عندي فرخ دره واحتاج استشارتكم ومساعدتكم

[تغاريد كناري]

هلا بيك اخوي
راح اتكلم عن تجربتي الشخصيه و انا اشوفها ناجحه لان ولله الحمد مامره مات علي ببغاء بسبب الجوع
1. بنسبه للكميه تعتمد على حسب الطير و خبرتك وتقدر تعتمد على الحوصله اذا امتلت خلاص يكفي لان كل ما كبر الطير زادت الكميه اللي ياخذها ... و اوقات الطعام اذا انت بتطلع و بتطول برى البيت اعطيه اكل و نيمه طف النور لان اذا نام ماراح يجوع بسرعه يتحمل من الساعه 12 إلى حين صلاة الفجر و في النهار اطعمه كل عدة ساعات لاني بعض الوجبات ما اكون اعطيته الوجبه كامله بسبب انشغالي مثلا
لاكن لو حبينا نرتبها
الفجر
12 الضهر
3 او 4
7 المغرب
10
و اخر وجبه 12
تقريبا هذا جدولي ممكن البعض يشوفه كثير لاكن مثل ماقلت لك بحسب الكميه و هل الطير نام او لا
ماقدر احدد لك جدول بالزبط لان يختلف من ببغاء لآخر
2.تنويع الاكل شخصيا افضله بعد الفطام بحيث انك تضع الطعام المناسب لطيرك و هو منه و من نفسه ياكل اذا حب هذا الشي يلي قدمته له
3.طفي النور بس اهم شي تكون المكان فيها تهويه وليس كتمه ولا تكون بارده و يفضل تشتري صندوق للدره اللي عندك مبطن بنشارة خشب مناسب لحجمها
4.وقت الفطام للاسف انا ماكنت اعتمد على العمر
مثلا اذا اصبح الطير بدا بالقدره على الطيران تضع له علبة الاكل الخاص به و اذا جاع هو راح يبدا بالتعلم عليه بس هذي الفتره لاتتركه و لاتعتمد عليه اعتماد عليه في اطعام نفسه
اشوف فترة الفطام صعبه جدا لان بعض الاوقات الطير يعرف ياكل بس مايرضى و يجوع فبتالي انت تعطيه اكل
اسف ع الاطاله و جميع ماذكر بناء على تجاربي