قصتـي مع القطط

[عاشق هواكـ]

السلام عليــكم ورحمـة الله وبــركـاته .

صار لي قصــه ابيـكم تستفيدون منـــها

انــا الوالدة الله يحفظها كانت رافضه دخول القطوه الى البيت لكن انــا كان

فيني عنــاد رحت وشريـت قطوه وجبتهـا البيت الوالده تفاجأت زعلت علي

لكن انــا قلت ان شاء الله راح ترضى

قالت لي الوالده بالحرف

يـاعبدالعزيز < اسمي >ترى القطوه راح تجيب امراض لك وانــا خايفه عليـــك

تكفى اسمع شوري ورح رجعهــا والله مامنــها فائده ابداً

المهم انــا طنشت وقلت انــا كاشف عليـها ومطعمها يعني واثق ان مـافيها امراض

اليوم قمت من النوم تــفاجأت بـأن جلدي فيه حكه وفيــه بقع حمراء استغربت

المهم رحت الطبيب وقال لــي انت عندك حيوان فالبيت....؟؟ قلت ايه

عندي قطوه قال لي هذي فطريـات قويـه من القطوه الي عندك في البيت

رجعت البيت رحت لأمي وحبيت راسها وقلت معليـش يالغاليــه انــا آسف

اني طنشت كلامك وخليـت القطوه

قالت لي بالحرف والله انــي ماراح امنعك من شي الى فيـه مصلحه لــــــك

خذت القطوه وبعتــها

عشان كذا انـــا حطيت هذا الموضوع عشان تستفيدون

اذا اهلكم رفضوا القطط هم عارفين ان فيـها امراض مهمــا روشتها وطعمتـها

يــاخي لو تفكر بعقلك 5 دقائق بــس والله راح تلقى ان مافيـها فائده ابداً

لايهمك لونها او شعرها النظيف والله ياعالم امراض صدقونــي انا فكرت فيها

والله ندمت على تضيع وقتي مع القطط البعض منكم راح يعارض انـــا متــأكد

لكن صدقوني راح يجيكم وقت تقولون ياليتنــا سمعنــا كلام عاشق هواكـ ~

تــأكدوا انــي ماكتبت الموضوع عشان اكرهكم في القطط لكن ابي لكم الفائده

والي يبي ياخذ بكلامي اهلا وسهلاً والي مايبي ياخذ بكلامـي يطنش

[دلوعةقطوتي]

وعليكم السلام ورحمة الله وبركاته
يعطيك العافيه اخوي عبدالعزيز عالموضوع
وتجربة تشكر عليها وكلامك وكلام الوالده فيه بعض الصحه

بس حبيت اوضح لك شغله مو كل من ربى قط جاء له مرض انا شخصيا لي اكثر من 7 سنين والحمدلله ماجاني منهم شي
بس انت احتمال انه عندك حساسيه من القطط ومو كل الناس تناسبهم تربية القطط
والمتعارف عليه انه لما القطه تكون مصابه بالفطريات لازم تعزلها عن الناس والقطط الثانيه واللمس مايكون الا بقلافز لانه يعتبر مرض معدي ولكن قابل للعلاج
والافضل دايما تكشف على قطتك باستمرار عشان تتاكد خلوها من الامراض وتحافظ على نظافتها والتطعيمات
اما بالنسبه لكلامك انه مالها فايده وكلها امراض مااتفق معاك القطه من انظف الكائنات واطهرها ويكفي انه الرسول صلى الله عليه وسلم قال عنها انها من متاع البيت لن يقذر شيئا ولن ينجسه وتوضا بماء كانت قطه شاربه منه
فلو كان منها ضرر كان نهى عنها
ملاحظه اخيره
فـ نقول للجميع انتبهو وكونوا حريصين الذي يريد تربية اي حيوان لابد ان يكشف اذا ما كان لديه حساسية من الحيوانات لانه كثير يعانوا من الحساسيه من الحيوانات وماتناسبهم

[محبة الزيبرافينش]

المشكلة مو بل القطة المشكلة بك انت الواضح عندك حساسية انا اربي القطط من عمري 6 سنوات وانا لازلت اربي قطط وحاليا ماعندي اي مرض
او ربما تكون القطة اخدت الفطريات بعد ماكشفت عليها
وانا لا تفق معك على ان القطة ليس فيها فائدة بل اكتشف بعض العلماء انها تحصن ضد بعض الامراض
واقوى ضرر يمكن ان تعمله قطط البيت هو الفطريات اما قطط الشوارع فهي احيانا قليلة جدا قد تكون خطرة

[Tammy]

صحيح القطط مصدر للأمراض ما انكر هالشي ابد .. لكن كمان كان لازم تاخذها البيطري تتأكد ممكن فيها شي و انت الله يهداك تسرعت و بعتها !!

او يمكن بعد القطوة مافيها شي بس انت تعاني من حساسية بس استبعد هذا الشي لان لو كان فيك حساسية كان بينت قبل !!

كسرت خاطري القطوة ليه بعتها بس

[تعبت اشتاق]

مثل ماقالوا الاخوان يمكن انت قيك حساسيه من الحيوانات

[أحبك توتو]

اللي قآلووه الأعضآء صح و يمكن عندكـ حسآسيه

[عاشق هواكـ]

مشكوريـن اخوانــي وشكراً لأختي دلوعة قطوتي لأرجاع الموضوع

لكن انــا قد الحمد لله مافيني حساسيه لكن والله انـــا قلت هالكلام لمصلحتكم

انــا ربيت قطط قبل كذا ممكن 4 قبلها لكن والله اتقرف لمــا تتبرز اكرمكم الله وتجي ترقد

على سريري انـا ماقلت ان القطوه نجسه لكن ولو والله انــا اكلم الطبيب ويقول ان القطط

فيها امراض مايعلمها الا الله

انــا احب اقول لكم لايزعلكم كلامي

وانـــا الحين جلدي كله بقع حمراء

وكله سببه القطط

اتمنــا تفهمون كلامي بكل صدر رحب

[شرازيه]

السلام عليكم
صح ياعبدالعزيز كل ام تبغالنا الصحه والعافيه بس زي ماقالت دلوعة قطوتي وانا والله والله والله اني من يوم ما فتحت عيوني وانا اربي قطاوه والله ماني مطنشه كلامك في بعض الناس عندهم حساسيه وبعض الناس ينفع لهم تربيه القطط الناس مو كلهم زي بعض

[possycat]

كن طيبا معها وعالجها من الفطريات يمكن تدخلك الجنه

[possycat]

المشاركة الأصلية كتبت بواسطة عاشق هواكـ

مشكوريـن اخوانــي وشكراً لأختي دلوعة قطوتي لأرجاع الموضوع

لكن انــا قد الحمد لله مافيني حساسيه لكن والله انـــا قلت هالكلام لمصلحتكم

انــا ربيت قطط قبل كذا ممكن 4 قبلها لكن والله اتقرف لمــا تتبرز اكرمكم الله وتجي ترقد

على سريري انـا ماقلت ان القطوه نجسه لكن ولو والله انــا اكلم الطبيب ويقول ان القطط

فيها امراض مايعلمها الا الله

انــا احب اقول لكم لايزعلكم كلامي

وانـــا الحين جلدي كله بقع حمراء

وكله سببه القطط

اتمنــا تفهمون كلامي بكل صدر رحب

الرسول (ص) توضى بماء شربت منه قطه
وابو هريرة رضي الله عنه كان يحملها معه