باركولي شريت الرمادي بس ورطانه ..

[هـامس الـطـيـر]

الحمدلله على كل حال البرد يلعب دور مات علي واحد قبل يومين كان عنده اسهال وماياكل

انقهرت عليه كثير الحمدلله وان شاء الله نشوف طيرك يتكلم ويغني

[تراني جديدة]

هامس الطير .. والله ضيقت صدري .. بس معليش الله يعوضك خير يارب ..ويرزقك احسن منه ..وشكرا كثير على الدعوه ..

[معاد تفرق]

تراني جديده مشاء الله تبارك الله اخبار حلوه طمنينا عن طيرك اول باول وخشمه الفتحتين اللي فوق منقاره وبالنسبه للمضاد لاتخافين مايضره منه نفع ولااا منه ضرر امشي على تعليمات الطبيب ولاتقلقي .. تحياتي

[تراني جديدة]

معاد تفرق .. هل يومين ناويه امسد على راسه ولا احك منقاره .. كفايه دلع .. بس الله يعيني على العض مع انه حاول يخوفني وانا قاعده أكله بس ما عض .. ترى فكره اني احط بنج على ايدي ميب شينه .. على الاقل الين ما يعض ويخلص .. دامه يقبل ياكل من ايدي جات على حكه راس

[تراني جديدة]

اخبار طيري جدا تعيسه .. بعد ما اخذ المضاد الحيوي سار على طول يرجع .. ولا يرضى ياكل اي شي احاول بس مافي فايده ..ومن امس مو راضي ياكل شي ..طبعا وقفت المضاد .. كلمت امس كذا بيطري واحد قالي لاتعطيه شي .. الثاني قال جيبيه اشوفه .. والي وصفلي المضاد قال يمكن سار عنده جفاف الله لا يبارك فيه وفي علاجه ..ليته حطوه مذيع على كثر فلسفته .. والجو الحين جدا برد وخايفه اطلعه للطبيب ومن تجارب البيطريين ولا ودي يجربون عليه ادويتهم العقيمه .. بس مو راضي ياكل وبطنه فاضيه ولمن اشربه يطلع المويه .. عندكم حل لي او مشوره ..ولا اصبر اليوم بعد ..واراقبه ..

[Mr. MeMo]

اختي الفاضله

ان شاء الله مافي الا الخير
ارجو ان تستقري علي طبيب بيطري واحد فقط
و لا تشتي نفسك مع اكثر من بيطري

و اذا الوضع مثل ما وصفتي راجعي البيطري مره
اخري اليوم و لا تنتظرين اكثر

و اتمني لطائرك الشفاء

[هـامس الـطـيـر]

معروف البيطريين اكثرهم كذابين يدفون على الادويه هذا طيب ما يجيب فايده يعطونك واحد ثاني

هذا احسن من الاول المهم فيه ادويه انا بستخدمها مدري هل هي عندكم موجوده او لا

بالنسبه لطيرك ما يخوف كثير فيه عندي واحد زيه راح احط صورته ما ياكل الى لوز مدمن لوز

دوار الشمس ما يحطه في فمه تفاح ذره مافي فايده ولما يجيه هواء بارد يكش ينفش ريشه

بس الحمدلله لما اعطيته الادويه سار احسن من اول

[معاد تفرق]

تراني جديده وسعي صدرك انشاء الله خير ووقفي العلاج وخلي طيرك قدامك وطالعي زين فيه هل هو فعلا مريض وش العلامات اللي عليه هل عيونه طبيعيه او تميل الى الارتخاء والذبول .. صدره هل فيه انتفاخ عند التنفس .. خشمه هل يصدر صوت .. حلقه هل هو طبيعي .. منطقه اخراج الفضلات هل تتعلق فضلاته على الريش اللي حولها .. عندما يتنفس هل يتنفس من خشمه وهذا شي طبيعي او يتنفس مع فمه ؟؟؟... بعدين وش سبب انك تعطينه علاج ما اذكر انك تقولين مريض ..كنتي تقولين انه ساكت ونافش ريشه طيب شي طبيعي للببغاء الجديد وجاي في البرد .. واذكر انك تقولين كنتي تعطينه فيتامين هل هو فعلا محتاج له ؟؟ فيه ضعف .. او ريشه مو تمام .. او باينه عليه علامات نقص ..؟؟ اي علاج او فيتامين يستخدم لازم يكون فيه سبب واذا مافيه سبب يضره ..

