مشكلة مع زواج القطط

[milk cat]

السلام عليكم كيفكم ؟؟

اخواني بدخل بالموضوع على طول

اول شي انا عندي بسه عمرها سنتين طلبت تزاوج قبل اسابيع و كانت مره مزعجه طبعا المهم وديتها من اليوم الثاني تتزاوج قعدت بالمحل 5 ايام .. المهم مرت 3 اسابيع بسلام الحمدلله الا اني تفاجأت فيها امس طالبه زواج و مزعجه البيت كله و مقومتني للمدرسه من 4 و خواتي عجزوا ينامون منها و اخوي الصغير يقول قمت منها قبل ما تطلع الشمس بعد و مرره حااله

خواتي قالوا لي خلاص وديها تتزوج ولا طلعيها للحوش الى ما تهدا

و طبعا انا ما اقدر اطلعها للحوش اخاف تهرب او تتزاوج مع بسة شوارع و يطلع حمل منها او اذا كانت الحين حامل و طلعتها الحوش و تزاوجت اكيد بيصير لها اجهاض

المهم تتوقعون انها هرمونات زايده ؟؟ علما بانها متزاوجه قبل 3 اسابيع ولا انه طلب تزاوج و مب حامل الحين ؟؟

علما بان ما عندي القدره اني اوديها سونار ..

الحين البسه اذا اليوم طلبت تزاوج و هي مب حامل متى توقف طلب و متى تطلب المره الجايه ؟؟
و على حسب خبرتكم .. هذي الحاله زيادة هرمونات ولا انه ما صار حمل من الاساس .. مع اني وديتها من ثاني يوم طلبت فيه و خليتها 5 ايام كامله

اذا تتوقعون انه زيادة هرمونات ممكن تقولون لي متى توقف طلب و متى ترجع لها الحاله
و اذا كان مافيه حمل و متاكدين ياليت تقولون لي عشان اوديها للمحل يرجع يخليها تتزاوج صراحة تعبت منها

[haneeno]

بسرآآحه ماعندي خبره بالتزاوج بس وديها للبيطيري يكشف ع

[جيري]

انا بستي من يوم تصيح اعطيها ابره منع الحمل و3 ايام وتسكت

[دلوعةقطوتي]

وعليكم السلام ورحمة الله وبركاته
طيب انتي متاكده انها تزاوجت بالمحل اولا والذكر يعرف يلقح اولا يمكن ماتزاوجت من الاساس
بس لو متزاوجه يكون ارتفاع هرمونات كم يوم وتسكت

[روينه]

اللللللله يعينك بس برضه يظل ازعاج الانثى اخف من الذكر ><

[milk cat]

جيري: البسه احتمال حاامل الحين ما ينفع اعطيها هالابرهـ و ممكن تكون ضاره لها

دلوعةقطوتي: والله ما ادري عشان كذا انا محتاره وش اسوي و المشكله البيطري ما يعرف اذا كانت حامل او لا الا بالسونار او اذا كانت حامل بالقليل شهر

طيب ارتفاع الهرمون كم يوم يبيلها و تسكت ؟؟ و اذا كان طلب تزاوج عادي يعني ما كانت حامل من قبل كم يقعد ؟؟

عشان بستنى كم يوم و اقارن اذا كان ارتفاع هرمون او لا

و الذكر اللي وديتها له كان مبين كبير ما اتوقع ان هذي اول مره يتزاوج فيها لان قد مره شفت بسه ثانيه معه بس مدري اذا تزاوجت ولالا

يالييت نصايحكم

[milk cat]

هانينو: شكرا على مرورك بس اذا وديتها للبيطري ماراح يعرف الجواب الاكيد الا من السونار و انا ما اقدر اوديها لكشف سونار

روينه: مع اني ما قد جربت ازعاج الذكر من قبل الحمدلله بس اعتقد كلامك صح ميه بالميه .. صووتها ولا بول الذكر الله يكرمكم :S

[دلوعةقطوتي]

المشكله انه نفس الشي ارتفاع الهرمون وطلب التزاوج ماراح تفرقين بينهم
انتي عادة قطوتك كم يوم تطلب وتسكت؟ نفس الايام وتسكت
حاولي تخليها بغرفه عشان ماتزعج اخوانك وان شاءالله كم يوم وتعدي على خير وترجع تسكت
بعد شهر بيبن لك اذا حامل اولا

[milk cat]

و الله ما ادري كم يوم اول مره تزاوجت مع ذكر كان معها على طول اول ما طلبت تزاوجت معه

و المره الثانيه اللي طلبت و هي قبل 3 اسابيع و من ثاني يوم وديتها للمحل و الحين بدت تطلب و امي تعبت منها راسها صدع من قل النوم بسبب البسه فاضطريت الحين احبسها بغرفه .. بس من كم الى كم فترة طلب التزاوج للاناث ؟؟

انا بسوي زي ما قلتي هالمره ما راح اسوي معها شي و اذا طلبت المره الثانيه بيبين انها حامل ولالا لان الحين تامه 3 اسابيع تقريبا متزاوجه

بس لمتى بتقعد كذا تزعجنا؟

[دلوعةقطوتي]

فيه قطاوه يطلبون التزاوج كل شهر وفيه كل شهرين وفيه اكثر وفيه اقل شي راجع لهرمونات القطوه نفسها
شوفي اللي عندي يزعجون اسبوع او اقل ويسكتون