مساعده من خبراء الكوكاتو

[سنايديه]

السلام عليكم

والله ياخوي من ناحية ازعاج الطير او صراخه فهي فعلا مشكله كبييره وللاسف بعض الاهل

متعودين على الهدوء ومايبون ازعاج

شريت امزوني من شهر ويدي على قلبي لا يطربنا بصراخه لان ليلحين الاخ

ما اخذ راحته في المكان وعلى قولتك الوالده عندي لو تسمع نص صرخه بنصير

انا وياه في قارعة الطريق

من ناحية السعر اللي ذكرته للكوكاتو مدري بس احسه غالي شوي

ومدري هل يوجد فرق كبير مابين المليكون والسلفر لاني سبق وشريت سلفر

باربع الاف ريال

[ابوخاالد]

معليش اخوي 9000 درهم مبالغ فيه جدا

لو بتدفعها بالكوكاتو صدقني بكرا لو الطير يعطس بيمغصك بطنك

[رحماك ربي]

اخوي (سنايديه) صراحه لازم نسير نشتكي في جمعية حقوق الانسان ما يخلونا نمارس هوايتنا لازم ضوابط وشروط. هههه

وعن الفرق بين المالوكن والسلفر فرق كبير فالسعر. لان المالوكن نادر.

ليش بعت السلفر مالك؟

[رحماك ربي]

اخوي (ابوخالد) مشكور عالرد

صراحه كلامه صح خاصه مغص البطن ههههه

[بندولة حب]

المشاركة الأصلية كتبت بواسطة رحماك ربي

مشكوره اختي (بندولة حب) عالرد الجميل

بس شو الازعاج اللي يسببه الكوكاتو؟ افيديني جزاك الله خير!

واكيد بستخير إن شاء الله قبل ما اشتريه ومشكوره عالتذكير.

الازعاج قصدي الصراخ اللي اذا راق الطير او شاف احد غريب طلعه وربي الصوت اجرام

صراخ يصم الاذن وربي مجربته اشترية كوكاتو وربي رجعته على طول من صراخه

[رحماك ربي]

تسلمين اختي (بندولة حب) هذا شيء مزعج صراحه. سبحان الله كل شيء فيه حسنات وسيئات والكامل (الله سبحانه وتعالى)

[امير دبي]

صح بخصوص الصراخ ياخوي تراه انا عندي واحد وصراخه فضيع فضيع والله اذكر يوم اشتريته واول مره اسمعه يصرخ
قلبي قام يدق بسرعه لان صراخه ثاقب بس بصراحه الي عندي مايصرخ وايد عاد على حسب انت وتدريبك له واذا تبي تعرف كيف صراخه هذا فيديو شوفه وانت احكم وع فكره هو يصارخ بأي وقت مش من الخوف او شي مرات من الملل مرات يبا حد عنده مرات هو يلعب اخيلك مع الفيديو

[سنايديه]

مشاء الله على ها المليكون يطلع منه طرب طرب ,يطرب اهل البيت والجيران والحاره

غرااب غرااااب

هذا مستانس وكذا اجل لو زعلان وش بيسوي

هذا لوبيعطوني اياه ببلاش ويعطوني معه كورفت مابغيته

9000 من زينه والله يا الدجاجه املح منه وافيد منه

هو وسيقانه سيقان سلوى


اما عن السلفر الي بعته بصراحه كان رااائع بكل معنى الكلمه لكن سبب البيع

اول حاجه المسحوق الابيض الي يطلع من اريشه كان مثل الطحين وللاسف عندي واحد من الاهل

فيه حساسيه قلت بعد لايموت علينا وينشبونا فيه

وفي نفس الوقت كانت جدا لعوبه وذكيه وكان لازم لها اهتمام خاص جدا فيها لانها تستاهل

الاهتمام الخاااص فيها لكن كان عندي امزوني وماقدرت اوفق بين الاثنين للاسف

ولا ابي اظلم واحد على حساب الثاني خصوصا انها قهرت الامزوني قهر جابتله الحاله النفسيه

صار يصارخ من قمة راسه كل ماشافها وهي ماقصرت فيه

عشان كذا عطيتها للي ستاهلها ويدلعها ويعززها

واسفين طولنا عليك

[كاسكـــو]

[CENTER][COLOR="Blue"]

المشاركة الأصلية كتبت بواسطة امير دبي

صح بخصوص الصراخ ياخوي تراه انا عندي واحد وصراخه فضيع فضيع والله اذكر يوم اشتريته واول مره اسمعه يصرخ
قلبي قام يدق بسرعه لان صراخه ثاقب بس بصراحه الي عندي مايصرخ وايد عاد على حسب انت وتدريبك له واذا تبي تعرف كيف صراخه هذا فيديو شوفه وانت احكم وع فكره هو يصارخ بأي وقت مش من الخوف او شي مرات من الملل مرات يبا حد عنده مرات هو يلعب اخيلك مع الفيديو

قسسسسسسسسم ازعاااج

هههههههههههه هذا الامبريلا ملك الازعاج معروف

على قولت سنايديه هذا وهو مستانس

حتى انا طيري سلفر هادي وحبوب ماعنده ازعاج

[سنايديه]

هذا المليكون الي تقصد مشاء الله شكله حلو فعلا النوع نادر

بس انا اختلط علي الامر بينه وبين الامبريلا