ياليت نلاقي اجابه عشان نقدر نساعدك.. هل هو فعلا مريض حددي نوع المرض او فيه نقص ملحوظ ويحتاج للفيتامين ؟؟؟؟؟ .. تحياتي

[تراني جديدة]

وديته اليوم لطبيب بيطري غير الاول ..شوفوا الفرق بين الطبيبين الاول الي رحت له قبل امس بس طالع فيه والطير جوا القفص ولا كشف عليه وقال بعطيك دوا يخليه ينطنط ..

الثاني اول ما وديته دخله في غرفه وطلعه من القفص وخلاه يمشي عشان يشوف مشيته وبعدين سدحه على الطاوله وقعد يفعص في جسمه ويمسك عظامه وشاف فظلاته .. حسيت انه جد طبيب موب الاول حسبي الله عليه ..

الاول كتب علاج مدري وشو قال مضاد ويبي يخلطه مع علاج ثاني بس ما لاقاه ..
الثاني عطاني دوا في ابر وقال تحطين شرتطين .. وقال اسم المرض سالمونيلا ( الاسهال الاخضر )
ولمن خلاه يمشي في الارض كان يمشى كأنه اعرج ووراني عظامه وقال لازم ما تنشاف لازم تكون ملايانه وبصحه .. وقالي حطي سرلاك في ابر واكليه ( يا حلاوه انا قادره امسد على راسه عشان افتح منقاره .. الموضوع كبر .. )

اطبيب الاول الخايس يوم كلمته واقوله انه قاعد يطلع المويه الي يشربها قاعد يقولي طمنيني طمنيني يمكن يموت .. طيب انا مين يطمني .. اقوله اوقف العلاج موب عارف يرد على ..

طبعا الواحد يتعلم من تجاربه .. وانا ناويه البس الجونتيات واخوض التجربه الله يستر .. لا واطلعه من القفص ادري انه كان بيجي يوم واطاعه من القفص بس موب بهل سرعه .. وبتفضاله ..


مستر ميمو .. الاحداث تمر ورا بعض .. والواحد يتعلم ..


هامس الطير الله يخليه لك .. راي الخاص في البيطريه انهم من جنبها ..


معاد تفرق .. انا في الاول ما كنت اشوف غير انه ساكت ونافش ريشه بس كان ياكل مني والفيتمينات عطاني اياها البايع يقول احسن لان هل طيور تجي من البحرين وسفر ومعرف ايش .. بس البيطري الخايس هو الي خربها يوم عطاني مضاد سار يستفرغ طيري من ولا ياكل ولا راضي يشرب .. الحين راح ابداء التجربه مع البيطري الثاني الي كان طريقه كشفه مقنعه شوي ..

احس انو طيري سار يكرهني كل شوي ونا حاطه له دوى في المويه ..

عنده هل اربع ايام يا يتسنع وياكل ويسير ولد ناس ولا عاد بكيفه .. ما غير لفلفه على هل بيطريه .. وبفتح له هل منقار وبلبس جونتيات والله يعين .. هذا اقصى شي .. ويا يطيب ولا عاد بكيفه .. طير غيره المفروض يفز من المرض يوم يشوف هل الاهتمام ..

[معاد تفرق]

انشاء الله راح يتحسن طيرك

اجل لو تعرفي معاناتي .. انا الببغاء حقي جاه التهاب حاد ومزمن والله انها اربع شهور اعالج فيه لاني حسب ما سمعت الالتهاب المزمن يطول وواضح من اسمه ماخليت عياده بيطريه الا رحت لها
لاني بصراحه كنت خايف عليه حبوب واليف ويتكلم ونيس وحدتي وبعد اربع شهور طاب ولله الحمد والشكر .. تعمدت اذكر القصه هذي عشان اعطي توني جديده امل وتفاؤل .. تحياتي