ارشدوني الى اهم متطلبات الببغاء الرمادي

[abdualaziz_m]

زي ما تعرفون توني شاري الببغاء وابي بخبرتكم تعلموني وش اشتري له من العاب وفيتامينات ومثل هذي الاشياء وايش الاشياء الي تفيد في ابعاد الخوف عنه وهل يستحسن اني اغير قفصه بالقاعده الي يوقف عليها وهل من الافضل ان اقص جنحانه وذيله ولا لا مع العلم انه لا يطير مسافه بعيد ولكن بعضها غير مرتبه وايش اهم الفيتامينات الي اشتريها له وايش اسمائها ووين احصل هذي الاشياء بالرياض بسعر معقول

والف شكر لكم يا الغالين

[كاسكو البحرين]

بسم الله الرحمن الرحيم

أولاً مبروم عليك الطير ويتربى في عزك ان شاء الله

حبيبي أنصحك تخصص يوم كامل فقط لقراءة المواضيع المثبتة لكي لاتضيع وقتك في الحصول على الاجابات وهي في الاساس موجودة ومثبتة

اخوي اذا طيرك يستطيع الطيران وده لخبير قص الاجنحه عشان يقص الجناح تجنب الهروب منك فلاتفكر تقوم ابقص الاجنحه انت ابنفسك عشان ماياخذ عليك موقف سيئ ،ارفع القفص عن الارض مترين وبخصوص الالعاب في العاب بأشكال كثيرة مثل اللي في الصور





الالعاب والاشكال المعقدة كما في الصور +الجرس لسماع الصوت وقت اللعب +الدرج ان وجد

وعن الفيتامينات حالياً اتبع الاكل اللي مذكور في المواضيع المثبتة لانها هي الاغذية المفيدة للطير

اكرر ارجع للمواضيع المثبتة وفاااااااااااااااااااااااااااااااااااااااااااااااااااااالك طيب

تحياتي

[abdualaziz_m]

الف شكر اخوي كاسكو البحرين على مرورك وردك الرائع

[ياسر111]

الاخ / عبدالعزيز

بخصوص قص الاجنحه والحصول على الفتيامينات والالعاب الخاصة بالطيور
تحصل المحل في الملز في شارع الستين اسمه الحديقة الجميلة يجي في الركن على اليمين وانت جاي من طريق خريص ...
قص الاجنحه مع الاظافر ياخذون والكشف على الطير يمكن ياخذون 70 ريال
والالعاب والفتيامينات تحصلة عندهم

[عبيد المزعج]

حلوه ارشدوني...

أول شي على البركه اخوي ويتربى بعزك..
كاسكو البحرين عطاك المفيد الله يعطيه العافيه..
بخصوص الجنحان..عندك الحياة والطبيعه على طريق الملك عبد العزيز مقابل مركز فال ..يقصون الجنحان والأظافر وان بغيت المنقار بعد يضبطونه عشان مايعض بقوه...أخبره بخمسه وعشرين ريال..مدري وش تقصد بخصوص القفص لكن بداية خله في قفصه وان حصل ترفعه احسن عشان يحس بالأمان ويولف الوجيه من فوق وهو مرتاح ولا تطلعه على الستاندر لين ياخذ على أهل البيت شوي..ثم طلعه لأن الستاندر يخليه يصير وليف اسرع من القفص..
أما الفيتامينات على 10و15و20 تختلف على حسب ماتحتويه..بعدين نصيحه..خلك من الفيتامينات والخرابيط ذي.. وكله زين ..حب شمسي وسيسبان وعطه فواكه وخضار..وعاد ميز وش يحب..

وآسف على الإطاله...(كلً يؤخذ من قوله ويرد إلا رسول الله صلى الله عليه وسلم).يعني خذ وخل