استفسار وأتمنى المساعدة

[* قطة شيرازى *]

السلام عليكم و رحمة الله و بركاتة

اخى الكريم r a k a n الف مبروووك عليك صغار الجرامى ربنا يبارك لك فيهم و يزيدك

بس كنت لو تسمحلى اتمنى تسيب الذكر معاهم وقت اكتر من كدا بس انت استعجلت و شلتوا من الحوض لانى بسيب الذكر مع الصغار حتى الاحظ قدرتهم على السباحه بمفردهم و بعدها اقوم بعزل الاب عنهم

بالنسبه لاكل الصغار بناء على تجربتى الشخصيه بتفريخ الجرامى

انا كنت بجيب الخس و اغليه و بعد ما يبرد باخد الماء المغلى بالخس بعد تصفيته و اضافه للصغار

بكميات بسيطة تانى شىء بيض الجمبرى و ممكن كمان كنت اضيف قشر الاسماك العلب الى بتباع بالمحلات بس كنت بفركوا باصابعى جيدا و احطوا ليهم

و كنت بحب كمان احط ورقه خس عند التزاوج ووضع البيض لان لغايه ما يتم التزاوج و فقس البيض بيكون الخس ذاب بعض الشىء بالميه

و دا بيشكل غذاء للصغار كعوالق بالمياه

فى شىء تاانى كنت ممكن تجهزوا برضوا انك كنت قبلها بكام يوم تحط برطمان فيه بعض من جرش الحوض و بعض من مياه الحوض

و تقفلوا كويس و تسيبوا كام يوم بالشمس فيتكون طحالب فيه

و الطحالب دى بتكون كويسه جدا كغذاء للصغار

و طبعا لما الصغار يكبروا شويه ممكن تجيب دود و تقطعوا كويس و تحطوا بالحوض بكميات بسيطة لان دا هيسرع بعمليه النمو ليهم

و برضوا كنت بستخدم بس لما يكبروا شويه قطعه صغيرة من الكبدة و بسلقها بالميه تاخد غلوة واحدة و اصفيها و افرومها و احط شويه صغيرين منها و الهدف منى اعطيها غلوزة انها مش تعكر ميه الحوض

لانك مش هتقدر تغير الميه الا بعد مرور بحدود اسبوعين او تلاته على فقس البيض علشان الصغار

مش يتعبوا من تغير الميه المفاجىء ليهم و يكونوا كبروا شويه و يقدروا يستحملوا اى تغير بجزء من الميه

اتمنى ان اكون قد افدتك اخى بحسب معلوماتى و تجربتى الشخصيه

و لك منى اجمل و ارق تحيه

و مبروووك عليك الصغار مرة اخرى

قطة شيرازى