رايكم و معلوماتكم عن ببغاء الدره ؟ ضروري ؟

[راعية النيسان]

السلام عليكم .. شحالكم ؟؟

بما اني ضيفه عليكم من الإمارات حبيت أخذ خبرتكم
بما اني من فتره طويله ما ربيت ببغاوات كنت من و أنا صغيره لازم في حيوان في البيت

من الحيوانات ::


حمام رسايل

أرانب

طيور الحب

ببغاء الدره ما كملوا وايد وياي كانوا زوجين ما كنت اعرف اسمائهم
المهم ببغاء وبس فديتني والله ههه


و ببغاء الصغار أصغر حجم



المهم الحين .. كله منكم من اسبوعين وانا اتابع مواضيعكم و ردودكم في منها المفرح المضحك وفي منها الحزين بخصوص ببغاواتكم ..


هيجتوا المشاعر .. آلا ليت الطفولة تعود يوما .. إلي يسمع يقول الشيب تارس الراس




اريد اقتني الدره لكن مب عارفه أي دره بالضبط أريد أعرف طريقة الاعتناء بها لأني مثل ما قلت قبل كان عندي زوجين بس للأسف مات واحد والثاني طيرته (حتى ما اعرف وين الانثى والذكر )

اريد معلومات اكثر أريدهم يفرخون .. نصايحكم بارك الله فيكم ولا تقصرون في خويتكم ،،،



أخذ زوجين برايكم والاا انثى واالا بس ذكر ؟ وبعدين اخذ الطرف الثاني
يعني اخذ انثى وبعد فتره ذكر والا العكس ؟؟


والعمر أسأل عنه والاا مش مهم ؟؟؟؟

اي دره اخذ ؟ في نوعين اعتقد ما دري شو الأحسن ؟؟؟


تربيتهم كيف ؟؟؟ يتعلمون الكلام والاا لا ؟؟؟ حشره وازعاج فالبيت والاا؟

التفريخ عادي فالبيت يعني لازم عش و هالسوالف والا كيف )) ما عرفت كيف اشرح المهم ابغي ببغاء صغيرون


سعرها في الامارات كم وصل الحين ؟ و هل تستاهل ؟ والاا

التدريب و النظافه ياليت تخبرونيه عن هالامور بشكل اوسع



السموحه منكم طولت عليكم

[مجننهم]

طيب اخوي ممكن تحط الصور عشان اعرف اجاوب

[طيري وياكل من يد غيري]

السلام عليكم راعية النيسان انتي ماحددتي شلي تبغينه تبغين تفرخين دره او تبغين طير يتكلم اذا تبغين تفريخ الدره يبغيلهم قفص شوي كبير مع غرفة التفريخ الي هي مثل الصندوق بس اعتقد لو تبغين طير يتكلم بطلاقه اعتقد الكاسكو والامزون بيفيدونج اكثر لانه الدره كلامه بسيط واذا حطيتيه تفريخ يكون صعب يتكلم لانه بيكون فيه ذكر وانثى لذلك يرجعون لطبيعتهم ويطلعون اصوات فقط اقصد بالاصوات يعني صوتهم الطبيعي الي مو كلام واذا عن الازعاج اغلب الطيور تكون مزعجه وخاصه اذا حست بحزن او فرح تصدر اصوات وتقبلي تحياتي

[الكناري المغرد]

اختي انت ما حدتي لنا وشـ تبين اذا تبين ببغاء صغير خوذي الدره

اذا تبين كلام خوذي افريقي او امزوني

اذا تبين لعب و جماال صن كنيوور

اذا تبي واذا تبي و اذا تبي يا اختي حددي لناا

وحنا نفيدك انشاء الله

[أحبك توتو]

إخذي فرخ درة عشان يت‘تود عليك و يحبـك أما الكاسكو يتكلم بس صعـب الترويض أنا راح أبيـع الكاسكو و إذا لقيت فروخ درة راح أشتـري و الله حلوين توكلينـهم تقريبا شهر على ما يفطمون.


هـذا صورة لزوج لدرة الذكر عليـه طوق و الأنثى ما عليها طوق بس هـذا هولندي أحلى من الهنـدي و أكبـر



هـذا صورة لزوج لدرة الذكر عليـه طوق و الأنثى ما عليها طوق بس هـذا حجمه أصغر

[راعية النيسان]

مجننهم

انا اسألكم عن الدره بشكل عام

طيري وياكل من يد غيري

من يومين سامعه المثل هذا
بس شو معناه ؟

يعني لازم احدد يآ تفريج يا كلام

خلاص بأجل مسألة التفريج شوي ..

بآخذ ذكر بس ما قلتولي أي نوع من الدره آخذ؟

و كيف اهتم بنظافتهم؟


شكرا عالإفاده ما قصرت

الكناري المغرد

استقرين على الدره .. بس اي نوع آخذ
و عطوني معلومات من خبراتكم ..؟

أحبك توتو

فرخ مشكله لأني مب دوم فالبيت ومحد بيهتم فيه غيري
أما لو كان أكبر بشوي عادي الخدامه بتقوم بالمهمه

على كم عمرك تنصحوني آخذه بس ما اريد يكون فرخ ؟



شكرا لكم جميعا عالمرور و بنتظار الاجوبة .. تعرفون اني حلمت بالموضوع
و حصلت فيه 3 ردود هذا في الحلم و كان كل رد سطر أو كلمتين وبعد جان اتحطم وزعلت عليكم هههه



بس ما خذلتوني ..ما قصرتوا والله ،،*

[كاسكـــو]

الدره نوعين الهنديه وهي صغيره ويجي منها الوان كثيره وهي ثاني صوره في رد العضو احبك توتو

وفيه الدره الكبيره النيباليه اللي حط صورتها العضو احبك توتو وهي اول صورة

الافضل اقتناء دره مدربه او دره صغيره للتدريب لانه معروف عن الدره اذا هي غير اليفه وكبيره تكون متعبه وعنيده

[راعية النيسان]

كاسكو الله يعطيك العافيه عالمرور و التعليق

من النكات إلي لفتت انتباهي قبل التسجيل

مشكور اخويه وما تقصر


=================


شكلي باخذ مدرب مجهز و خالصه اموره
بس يمكن اغير رايي في آخر ثانيه ..


الحين أريدكم تركزولي على النظافه بارك الله فيكم
لأني قريت ما دري عندكم والاا عن المنتدى لي فالشارع الثاني ثاني لفه على ايدكم اليمين


يفتحون الولف و يخلونه ياخذ راحته و حد ينظفه هو ..؟


شو الاحسن وهل لازم يوميا والا كيف الترتيب






ادري ازعجتكم

[كاسكـــو]

امممم النظافه قصدك الاستحمام ؟؟ انا فهمت كذا

اذا هو يحمم نفسه كويس

او انتي تحممينه مره او مرتين بالاسبوع

مع مراعاه اخذ الحيطه والحذر من الاصابه بالبرد

[راعية النيسان]

فهمك صحيح..

كيف احممه انا ؟

ياهي سالفه ههه

)) داشه بقوه
كل شيء ابغي اعرفه