بمرضه وقدم لهم الثوم مع اليمون وده للبيطري

[نمط]

نصيحة لك

تخلص من الديك ومن الحلال المتبقي

ولا تفكر انك تبيع لان راح تدمر حلال اللي بيشتريهم
لان المرض اللي جاك 90% نيوكاسل
وهذا وباء للدواجن خصوصاً
الآن احتمال يتضح لك ان الدجاج تعالج
بس هو موجود وراح ينفق عندك بعض الدجاج على التوالي
بداية المرض بيكون موت مضاعف
وبعدها بيموت الدجاج القوي على مواعيد بعيدة شوي
من اسبوعين لثلاثة
واللي تعيش نسبة قليلة واحتمال تكون حاملة المرض
وبوجودها بيكون الفيروس متواجد
واي حلال يجيك راح يكتسحه المرض ااذا مو ماخد تحصين النيوكاسل

وبخصوص انك تعزل حلال ماخده جديد اسبوع هذي معلومة خاطئة
لان احتمال حامل فيروس ولا تلاحظه
يسبب لك موت قطيعك كله ويبقى هو عايش

لكن افضل حل انك ما تدخل أي طير جديد الا وانت محصن كامل حلالك
لان نيوكاسل ماله علاج
فقط تحصين ضد المرض

فأنا أنصحك انك تفضي حلالك وربك يعوضك

وتطهر المكان وتغسل المساقي والمعالف
وتعرض كافة المستلمزمات من معالف ومساقي وصنادق للشمس
والآن حنا بالصيف ؛ يعني على 15 يوم بيكون المرض راح باذن الله

بس بشرط انك تتخلص من كل شي بعيد
والمتبقي حطه في حوش بعيد عن حوشك
والنافق ادفنه بعيد او احرقه

وعلى الله العوض

وياليت توضح لي من وين شريت الديك؟
واول مرة اسمع بـ ديك حساوي؟
ترى مافي ديك حساوي ولا ديك قطيفي ولا ديك كويتي

في عربي وفي حباحب وفي بلدي

واذا انت قريب من القطيف كلمني عالخاص وابشر بالعوض

سلام

[بو منذر]

الله يحفظكم أخواني

الآن الوضع استقر والديك موجود يم الجميع وعادي بس المشكلة انتاج بيض صفر !

[bird96]

الله يعوضك ..

وهذا اللي يجنني و يجلطني وزمان صار معي نفس الشي اشتريت جوز حمام هو ما مات الجوز بس نشر مرض النيوكاسل ومات جميع حمامي اوووووووووووووووووف .. وهو نيوكاسل اللي انتشر عندك معوض . يا رب اتخلص من جميع اللي متبقي او اوقف الشراء ل مدة 3 شهور او شهرين ورش المكان ب مبيدات حشريه + فطريه .