ما االفرق بين الراغ دول و الهيملايا

[sisi_moon]

خيوو ..

هذا نوع وهذا نوع

مافي اي تشابه بينهم ..

قطط الهيمالايا انتجت من تزاوج شيرازي مع سيامي بعد عده أجيــال .. الى ان انتجت قطط بلون الهيمالايا وشكل وملامح وشعر الشيرازي .. وانفرردت بفصيله بروحها .. ( قطط الهيمالايا )

اما الراغدول انتج من تزاوج شيرازي أبيض مع بيرمان بوينت بلوو .. والناتج منهم تم تزويجه مع قط بورمي لونه أسود .. الى ان انتج الشكل المتواجد الآن للقط الراغدول .. يعني نفس الشي انفرد بفصيله بروحه ومايعتبر هجيـن

والراغدول مايجي بنفشه وحده بس .. زي الي حاطينها اخواني هاويه وطروقو .. لا تجي نقشات ثانيه .. وان شاءالله قريبا بس أفضى راح اسوي موضووع يخص قطط الراغدول و ألوانه ونقشاته

وفيه فرق كبييير بينهم بالشكل .. حتى لو كان لونهم بوينت

الرااغدول عيونه مسحوبه .. الهيمالايا عيونه تاامه الاستداره

الراغدول أنفه أطول من القط الهيمالايا

الراغدول شعره غالبا متوسط الطول بس احيانا وخاصه قطط العروض يكون شعرها أطول .. لكن أبدا ماتوصل لطول شعر قطط الهيمالاياا

الراغدول جسمه ضخم وطويل وعضلي .. اما الهيمالايا جسمه أقصر وأقل حجم

الراغدول اطرافه متوسطه الطول .. الهيمالايا اطرافه قصيـــره

الراغدول ذيله متووسط الطول بعد .. الهيمالايا ذيله قصيــــر

الراغدول اذنه متوسطه الطول .. الهيمالايا اذنه دااائريه وقصيره

الراغدول يجي بمستوى واحد في الوجه .. اما الهيمالايا يجي بيكي .. دول ( مون ) .. هاف بيكي

...

وبالنسبه للصوره الي حطتها هاويه وتم اختلاف هاويه وطروقو

فعلا .. كلام طروقو صحيح .. القطوه هيمالايا بيكي فيس سييل بووينت

ومايطلق عليها هجينه .. لان التهجين كان في البدايه بس لحتى يوصلون للشكل المطلوب

ويوم انهم وصلوا للشكل المطلوب .. صارت قطط منفرده بنوعها وتعتبر نقيه وغيـرر هجينه ..

كمان هاويه بخصوص الموضووع الي جبتيه عن الهيمالايا

الصوره هذي مو هيمالايا .. هذا شيرازي