هل في دوره للقطط؟؟ + سؤال عن البنج

[كيتي وميجو]

بسم الله الرحمـــن الرحيـــمـ


اليوم يوم النظافه العاليمي لكيتي وميجو .. وديتهم للبيطري يفحصهم ويسبحهم وينظفهم.. المهم قلتله انه كيتي حامل لنه حلماتها باينه.. فسوالها تلفزون وطلعت مب حامل... فسالته عن السبب كيف حلماتها باينه ومب حامل .. قالي يمكن عندها الدوره الشهريه.... الصراحه استغربت من هالموضوع.. فياليت اللي عنده خلفيه يخبرني عن هالموضوع بالتفصيل.. متى تكون.. وكم الفتره..وهل ترفض التزاوج بهاي الفتره.. لنه ميجو وراها وراها وهي ترفضه... هل لهذا السبب؟؟


الشي الثاني.. البيطري لما نظفهم عطاهم مخدر.. وخلاني اوقع على تعهد.. انه اذاصار لهم شي او ماتوا ما يتحمل مسؤوليه.. فكيتي ومجو للحين متاثرين من البنج.. خايفه عليهم والله.. كيتي ما فيها شي تصحى وتلحس نفسها وترد تنام.. اما ميجو نااااايم حتى لسانه لبرى...يصحى ويكون داايخ مو قادر يشل نفسه ويتمغص كثير ويرجع ..وللحين صارله ثلاث مرات يرجع... فهل في ضرر من البنج.. ومتى يروح التاثير ويكونو طبيعيين..(البيطري قالي ساعتين ويروح المفعول وخليهم ينامو ولا تعطيهم اكل ولا ماي بس للحين ما اشوفهم طبيعيين والموضوع صار له اربع ساعات للحين)..واذا وديتهم مره ثانيه لااازم يعطيهم بنج؟؟ ما بيضرهم؟؟ على كل مره يتنظفون؟؟
قلبي يعورني عليهم
في احد صار معاه هالموضوع.. عطوني نصيحتكم كيف اسوي

[كهوف الألم]

من يوم ما وقعك على التعهد

لا تخلي يبنجهم مرة ثانية

اتوقع يكون فيه ضرر

اما عن الدورة والله مدري ماعندي فكرة

[كيتي وميجو]

تسلمين كهوف

[*SUGAR*]

القطط تجيها الدورة بس بدون دم,, يعني الدورة الشهرية لها غير البشر
بس بصراحة ما عندي اي معلومات تانية عن الموضوع

وعن البنج لا تخليه يعطيهم البنج ,, إلا هو حمام وتشك آب

[وزة]

ياعسل خليكي من الدلع ومايحتاج احد يروش لكي بساسك

الترويش والتنظيف مرة مايحتاجله بنج

الافضل ماتوديها بيطري ثاني وحاولي تتعملي ترويشهم وتنظيفهم اكيد تلاقي في اليوتيوب مقاطع للتعليم

او هنا في المنتدى اكيد حتلاقي مواضيع لترويش القطط وطريقة الاعتناء بنظافتهم

وماتشوفي صعب ان شاء الله ^^

وبالنسبة للدورة يب انا شفت بستي نزلت قليل جدا من الدم شئ لايلاحظ يعني واحياناً كثيرة يغمق لون البول فقط

اذا غير كذا اتمنى تصححولي بس هذا الي لاحظته بس

[اخت امل]

اهم شي لاتخلية يعطيهم بنج ابدا .وعن التنظيف لاتروشينهم الا مرة بالشهر
كفاية انا ماروش بساسي الا مرة كل شهرين وانا انظفهم.حاولي انك تنظفيهم انتي
ومع الوقت بتتعلمي كذا احسن لك. وماعندي خلفية اذا اللقطط تجيلهم دورة او لا
وان شاللة تصحى بساسك بصحة وسلام

[ṁĪṣђα]

كفاية انا ماروش بساسي الا مرة

آمآآآآآ !!!
مآيتوسسخو
آنا آودي ميشا كل آسسبوع محل عشان تتروش
بصرآحه لو قعدت آكثر من آسسبوع يصير لونها آصفر مع آنهاا نظيييفه
غريبه !
-----
بالنسبه للموضوع آول مرآ آعرف تجيهم دوره ششهريه يومممه ~
وبعدين ترا الترويش مرا مايحتاج مخدر غريبه
آصلا من يوم وقعك تعهد ماشكيتي ! ~
وآلله آلله يعينك لو صار فيهم شي
بس آن شالله يقومو ..ولا تعيدين سسالفة المخدر هع

[دلوعةقطوتي]

الشور مو مستاهل بنج ترى البنج للحالات الضروريه لان الجرعه الزايده خطر لاعاد تخدرينهم والشور انتي سوي لهم شور احسن لك مو محتاجه محل وتخدير عشان شور صحة قطاوتك اهم

[genan]

يستعبط هالدكتور بقووه سقيم وش يحس !!!!!!!!!!!!!!!!!!ع شور مخدر وقلق وقرووشه وحفله ليه لاتوقعي على شي مره ثاانيه انتبهي ربي يخليهم لك

[أحبك توتو]

لا تخليه يعطيهم بنـج مررة ثانيـه أما الدورة ما عندي خلفيـه عنهـا