==> شريت كيتي >مقطع فيديو

[الصولجان]

السلام عليكم ورحمة الله وبركاته

انا عارف انها اول مشاركة لي في هذا القسم وانشالله ماتكون اخر مشاركة
المهم ابقول لكم قصتي مع كيتي
انا كنت يعني ناوي اشتري ببغاء ==> وطبعا كان احتمال اني اشتري قطه من سابع المستحيلات لأنها ماكانت داخله راسي بس ذاك اليوم رحت محل حق حيوانات اليفه وشفت ذيك القطوه اللي عيونها زرق ولونها ابيض شكلها موووت اعجبني بس موهذا الشئ اللي خلاني اشتريها السبب ان راعي المحل فك الباب ونا كنت جالس على الكرسي والله انه اول ما فك الباب نطت على رجلي احسبها بتعضني بس طلعت انها تبي تلعب وبعدين يوم قمت والله جالسه تلاحقني وشكلها حلو
قلت والله ما اطلع الا وهي معي وشريتها
طبعا صار لي من شريتها امكن اربعة ايام المهم
انا كنت ما اعرف اي شئ عن العناية بالقطط وطبعا اول ماشريتها كنت حاطها في قفص بس ثاني يوم الصبح اخذتها عيادة وعطهوها تتطعيمه باقي على حسب قول الدكتور 2

ماعلينا بس ابقولكم شئ يوم اخذتها الدكتور صاح علي قالي انت ليش ماتهتم فيها ياخي حرام عليك قلت له ليش قالي هذي وزنها ناقص بشكل فضيع طبعا ابغى اقولكم ان المحلات في كثيييييييييييير من الاحيان يهملون القطط ولا ياكلونها زي الناس طبعا فهمته اني قبلها بيوم شاريها وان البلا من المحل طولت عليكم بس هذي قصتي من طق طق الى سلام عليكم
تحياتي لكم
الشئ اللي صعقني من جد ليش الشامبو قيمته 65 ريال
اسف على الاطاله
اخليكم مع المقطع مع ان التصوير خايس بس وش نسوي
http://www.9q9q.net/index.php?f=WvSIkhEC