اشترك في نشرتنا البريدية ليصلك كل جديد

سمساار · 20-07-2009, 12:03 AM

اقتباس:

المشاركة الأصلية كتبت بواسطة kookez

بالله اخوي سمسار ياريت تساعدني دورت كل مواضيعك مالقت شي ريح بالي

1-عمر الكاسكو (لون العيون)؟
ابيض

الكاسكو أليف ولا لاء؟
لا
3-جناح الكاسكو كامل ولا مقصوص؟
كامل واذا تبغاني اوديه اقصه مافي مانع
4-عندك طولة بال على الكاسكو؟
ايوا
5-انت اتخاف من الكاسكو يعضك؟
لا
6- حاط الكاسكو داخل قفص ولا على استاند؟
القفص

ابغى اعرف كيف يطلع من القفص كيف اطلعو من القفص هل احطه بمنشفه واطلعو فوق الاستاند ولا افتح القفص واخليه يطلع

حياك الله
اخي العزيز
افتح غطاء القفص العلوي وبعدها الطير من نفسه بصعد فوق حطله الغطاء يصعد عليه وبعدين حطه على الاستاند اتمنالك التوفيق

انا دائما بالخدمه

rock_1001 · 20-07-2009, 03:29 AM

سلام عليكم اخي السمسار ويعطيك العافية على المجهود الكبير

تابعت المشاركات السابقة للاخوان عشان تكون عندي خلفية عن التدريب و حبيت اعرف تفضل التدريب يكون بقفاز او لا

1-عمر الكاسكو (لون العيون)؟ سنة ونص تقريبا حسب الاعضاء سبق وحطيت صورته وصار ليه تقريبا شهر عندي يعني تقريبا تاقلم على الوضع الجديد

2-الكاسكو أليف ولا لاء؟ لا كلش من قرب من القفص يجعر بس يسمح لي انظفه القفص بس غيري من يحط يده داخل القفص يهجم عليه

3-جناح الكاسكو كامل ولا مقصوص؟ مقصوص

4-عندك طولة بال على الكاسكو؟ نعم

5-انت اتخاف من الكاسكو يعضك؟ لا

6- حاط الكاسكو داخل قفص ولا على استاند؟ لا داخل القفص وطلعته قبل فتره بمشفه وكان يحاول يعضني باي طريقة ويعض المنشفه

سمساار · 20-07-2009, 04:16 AM

اقتباس:

المشاركة الأصلية كتبت بواسطة rock_1001

سلام عليكم اخي السمسار ويعطيك العافية على المجهود الكبير

تابعت المشاركات السابقة للاخوان عشان تكون عندي خلفية عن التدريب و حبيت اعرف تفضل التدريب يكون بقفاز او لا

1-عمر الكاسكو (لون العيون)؟ سنة ونص تقريبا حسب الاعضاء سبق وحطيت صورته وصار ليه تقريبا شهر عندي يعني تقريبا تاقلم على الوضع الجديد

2-الكاسكو أليف ولا لاء؟ لا كلش من قرب من القفص يجعر بس يسمح لي انظفه القفص بس غيري من يحط يده داخل القفص يهجم عليه

3-جناح الكاسكو كامل ولا مقصوص؟ مقصوص

4-عندك طولة بال على الكاسكو؟ نعم

5-انت اتخاف من الكاسكو يعضك؟ لا

6- حاط الكاسكو داخل قفص ولا على استاند؟ لا داخل القفص وطلعته قبل فتره بمشفه وكان يحاول يعضني باي طريقة ويعض المنشفه

حياك الله
بنسبه لسئالك عن القفاز
القفاز بهيج الطير ويخوفه وتعب نفسيته وبزيد من جعرته
اتمنى انك ماتستعم القفاز لتدريب نهائي
والمنشفه كذالك لاتقربها عنه
اذا حاب انك تطلع الطير من القفص تتبع هذي الخطوات
افتح غطاء القفص العلوي وبعدها ادخل الغطاء داخل القفص راح تشوف انه الطير بيتعلق عليه ومن بعدها ترفع الغطاء وهذي افضل طريقه لخروج الطير من القفص
نصيحه مني اذا كنت تحب الطير يتعلم حس فيه ولاتحاول تخوفه منك ودايمن عامله بلطف راح تشوف الفرق بعينك وتشعر بالتغيير الكلام معاه اثناء التدريب مهم جدا والمكافئه اثناء التدريب من اساسيات التدريب ايضا اتمنالك التوفيق انشاءالله وفي حال اي استفسار مستقبلا تلقاني عندك

انا دائما بالخدمه

Destr0_0y · 20-07-2009, 07:32 AM

اخوي سمسار حاب اشكرك على توجيهك لي والله الطير من بعد ماقلتلي كلمه مرتين باليوم الصبح وبليل ولمدة نص ساعه الطير بدأ يحبني بفتره مدتها 3 أيام باعتبار ان اليوم اهو اليوم الثالث مع العلم ان ما صارله اسبوع عندي بالبيت الطير يا سمساار اذا كان بالقفص بس يشوفني يقعد يصفر ويتعلق بالقفص باتجاهي واول ما اطلعه على الاستاند اذا ما شلته على ايدي يطير ويني كنت بالدار كنت بالمطبخ لاتسألني شلون هالطريقه مو بس لتعليم الطير الكلام بس تزرع الالفه والموده والحب بينك وبين الطير ومثل ما اقولك اخوي سمسار الطير توني شاريه ماصارله اسبوع عندي

lll_o · 20-07-2009, 08:00 AM

ماشاء الله

والله الطريقه حلوه و يبغالي اسويها مع طيري بس مدري يا سمسار ممكن تزبط الطريقه مع طيري و هو مشتاق لراعيه الي قبلي؟؟؟ و عندي سؤال ثاني؟

