يومياتنا

[مستر زوو]

اما عن يومياتى فتعبر يوميات مواطن مفروم بصحى على 12 الظهر بتوقيت القاهره صليت الضهر وفطرت وانا واقف ونزلت بسرعه جدا اخدت عربيتى وجرى على المكتب اللى كان ممتلىء على اخره وكله يدور على مستر زوو مهندس الديكور العبقرى اللى معطلهم دخلت المكتب وبدا العمل الشاااااااااق قعدت افتكست شويه ورسمت بعض الاشياء ومريت على العمال فى المواقع تغديت بسرعه جدا تاك اواى على السريع من عند عم عبده بتاع السندوتشات الملوثه وفجاه ضربت فى البعكوكه فكره جهنميه البعكوكه اللى هى طبعا دماغى والفكره هى انى لما ارجع اد صنارتى الجميله وراح اصطاد لكن للاسف ماتمت الفكره بسبب ضيق الوقت فجاه لقيت الساعه 7 مساءا
رجعت جرى على المكتب اللى كان فضى قعدت العب شويه مع سلحفاتى وهامسترى اللى بالمكتب واشتغلت شويه كمان وانتظرت احد العملا اللى كان جاى لى بمبلغ مالى باقى حساب شغل طبعا قعدت انتظرته لحد ما جه وقبضت طبعا لكن تاتى الرياح بما لاتشتهى السفن لانى وانا راجع فى الطريق لقيت عزيزه عطلانه وعزيزه طبعا سيارتى اللى شبه الست العجوز وجدتها لا يتحرك فيها ساكن ولا ادرى ايه اللى حصل فيها بس اعتقد انها ماتت خلاص وطلعت على المعاش قفلت باب عزيزه وكانى ماسك بيد مريض وافته المنيه وهو لا يتحرك واخدت تاكسى ورجعت طيران وانا كلى شوق لاعضاء تو زوو الجامدين جدا ونزلت من التاكس اشتريت عصير ولب قلت اعمل حفلة تابين للماسوفه عزيزه والان انا بين يدى منتدى تو زوو الجامد واعضاءه اللذاذ جداااااا واعتقد اليوم هينتهى انى هتصفح المنتدى وهكلم بعض الاصدقاء واراسلهم واتصفح بعض مواقع الديكور وهاكل حيوناتى المسكينه وهناااااااااام بس خلاص اةةةةةةة نسيت اقولكم انى سعيد جدا بفكرة الموضوع ونتمنى التثبيت المميت بايوووووووووز