ارجو دخول الي في الرياض ومهم جداًً

[DOOOOOB]

اعضاء تو زو يسرني ان اكون من احد هذا الموقع وهذا اول مشاركه في المنتدى
كما قريتو الموضوع اين اجد الببغاء الافريقي بالرياض يعني في اي محل كل المحلات اي اروح لمها يقولون ممنوع نبيع طيور ولحين كيف احصل على ببغاء ارجو ان تفيدوني

[jamrecord]

يا هلا فيك اخوي...

[DOOOOOB]

مشكور اخوي على مرورك وماقصرت

[بدر ولد أبو بدر]

انا مثلك كنت ادور عصافير لكن مافيه كلهم يقولون ممنوع

[روني]

أخي العزيز

سؤالك عن الببغانات موجوده في سوق الحمام ( في حي العزيزيه ) فتحوا البيع بس على خفيف


يعني مو مثل اول قبل المنع

ولو تروح غداً العصر اتوقع تحصل الي تبي


وان شاء الله تحصل مبتغاك

[al-wlid]

ونا والله ادور

فرخ درة او افريقي سعره جيد

[abo_cady]

ماراح تلقى احد يبيع لك الا بسوق الحمام بعد صلاة المغرب عند اول بوفيه تلقاهم باسطين بالارض كل انواع الطيور كناري حمام ببغاوات حمام

[فلنـت]

هلا اخوي دوووب .. حبيب قلبي بيع الطيور ممنوع بسبب فلونزا الطيور .. واصبح البيع من تحت لتحت .. بالعربي لابد تعرف لك واحد يبيع وعنده طيور في بيته وتروح لبيته وتشتري منه .. إذا تبي اي نوع فلنت في خدمة الامه العربيه ..!

[pink-h-]

مراحب...

كلام الاعضاء عن منع البيع كان اول مو الحين ، الحين البيع صار عادي مثلا الفيفا ولا واحة الحيوان ولا التحسين وكثير محلات تبيع عادي جدا وجميع انواع الطيور.....

[يعقوب افريقي]

سوق الحمام في الرياض على طريق الحائر عند سوق الغنم

كل بائعي الطيور تلقاهم خلف السوق العصر ايام الخميس والجمعة

وبعد المغرب تحصلهم امام السوق عند المحلات جالسين اكثر شي موجود الافريقي والكناري

بعضها تتكلم واسعارها مرتفعه شوي تحصل الهولندي الي يتكلم حول 3500 ريال العايدي يتكلم على 2000 وفيها المتوحش 900 او 800

والله يعينك انت وشطارتك مع الشريطية