رحبو بي لوليتا

[هشام الشهري]

بسم الله الرحمن الرحيم شريت سلاحفاة قبل شهر سميتها لوليتا
وطبعنا اول اسبوعين مرا مرا خايفة وتاكل شوية وتندس ورا الكنب وبهذله
الاسبوع الثالث بدات تتاقلم شويا شويا وتاكل خس وكذا تراها بريه
الاسبوع الرابع تاكل طماطم خس كوسه من يدي كمان ولا تخاف امسك راسها انظفها لكن سوال
ابغا اعرف كم عمرها وكيف اعرف ودي اسال وش تحتاج بالشتاء نومها كثير ترى
اتمنى تقولولي كل شي وكيف اعرف متى تبغا تتزوح متى البلوغ وكذا

[هشام الشهري]

افا ولا رد

[هشام الشهري]

وين المتهصصين والخبراء

[مهووس الحيوانات]

هلا فيك اخي

اولاً نعتذر على الرد المتأخر ، خاصة انك عضو جديد و التأخر هذا يفشّلنا قدام الضيوف

=-=

اول شي الحمدلله ماشالله واضح ان سلحفاتك ممتازة فحاول تهتم فيها
لأن مو كل السلاحف تاكل اي شي كثير منها تتشرط

معرفة العمر ذكرناها قبل و الي هي عدد الخطوط الموجود في كل دائرة موجودة في صدفة السلحفاة
كيف ؟

صدفة السلحفاة بتلاحظ انها فيها عدة دوائر او مربعات ، كل مربع عبارة عن مربعات متدرجة في الحجم كل واحد داخل الي اكبر منه

عدد هالمربعات المتدرجة هو عمر السلحفاة

و السلحفاة ممكن تتزاوج في عمر 13-14

و الي يبغالك تجهزه في الشتاء هو بيت صغير لها اما تشتريه او تصنعه من الكرتون او اي شي
ممكن انك تاخذ جوزة هند و تفرغها من المادة البيضا و تقسم القشرة المتبقية قسمين ، و تفتح في كل واحد فتحة كبيرة و يصير عندك بيت حلو و كشخة

بس البيت مو مهم المهم هو توفير الدفء ، ممكن توفر الدفء لها بوضع لمبة صفرا في القفص أو الحوض

و هي طبيعتها في الشتا تنام كثير و تخمل و تاكل قليل و تشرب قليل بس انت وفر لها كل شي عشان كلما جت بتاكل او تشرب تلاقي كلشي متوفر

و حاول تفرش الارضية نشارة خشب كثيرة و نظيفة و بتشوف كيف تدفن نفسها عشان تتدفا

و اي سؤال او استفسار لاتتردد في طرحه و ان شالله نساعدك

و سامحنا عالتأخير

[هشام الشهري]

الله يوفقك الله يوفقك الله يوفقك الله يوفقك مشكور والله
لكن العمر ممكن صورة كيف اعرف