اربع اسأله مهمه لي جدا جدا جدا - ارجوكم جاوبوني !!

[YAW_q8]

السلام عليكم ورحمه الله وبركاته

اشتريت كاسكو اعتقد انه هولندي واليكم بعض الاسأله المهمه !


1- في عمر الكاسكو مالي اتوقع 5 الى 7 شهور وللله يعلم ، شنو اعطيه اكل ومتى وقت الاكل ؟ او احط الاكل والماي جدامه طول اليوم ؟
حاليا احطله مكسرات مخلوطه وحب شمسي


2- مكانه الاساسي جدام باب الرئيسي مال البيت و يم الاسنسير ، هذا اكثر مكان فيه حركه عشان يشوف الطالع والداش بس انا ساعات اخذه وياي الدوانيه يجابلني واجابله ووقت النوم احط عليه قماش اسود عشان يقدر ينام ويتدفى مره وحده ، بس مشكله بمكانه الاساسي وايد ازعاج لانه يم مكتب ابوي ويسهر ابوي عالتلفزيون والمشكله الليتات مفتوحه فوق راسه 24 ساعه فهل عادي اخليه هني وقت النوم ويكتفي بالقماش الاسود الي عالقفص؟ ولا انزله السرداب بروحه هدوء وظلمه عتمه وقت النوم؟


3- وايد يطلع ريحه مادري اذا من الاكل او منه اهوه ، وابي طريقه عشان امنع الريحه او عالاقل اخففها

4- لما ياكل يدمر المكان الي حوالينا واهلي متضايقين ، هل اكو حل لهالسالفه؟

اليوم شفته قاعد لي الساعه 4 ونص الفجر ، نسيت اغطيه عدل وادخله السرداب فهل عادي هالحركه؟


اخوكم يوسف من الكويت

url="http://www.up-00.com/"][/url][/URL

url="http://www.up-00.com/"][URL="http://www.up-00.com/"][/URL

[j7roob]

اهلين اخوي يوسف
اولا ترك الطير على الارض بهذا الشكل اكبر غلط
لازم يكون بمكان مرتفع وبارز وهو اللي يراقب مو انتم
بالنسبه للنوم عادي اذا غطيته يكفي مو مشكله الانوار ولكن الافضل انه ينام بالظلام
بالنسبة للازعاج الطير راح يتعود عليه ويتأقلم مع الوضع ولكن يفضل يكون له مكان خاص بالنوم بعيد عن الازعاج وظلام
اما بشأن الريحة اتوقع من الاكل اللي تعطيه
ضروري تغير الاكل له ويكون اكله على وجبات من ثلاث الى اربع وجبات وضروري جدا تنظف معلف الاكل والمشربية يومياً
طيرك فرخ صغير وانت تقدر تعلمه على اللي تبي ولكن يحتاج الصبر ثم الصبر ثم الصبر
وانصحك تاخذ نظرة على المواضيع المثبته بالمنتدى فيها كمية معلومات قيمة جداً



Sent from my iPhone using 2zoo.com mobile app

[YAW_q8]

مشكوور اخوي ماقصرت !! بس سؤال .. ودي اهده بالدوانيه وانا قاعد بس مشكلتي اخاف امسكه ، ودي افتحله القفص ويطلع بروحه ، بس هل راح يرجع بروحه القفص ؟


Sent from my iPhone using 2zoo.com mobile app

[j7roob]

نعم والافضل انك تفك له القفص
بالعكس الخوف من مسك الطير مشكله لازم تتعود تمسكه وتلعب معاه


Sent from my iPhone using 2zoo.com mobile app

[YAW_q8]

فعلا اخوي هديته بالدوانيه وطلع ولكن انخش وره كبت التلفزيون مو راضي يطلع ، وللاسف لازلت اخاف امسكه ، بس هل تتوقع انه راح يخليني امسح على راسه بدون لايطقني مع الايام ؟


Sent from my iPhone using 2zoo.com mobile app

[j7roob]

اذا ماتقدر تمسك الطير او تصبر على عضته انصحك تبيعه وتشوف شي غير الببغاوات


Sent from my iPhone using 2zoo.com mobile app

[YAW_q8]

ههههه اسويه مطبق كاسكو يعني عالغدا ؟


Sent from my iPhone using 2zoo.com mobile app