اشترك في نشرتنا البريدية ليصلك كل جديد

كاسكو رمادي · 16-05-2009, 08:42 AM

السلام عليكم .......اخواني في الله جايب لكم موضوع امس جربتة.........

دواء الحكة:

كنت الاحظ ان الكاسكو اللي عندي 4 شهور من العمر يحك وايد المهم سويت بحث في النت وعرفت ان جلدة يحتوي على جراثيم وبكتريا وبراغيث يمصون الدم منه...وشي الثاني هو ان البراغيث والبكتريا مضره للاطفال و كتاكيتي ما يقصرون كلة واقفين على راسة

.....المهم قلت لا لازم اشوف له حل وشتليت عند الصيدلية للحيوانات و الطيور وخبرته عن السالفة ((الحكة)) وعطاني دواء ب
60 درهم واسمه ECTOSPRAY هو عبارة عن بخاخ المهم يبتة ورشيت الكاسكو رشتين تحت الجناح ورشة على الصدر ورشة علي الظهر بس انتبهت على اساس ما يسير في الوجه والحين الطير عسل على عسل ما شاء الله ما يحك وهاي صورة الدواء

دواء الديدن

هذا الدوا عبارة عن طارد الديدان في الطير يعني اذا الطير ياكل اكل ما يستفيد منه لان الديدان اللى في بطنة هي اللي تستفيد

وفي النهاية الطير يضعف ويموت

.....اسم الدواء AVITROLPLUS
وطريقة الاستعمال هي انه تحط ماي عبارة عن 20مل في وعاء نظيف وتضيف له 12 قطرة من الدواء وتحطة للببغاء لمدة 24 ساعة ولا تشربة الا من الماء مخلوط الدواء في هذه الفترة وشوف النتائج شهت الطير زادت و صحي و حركة زيادة نشيط جدا...سعر الدواء 45 درهم وهذي صورت الدواء

وهذا المضوع يبتة على اساس الببغاوات ما تعاني ولا الاطفال يعانون من بعض الامراض

والسموحة على التقصير

وتقبلوا تحياتي