تحذير

[bu_rshad]

السلام عليكم


اتنبهو اذا رحتو تشتروت طيور من السوق

هناك بعض الحراميه ياخذ الطير مو مدرب و يدوخه بدخان (يحشر الطير) وصير الطير بلا قوه على الحراك

ويتصرف فيه علي كيفه ويبيعه على انه مدرب وبعد ما تشتريه بوقت يصحى

و اذا تبغي تعرف انه مو مدرب تشوفه يجعر وهو يمسح عليه

واكيد اهل الخبره يعرفون اكثر مني

[bu_rshad]

العضو طير جديد حط موضوع يتكلم فيه اكثر عن غش الزيون

[زياد محمد]

هلا اخووي شسالفه نفس موضوع خوينا بس هذ1ك يقول بجده ؟ وانت من الدمام الله يستر >> اشوى شريت طير وافتكيت ههههه

[Q8 Sailer]

مشكور اخوي ...

لكن في البغض يدهن الطير من الاسفل بدهان معين يخلي الطير يغرد لكن بعد مده يسكت الطير .. لأن المفعول يروح .. وفي البعض مثل ما قلت يخدرون الطير علشان يكون اليف ... يغشون الزباين

الله يهديهم .. واشكرك

[الفارسي100]

صادق والله الببغاء الي شريته يمسح عليه وهو يجعر ومايعض ولما وصلت البيت هاتك ياعض شكله كان مسكره

[مجنون عويشق]

السلام عليكم

كل له اسلوبه

وعليك بالحذر الشديد والتاكد من سلامة الطائر


تحيه طيبه

[leo _n]

اي ووانت صادق
واكثر من كذا بعد

قد يكون الطير مريض او دايخ زي ما ذكرت

وانا اعرف واحد شاري طير 1000 ومات عليه في اليوم الثاني كان الطير غالب عليه المرض والحبيب ما نتبه
وكان يبي يرجع الطير ورجال حالف يمين انو ما يرجع الطير ولا ياخذ فلوسه

انصح الجميع بعدم شراء اي طير

[ألأصيل]

المشاركة الأصلية كتبت بواسطة bu_rshad

السلام عليكم


اتنبهو اذا رحتو تشتروت طيور من السوق

هناك بعض الحراميه ياخذ الطير مو مدرب و يدوخه بدخان (يحشر الطير) وصير الطير بلا قوه على الحراك

ويتصرف فيه علي كيفه ويبيعه على انه مدرب وبعد ما تشتريه بوقت يصحى

و اذا تبغي تعرف انه مو مدرب تشوفه يجعر وهو يمسح عليه

واكيد اهل الخبره يعرفون اكثر مني

الله يعين ياخي على الحراميه والغشاشين
يتفنون في النصب على العالم.
المهم انه احنا ما نعينهم وننساق بالاعيبهم وينتبه الواحد على اللي يشتريه.

أشكرك اخي الغالي على هذه المعلومه.

جزاك الله كل خير.

[7mamah]

لا حول ولا قوة الا بالله

تسلم على التحذير

[سكر]

والله يا أخوان في كل منطقة فيه خبراء,,,

وهذا المنتدى ما شاء الله جمع الناس من كل مكان

نصيحتي للي بيشتري طير يتعرف على واحد يثق في خبرته في المنتدى ويطلب منه ييجي معاه للسوق في المنطقة اللي هو فيها,,

عشان يسلم من الغش,,,

وما أضن إن فيه أحد ما يحب الخير,, كل الأعضاء مستعدين لمساعدة أي أحد يطلب نصيحته,,,

ومن ناحية ثانية لو إن كل واحد فينا قبل ما يطلع من بيته قال دعاء الخروج: بسم الله توكلنا على الله ولا حول ولا قوة إلا بالله

ولما يوصل السوق يقول دعاء السوق,, والله ما بيصير له إلا كل خير,,,


أتمنى نعرف إننا نحتاج التوفيق من الله,, ولازم نسعى للحصول على التوفيق,,,

فالإنسان بدون توفيق ,, مهما كان عقله كبير,, بيضل.

وأكبر مثال: أبو الحكم,, هذا كان أكثر أهل قريش حكمة,, وكانو يسمونه أبو الحكم من رجاحة عقله ومن فهمه,,

ومن كبر عقله,, لكنه ما أسلم وحارب الإسلام لأن ربي ما وفقه للهداية,,, وصار اسمه,,,,,,,,,,, أبو جهل,,, اللي كلنا نعرفه,


أعذروني على خطبة الجمعة < ههههه


تحياتي