البائع نصب عليا .. ايش اعمل ؟؟

[son son]

السلام عليكم ..

اليوم انا كنت بجنوب جده "من غير ذكر المحل" ولقيت محل طيور بسوق الاهدل ..

نقيت جوز بادجي على 90 ريال .. انا اعرف افرق بين الذكر والنثى واعرف كيف اذا كان كبير او لا ..

المهم البائع استغفلني لما رحت ادور القفص .. وما ادري ايش سوا .. المهم لما رجعت البيت لقيت جوزين بعيدين كل البعد عن اللي انا اخترتهم .. لقيت الانثى مريضه وديلها كله وسخ ودايما بارض القفص ..

والذكر واحد من جناحاته مقصوص كامل ..

انا اشتريتهم بغرض الانتاج .. الانثى والله اعلم حتموت .. وانا ما حبيت اخليها عندي .. وديتها وسيبتها بحديقه ..

طيب بالنسبه للذكر .. هل اجيبلوا انثى ولا ماينفع .. لان انا سمعت اذا انقص الجناح وخاصه ريش التوازن الذكر ماراح يقدر يلقح ؟؟ ايش رايكم

وانتبهو يصير معاكم نفس الشي "طبعا انا مارجعت لان والله مافيا اضرب مشوار ساعه وشويه عشان 90 ريال" ..

وسلامتكم ..