اول قطو عندي لاتبخلون بمعلوماتكم

[sisi_moon]

اول شي هلا نواف

منور قسم القطط

وبالنسبه للقط على نحافته

اي مسكين شكله من فتره بالشارع

انت بس اهتم بتغذيته

اعطيه دجاج وبطاطس مسلووق .. زبادي .. أجبان .. دراي فود ( اكل جاف للقطط ) .. ماي طبعا

وان شاءالله كلها اسبوع او اكثير شوي ويبدا يدبدب

ولكن لما اجي امسح على ظهره مرات عادي ومرات يعصب ويبخ

ويمخشني

ماعليش بس لانه لسا مو متعود عليك .. كلها فتره ويصير اوكي وعسل

وش الممنوع اسويه واللي مفروض تكفون لاتبخلون علي تراي غبي جدا بالقطاوه

لاتقول على روحك غبي كلنا في البدايه ماكنا نفهم شي بالقطااوه

بس بعدين يوم حبيناهم قمنا نقرا عنهم وصرنا نفهم فيهم

انت بس اهتم بنظافته .. يعني حممه كل اسبوع او كل اسبوعين

الاكل .. حط له وجبه كل 5 ساعات او قبل .. لان مسكين شكله ناقص تغذيه مره

اخذ حووض وحط فيه رمل طبي خاص بالقطط تحصله بالعيادات او محلات الحيوانات او السوبر ماركات الكبيره

و حط القط فيه ..

اذا شفته يسويها برا

نظف المكان اللي يسوي فيه كووويس

وبعدين انت بعد كل وجبه حطه بالرمل

وكل كمن ساعه حطه بالرمل

ولين تشوفه يستعد عشان يسويها عالارض انت شيله على طووووول وحطه بالرمل

وفر له مكان هادي ومريح .. ولو عنكم اطفال نبهم انهم يتعاملون معه بلطف واذا شفته يخاف منهم لاتخليهم يقربون منه

وحاول انك تمسح عليه كثير وتلعبه .. ولو بغيت تسميه .. وانت تمسح عليه او تأكله بيدك او حتى وهو ياكل بروحه ناده بالاسم او اذا تلعبه ناده بالاسم

هذا الاشياء اللي لازم تسويها

الممنوعات :

الضرب ممنوع .. تطلعه برا البيت ممنوع .. تعطيه (اكل وبس) ممنوع يعني حلويات او مشروبات غازيه او منبهات او أكل ني او بقايا اكلكم .. ممكن تعطيه البقايا بس بعد غسلها عشان ماتكون فيها بهارات وملح وهالشغلات

ايه صح بعض الاوقات تجي عند رجولي ووتتمسح فيهم

وهي رافعه ظهرها لفوق (مدري بس حسيت انها بتفيد)

اووه ماشاءالله .. باين عليه حبك بسرعه

هذا معناتها انه يحط ريحته الخاصه فيك .. ( تملك )

طبعا الريحه احنا مانشمها بس القطط يشموونها

وان شاءالله تكون تجربه حلوه لك وياه ^,^

وطبعا لازم تقرا المواضيع بالقسم .. عشان تتثقف في القطط وتصير فاهم فيهم وتعرف

ولو احتجت اي شي .. حط سؤاالك ومحد بيقصر وياك ان شاءالله

بالتوفيق