الطير حقي ما يبغا احد يمسح عليه فقلت خليني احاول و انشاء الله بتزبط بس مدري تنجح الطريقه هاذي ولا لا

الطريقه اني احط الطير على يدي و اقربه من صدري لين الصق وجهه بصدري و امسح عليه بيدي الثانيه

قدرت امس عليه 3 مرات ورا بعض هههه هاذا اكثر شي وصلتلو

فما ادري الطريقه كويسه ولا لا؟؟

سمساار · 20-07-2009, 02:26 PM

اقتباس:

المشاركة الأصلية كتبت بواسطة Destr0_0y

اخوي سمسار حاب اشكرك على توجيهك لي والله الطير من بعد ماقلتلي كلمه مرتين باليوم الصبح وبليل ولمدة نص ساعه الطير بدأ يحبني بفتره مدتها 3 أيام باعتبار ان اليوم اهو اليوم الثالث مع العلم ان ما صارله اسبوع عندي بالبيت الطير يا سمساار اذا كان بالقفص بس يشوفني يقعد يصفر ويتعلق بالقفص باتجاهي واول ما اطلعه على الاستاند اذا ما شلته على ايدي يطير ويني كنت بالدار كنت بالمطبخ لاتسألني شلون هالطريقه مو بس لتعليم الطير الكلام بس تزرع الالفه والموده والحب بينك وبين الطير ومثل ما اقولك اخوي سمسار الطير توني شاريه ماصارله اسبوع عندي

السلام عليكم
والله فرحتني وايد شفت اشلون لما بتحس بالطير وتتقرب يمه الطير راح يبادلك الاحساس ويتقرب منك هذا الاحساس بالولفه الي قاعد اغرسه بقلوب الناس بطريقه غير مباشره
وبالختام الف الف الف مبروك لك النجاح منها للاعلى

انا دائما بالخدمه

سمساار · 20-07-2009, 02:35 PM

اقتباس:

المشاركة الأصلية كتبت بواسطة lll_o

ماشاء الله

والله الطريقه حلوه و يبغالي اسويها مع طيري بس مدري يا سمسار ممكن تزبط الطريقه مع طيري و هو مشتاق لراعيه الي قبلي؟؟؟ و عندي سؤال ثاني؟

الطير حقي ما يبغا احد يمسح عليه فقلت خليني احاول و انشاء الله بتزبط بس مدري تنجح الطريقه هاذي ولا لا

الطريقه اني احط الطير على يدي و اقربه من صدري لين الصق وجهه بصدري و امسح عليه بيدي الثانيه

قدرت امس عليه 3 مرات ورا بعض هههه هاذا اكثر شي وصلتلو

فما ادري الطريقه كويسه ولا لا؟؟

حياك الله
بنسبه لسئالك عن الطريقه الي مارسها اخونا لطيره بامكانك تطبيقها على طيرك مع مراعات الوقت ومكان التدريب
واما طريقتك للمسح على طيرك اذا مشخايف الطير من هذي الطريقه فمافي مانع تستمر عليها
اتمنالك التوفيق

انا دائما بالخدمه

Destr0_0y · 20-07-2009, 03:29 PM

اقتباس:

المشاركة الأصلية كتبت بواسطة سمساار

السلام عليكم
والله فرحتني وايد شفت اشلون لما بتحس بالطير وتتقرب يمه الطير راح يبادلك الاحساس ويتقرب منك هذا الاحساس بالولفه الي قاعد اغرسه بقلوب الناس بطريقه غير مباشره
وبالختام الف الف الف مبروك لك النجاح منها للاعلى

انا دائما بالخدمه

اشكرك مره ثانيه اخوي سمسار بس عندي سؤال ابي اعرف العمر بالضبط للكاسكو جم شلون لان الحيل بس محطوط السنه 09 sst
متى العمر الافتراضي للكلام لان اخاف ان صغير على تعليم الكلام من الحين مابي أضغط عليه فانت شرايك؟؟

الكونغو · 20-07-2009, 03:34 PM

السلام عليكم اخوي أنا ابغى الببغاء ينسى العض كيف؟

سمساار · 20-07-2009, 03:41 PM

اقتباس:

المشاركة الأصلية كتبت بواسطة Destr0_0y

اشكرك مره ثانيه اخوي سمسار بس عندي سؤال ابي اعرف العمر بالضبط للكاسكو جم شلون لان الحيل بس محطوط السنه 09 sst
متى العمر الافتراضي للكلام لان اخاف ان صغير على تعليم الكلام من الحين مابي أضغط عليه فانت شرايك؟؟

حياك الله
اخوي العزيز
المراحل العمريه لطير تنعرف من لون العين وهي كالآتي :-
اللون الاسود من عمر يوم الى 5 شهور
اللون الرصاصي من عمر 6 شهور الى سنه
اللون الابيض من عمر سنتان الى الى 4 سنوات
اللون الاصفر من عمر 5 سنوات فما فوق
والله اعلم
واما العمر الافتراضي لتدريب الطير على الكلام
يفضل البدأ معاه من عمر 3 شهور وهو عمر المرح لطير واتكشاف ما حوله
اتمنى اني لبيت طلبك وقدرت اوصل لك المعلومه بوضوح اتمنالك التوفيق

انا دائما بالخدمه