درتي المطوقة كبيرة و محتارة وعندي كم سؤال ... ممكن تساعدوني

[الساحرة المستديرة]

السلام عليكم ورحمة الله و بركاته
مرحبا ً جميعا ً
اني عضوه جديدة بالمنتدى و عندي دره مطوقة تجننننننن ...طبعا ً هي مو ملكي أني هي حقت البيت ...وكل البيت يحبوها ...المهم ماطول عليكم ...طبعاً أني ما دريت إنها درة مطوقة إلا من فترة وجيزة ...يعني ببساطة ما ادري وش نوعها بالظبط ... لأن إحنا ما إشتريناها... لكن في شهر رمضان قبل 5 سنين أمي شافتها برة الزراعة و صادتها ...طبعاً إحنا ظلينا فترة نحرج عليها ...قصدي خبرنا الجيران عنها قلنا يمكن حقت احد من الجيران بس الحمدلله ما حد طالب بها ... المهم في البداية كان عندها قفص صغير يضحك ههههههه .. بعدين إشترينا ليها قفص كبير ...
أكيد بتسألو عن إسمها ...أبويي سماها متو أو ممتو .... و طبعا ً أني احبها مرررررررررررررررررره و بجنون و أسميها ألف أسم بس أغلب الوقت اسميها حب أو جمال او عشق ...امووووووووت فيها ...
ما أطول عليكم ...بس زي ما عرفتو من القصة انها صار ليها عندنا خمس سنين و بتكمل السادسة في شهر رمضان الجاي ...يعني شايبه ...وهي يمكن لما صدناها كان عمرها سنتين و فوق ...يمكن... ما ادري بصراحة بس لو إفترضنا عمرها سنتين أو أكثر ...رح يصير عمرها هلق من 8 إلى عشر سنوات
و أني بصراحة أحبها مررة وقررت أشتري ليها ذكر لأن احسها وحيدة وتبغى مين يفهمها .. بس بصراحة بيتنا خافين على الذكر إدا إشتريناه ليها لأنها شرانية و مجرمة و كلا تعض ...يعني متوحشة مرررة ...لا أني مزودتنها شوي المهم هي شريرة ..
أحنا بصراحة كلا نطلعها بره القفص و دائما ً ويانا ...في الغدا في العشى ...حتى في مناسباتنا ولما نسوي اعياد ميلاد لأحد أفراد أسرتي لازم تحضر ويانا ..يعني ببساطة صايرة جزء لا يتجزأ من اسرتي ... مع ذلك هي شريرة مررررره و تعض ...صحيح تركب على أكتافنا عادي بس بسرعة تعصب وتعض ... و الوحيد إلي تحبة صدق هو أبوي ...ما تعضة ..حتى لو عصبت تهجم على إنها بتعض بس ما تعضه ... و هو الوحيد إلي إدا تسمع صوته ترد بنغمه مميزة ما نسمهعا منها إلا لما تسمع صوت أبويي أو إدا كلمها ...على عكس افراد البيت كلهم إلي ماتحبهم أبد و كلا تعضنا ...
عندي كم سؤال و أتمنى تجاوبوني ...
1- هل هي طبيعية و هي هيك عدوانية و ما تحب احد على عكس ما نقدمه إليها من حب طول 5 سنين <<< لكن بصراحة اخوتي ساعات يجننوها و خاصة لما تعضهم لازم يأذوها ...لكن اني لما أقول يلهم لا يجننوها ما يجيبو خبري >>>
2- هل إن اخوتي لما يأذوها هو سبب الوحيد لعدوانيتها الزايدة ولا هي أصلا ً عدوانية
3-هل بعمرها الكبير هادا عادي أشتري ليها ذكر ... وكم المفترض يكون عمره ...وهل ممكن تأذيه إدا كانت عدوانية ؟؟؟لأني بصراحة اخاف تأذيه
4-كيف ممكن أحاول أخليها تهدا أو احاول اروضها ..ادري ان عمرها كبير ...بس أني ودي أخليها أقل عدوانية و تصير تحبنا ...أتمنى أشوف نصائحكم
و هاذي صورها


.............


............


الجميلة تتثاوب

سوري على الإطالة ...

أتمنى أشوف أجوبة لأسئلتي

تحياتي
الساحرة المستديرة