سؤال وجواب (في تدريب وترويض الببغاوات والعناية بها)

[no0La]

المشاركة الأصلية كتبت بواسطة ام ماجد

السلام عليكم

ممكن سؤال يااساتذه ^_^
اذا كان الببغاء ماعنده افرازات حول الانف ولا عنده سهال الله يكرمكم
بس اشوفه اليوم جالس في نهاية القفص هل يدل انه مريض ؟
لأنه بيكمل اسبوع اول يوم بس جالس تحت لأنه خايف بس الباقي بس لما اقرب واذا ابعدت طلع فوق
مستغربه اليوم لايكون مريض ؟؟؟؟

وبعد بسألكم متى ابدا اطلعه من القفص لأنه له اسبوع عندي ولا طلعته

ومتى ابدا اروشه

وعليكم السلآلآم ..

ممكن يكون مريض وممكن يكون خايف

احرصي اهم شي اذا كان تحت بالقفص يكون بعيد عن الاوساخ
لانها بحد ذاتها مرض فضلات حشرات بكتريا .. الخ

هو طالما جديد عليه المكان يحتاج اقلها اسبوعين يتعرف ع المكان
الجديد والاشخاص اللي حوله وكـ بدايه خليه بالقفص وحطي له بس المويه والاكل
بعد الاسبوعين طلعيه من القفص وخليه على استاند

الترويش مهم بالنسبه لحالة الجو حالياً مره او مرتين بالاسبوع
وممكن تستخدمي بخاخ المويه كم رشه على الطير من كل الاتجاهات
بس نبي نتأكد اول شي ان جلوسه باخر القفص مو مرض ان شاء الله
وانتي تعرفين من حركاته ونشاطه وأكله واذا هو خامل يفضل يشوفه بيطري
اذا واضحه عليه علامات المرض او اذا تقدرين تصورينه فيديو اتأكد بس من حالته

[ام ماجد]

وبعد سؤال انا مخليته في غرفه بروحه بس اقعد عنده بعد ثلاث ساعات نص ساعه
عادي مايمل ؟

ومتى احط له العاب اخاف انه يخاف منهم

[no0La]

المشاركة الأصلية كتبت بواسطة ام ماجد

وبعد سؤال انا مخليته في غرفه بروحه بس اقعد عنده بعد ثلاث ساعات نص ساعه
عادي مايمل ؟

ومتى احط له العاب اخاف انه يخاف منهم

غرفه لحاله حاليا لانه جديد ماتضر
وانتي استفيدي من الوضع الحالي بجلوسك معاه اكثر شي
علشان يتعود عليكِ ويولف بسرعه وكل مازاد جلوسك ولعبك معاه
زادت الالفه بينكم وكل ماجلستي عنده كلميه ..

الالعاب في البدايه راح يخاف منها
يخاف من اي شي جديد عليه بالقفص
بس راح يتعود ويبدا يلعب فيهم ويكسرهم
حطي له العاب خشبيه او كور بلاستكيه او اغطيه المويه يلعب فيهم
علشان مايحس بالملل ..

[محبـه الكوكاتيـل]

جزاكم الله الجنه على جهودكــمـ

ماسعر الكوكاتو ابو عرف اصفر

[مس^^مس]

طيب ببغائي غبي .. ياناس ايش اسوي معاه ..

خايف من الستاند ومو راضي يطلع عليه ..

صار له اسبوع عند قفصه وللحين من يوم احرك الستاند شووويه يطير .. : S

[غصب عليك]

طيب ماجاوبتوني
طيري وش نوعه أهو أفريقي
وهل هالنوعيه ممتازة ولا لا
وهل يقدر يتكلم ام لا ؟
سااااااااااااعدوني

[no0La]

المشاركة الأصلية كتبت بواسطة غصب عليك

طيب ماجاوبتوني
طيري وش نوعه أهو أفريقي
وهل هالنوعيه ممتازة ولا لا
وهل يقدر يتكلم ام لا ؟
سااااااااااااعدوني

هلا بك ..

طيرك نوعه درة هنديه
واذا ماخاب ظني لان الصور مو واضحه
انثى دره هنديه

النوعيه ممتازه واذا تعودت ع صاحبها تشوف منها العجب
كلام الدره محدود جداً وفيه انواع منها معجزه تتكلم رغم ان الكلام محدود
وغالبا تسمع منها كم كلمه وكلها قصيره جدا الو بابا ياواد وصوت البوسه
والتصفير اشكال وانواع والصوت ماشاء الله عالي + انه مزعج

بالنهايه يقدر يتكلم ويتدرب بشكل حلو بس تحتاج صبر وتكرار وطولة بال

[no0La]

المشاركة الأصلية كتبت بواسطة مس^^مس

طيب ببغائي غبي .. ياناس ايش اسوي معاه ..

خايف من الستاند ومو راضي يطلع عليه ..

صار له اسبوع عند قفصه وللحين من يوم احرك الستاند شووويه يطير .. : S

اهلين ..

اذا خايف ويطير بأإستمرار

حط عصى الاستاند فوق القفص الى مايتعود عليها
ويروح عنه الخوف يقدر يوقف ع اي استاند وحط الاكل المفضل
في علبة الاكل علشان بكل مره يخف خوفه وطيرانه من فوق لاستاند

[ام ليان]

بالنسبة للكور البلاستيكية كيف اخليها عن الطائر
يعني اعلقها ولا اتركها في ارضيه القفص وكم كورة احط

[no0La]

المشاركة الأصلية كتبت بواسطة ام ليان

بالنسبة للكور البلاستيكية كيف اخليها عن الطائر
يعني اعلقها ولا اتركها في ارضيه القفص وكم كورة احط

الكور البلاستيكيه اللي يلعبون فيها الاطفال
الصغار اضمن لانها تكون غير ضاره لاننا نلاحظ اغلب الاطفال اي شي بفمهم

خلي الكور عنده مثلا اذا كان خارج القفص ع الارض او ع الطاوله
او اذا كان في البانيو واذا كان داخل القفص اول شي لازم الشبك
يكون فوق شوي عن الفضلات اللي تحت وعادي خلي الكور بالارضيه
حتى لو نزل ولعب فيهم نضمن سلامة الطير

حطي كوره او اثنين وهو ماراح يقصر ويقطعها حتت حتت
ممكن في البدايه يخاف منها بس مع الوقت راح يتعود