ارنب ولا ببغاء

[المجهول ؟؟؟]

السلام عليكم
انا في موقف صعب ارنبتي حامل ولازم يكون الجو بارد (مع العلم انا ارنبتي فروها كثيف وطويل)
وجاني قبل يومين ببغاء وما يصلحلة الهواء البارد وما ادري وشي ازين افيدون

[almobher]

ببساطه ضع الببغاء بغرفة اخرى للعلم الارانب تجلب النحس

[المجهول ؟؟؟]

مشكور اخوي بس انا ما اقدر اطلع لا الارنب ولا الببغاء
ما فيه شي ممكن ازينة حتى لو كان فيه افلوس بس المهم يكونون في غرفة وحدة
ما فيه شي يجيب النحس (بنسبة لي)

[almobher]

اخوي اذا كان فرخ 100% يموت من المكيف اما اذا كبير غطي القفص علشان ما يبرد وخليه بزاوية

[كاسكوكيه]

المشاركة الأصلية كتبت بواسطة almobher

للعلم الارانب تجلب النحس

و لله في خلقه شؤون.. من يوم نحن صغار الأرانب فالبيت ما شفنا نحس ... اخوي اتطيّر منهاي عنه...

[كاسكـــو]

فيه اقفاص للببغاء تباع يكون لها تلبيسه ( شراع ) يدخل القفص بداخلها

وتكون واجهة القفص مفتوحه وتقدر تغطيها اثناء النوم تنزل غطاء بلاستيكي شفاف

ومزود بفتحات صغيره على الجوانب للتهويه

تحمي الببغاء من البرد هذا اعتقد انسب حل لك

او تقدر تغطي القفص وتترك الواجهه مفتوحه اذا كان برد قوي

[سكر]

تقدر تزود القفص حق الببغاء, بلمبة صفراء,, وتخليها داخل القفص,, بعد ما تغطيه مثل ما قال لك كاسكو

بس خلي اللمبة داخل غلاف زجاجي أسود حتى يمنع النور من الخروج خصوصاً وقت نوم الببغاء في الليل...

فائدة اللمبة, تعطي حرارة, كانها دفاية للمساحات الصغيرة,,,

وبالنسبة للنحس,, مثل ما قالت كاسكوكية, نهى الرسول صلى الله عليه وسلم, عن الطيرة والتطير,,



تحياتي

[miss_snake]

ربي يخليك لهم

عاد لا تنسى تراوينا فراخ الارنب ^^

[MR.F]

شنو نوع الارنب
و الببغاء و كم عمره

[houston]

ماشاء الله ... بس لاتحطهم مع بعض
ولا حط البغبغاء بزاويه بعيد عن التكييف