بيت الكاسكو لرعايه طيور الكاسكو فكره سوف ترا النور

[فواز_الكويت]

المشاركة الأصلية كتبت بواسطة جرافولوجي

انا صراحة واحد من الناس عندي هالمشكلة هاذي بسافر شهر اليابان وموعارف شسوي ابطيري(مكاو ازرق واصفر عمرة 10 اشهر حجمة وسط) أخاف اخليه عند رفيجي يتعود عليه وينساني وآخاف اخليه بالبيت من ثالث يوم سفر يبدا يجعر معنه هو هادي والبيت هادي مافيه اله انا والوالدة بس وانا امعود الطير كل يوم او يومين اطلعة برة اشوي اتمشى وياه او امشيه الطير نوعة هادي ماايعض بس مرة من المرات حطيتله فيديو من اليوتيوب طيور مكاو وريته الفيديو بس مااخلية يسمع اصواتهم عدل اغشة يعني اعلي واقصر بالصوت على شان لا يجعر وايحسب صج واهو مافيه جعرة و يوم خلصت من الفيديو الحبيب حن إلى الطبيعة وحياة الغابات و صار فيه عض تئثر منهم واايد ابنفس اللحظة قبل ثلاث دقايق كان ايعضعض خفييف والحين صار ايعضعض قوي يعني حتى انا تئذيت منه وايد هذاك اليوم فااااا مربط الفرس الحين اخاف اخليه عندك وايشوف ربعة (البغبغاوات بأنواعهم) ايتعلم منهم شيين الجعرة والعض الحل-----> حجر انفرادي ولكن اخاف تحجرة ابمكان ابروحة يسمع اصوات لطيور اللي يمة فايجعر وآخاف انه تحجرة بالوفرة وماايكون فيه بشر امسوين حركة رايحين رادين (مثل البيت) يتعب نفسياً وترى صج الطير يتعب نفسياً مرة خليته ثلاث تيام ماطلعتة برة البيت صار سلوكة مثل سلوك واحد طاقة جبدة ايعفر وايد ويوم طلعته اشوية بس (بالصدفة) هداء اشوية و احس جنه قاعد ايقوول باااااااااااااال مابغيت اتنفس واطلع فااااا أحنى يامربين الطيور كل اللي نبيه منك لو صار هالمشرع انه اطيورنا مااتغير علينا مثل ماوديناها واهيا حبيبه ترجع واهيا حبيبة (اخووك عبدالله)

اخوي ابو عبدالله يسلم راسك وانا مثل ماقلت لك راح يكون تحت اشراف هندي

وراح اكون علي راسه وبالعكس المكان الهدء زين للطيور وبخصوص المكان راح يكون فيه

اضائه وتكيف شغل عدل وراح يكون هناك شفاط لتجديد الهوا و الموضوع تحت الدراسه

وفيكم يكبر المشروع وهذي بدايه وحلالكم راح اعتبره حلالي وراح احطه بعيوني